એક નર હમ્પબેક વ્હેલ માદાની શોધમાં 13046 કિલોમીટરનું અંતર કાપી માદા પાસે પહોંચ્યો હતો. આ નર વ્હેલએ પ્રશાંત મહાસાગરથી હિંદ મહાસાગર સુધી 13046 કિલોમીટરની મુસાફરી કરીને રેકોર્ડ તોડ્યો છે. વૈજ્ઞાનિકો વર્ષોથી આને ટ્રેક કરી રહ્યા હતા. આ નર વ્હેલ માદાની શોધમાં ત્રણ મહાસાગરો પાર કરી ગયો હતો.
હમ્પબેક વ્હેલને વિજ્ઞાનીઓ દ્વારા 10 જુલાઈ, 2013ના રોજ ઉત્તરીય કોલમ્બિયન પેસિફિક મહાસાગરમાં ટ્રિબુગા ખાડીમાં જોવામાં આવ્યો હતો. આ પછી તે 13 ઓગસ્ટ 2017ના રોજ પ્રશાંત મહાસાગરમાં જોવા મળ્યો હતો. ત્યારબાદ 22 ઓગસ્ટ 2022 ના રોજ તે હિંદ મહાસાગરની ઝાંઝીબાર ચેનલમાં જોવા મળ્યો હતો. આ પ્રજાતિએ સૌથી લાંબુ અંતર કાપવાનો આ રેકોર્ડ બનાવ્યો છે. આ વ્હેલ સમગ્ર પૃથ્વીની આસપાસ 13 હજાર કિલોમીટરથી વધુ પ્રવાસ કરી ચૂક્યો છે.
પુરૂષ હમ્પબેક વ્હેલનો અભ્યાસ કરતી ટીમનો ભાગ રહેલા વૈજ્ઞાનિક ટેડ ચીઝમેને કહ્યું કે આ સફરનો હેતુ માત્ર પોતાના માટે યોગ્ય માદા શોધવાનો હતો. તે પહેલા કોલંબિયાથી પૂર્વ તરફ ગયો. આ પછી તે દક્ષિણ સમુદ્ર તરફ ગયો. અહીં તેણે એટલાન્ટિક મહાસાગરમાં પોતાના માટે માદાની શોધ કરી.
ચીઝમેને વધુમાં જણાવ્યું હતું કે તેણે એટલાન્ટિકમાં ઘણી માદા વ્હેલને આકર્ષવાનો પ્રયાસ કર્યો હતો પરંતુ તે કામ કરી શક્યું નહીં. આ પછી તેણે પોતાની દિશા બદલી. તે હિંદ મહાસાગર તરફ ગયો. નર હમ્પબેક વ્હેલએ એવો રેકોર્ડ બનાવ્યો કે દરિયાઈ નિષ્ણાતોની જૂની થિયરી નિષ્ફળ ગઈ.
અગાઉ માદા હમ્પબેક વ્હેલએ 1999 અને 2001 વચ્ચે બ્રાઝિલથી મેડાગાસ્કર સુધીનું 9800 કિલોમીટરનું સૌથી લાંબુ અંતર કાપ્યું હતું. તેણીએ પણ સારા પુરૂષની શોધમાં આ અંતર કાપ્યું હતું. સંવર્ધન સીઝન દરમિયાન આ સામાન્ય છે. વ્હેલ લાંબા અંતરની મુસાફરી કરે છે.
