નવી દિલ્હી: નેપાળમાં રવિવારે એક મોટી વિમાન દુર્ઘટના સર્જાય છે. નેપાળના મુખ્ય શહેરોમાંથી એક પોખરા પાસે એક પેસેન્જર પ્લેન ક્રેશ થયું છે. માહિતી અનુસાર, આ દુર્ઘટના બાદ અત્યાર સુધીમાં 68 મૃતદેહો મળી આવ્યા છે. પોખરા સત્તાવાળાઓના જણાવ્યા અનુસાર આ દુર્ઘટનામાં કોઈના બચવાની સંભાવના નથી. પાયલોટે પ્લેનને શહેરમાં ક્રેશ થવાથી બચાવવાનો પૂરો પ્રયાસ કર્યો જેથી નુકસાન ઓછું થાય.
આ વિમાન નેપાળની રાજધાની કાઠમંડુથી પોખરા તરફ જઈ રહ્યું હતું. તમને જણાવી દઈએ કે આ વિમાનમાં 68 મુસાફરો સહિત કુલ 72 લોકો સવાર હતા. યેતી એરલાઈન્સની ATR-72 ફ્લાઈટ પોખરા એરપોર્ટ પહોંચે તેના 10 સેકન્ડ પહેલા આ અકસ્માત થયો હતો. ખાસ વાત એ છે કે નેપાળના આ પોખરા એરપોર્ટનું ઉદ્ઘાટન 14 દિવસ પહેલા જ થયું હતું. આ અકસ્માત દિવસના 11.10 વાગ્યે થયો હતો. આ પ્લેન પોખરા ખીણમાં સેતી નદીના ખાડામાં પડી ગયું હતું.
પીએમ પ્રચંડે ઈમરજન્સી બેઠક બોલાવી
નેપાળના વડાપ્રધાન પુષ્પ કમલ દહલ પ્રચંડે આ દુર્ઘટના પર શોક વ્યક્ત કર્યો છે. પીએમ પ્રચંડે તમામ સરકારી એજન્સીઓને અસરકારક બચાવ કાર્ય માટે સૂચના આપી છે. આ ઘટના અંગે તેમણે કેબિનેટની ઈમરજન્સી બેઠક પણ બોલાવી હતી. વડાપ્રધાન પ્રચંડની અધ્યક્ષતામાં મળેલી આપાતકાલીન બેઠકમાં સરકારના કેબિનેટ મંત્રીઓ હાજર રહ્યા હતા.
પીએમ પ્રચંડે પ્રવાસ રદ કર્યો
પોખરા એરપોર્ટ નજીક વિમાન દુર્ઘટનાને ધ્યાનમાં રાખીને નેપાળના વડા પ્રધાન પુષ્પ કમલ દહલ પ્રચંડ અને ગૃહ પ્રધાન રબી લામિછાને આજે પોખરાની મુલાકાત લેવાના હતા. પરંતુ થોડા સમય પછી, નેપાળ સચિવાલય તરફથી કહેવામાં આવ્યું કે નેપાળના વડા પ્રધાન પુષ્પ કમલ દહલ અને ગૃહ પ્રધાન રબી લામિછાનેની પોખરાની મુલાકાત રદ કરવામાં આવી છે.
પોખરા એરપોર્ટ ચીનની મદદથી બનાવવામાં આવ્યું છે. તેના નિર્માણ માટે ચીનની એક્ઝિમ બેંકે નેપાળને લોન આપી હતી. આ એરપોર્ટનું ઉદ્ઘાટન 1 જાન્યુઆરી, 2023ના રોજ નેપાળના વડાપ્રધાન પુષ્પ કમલ દહલ પ્રચંડ દ્વારા કરવામાં આવ્યું હતું. આ સિવાય બીજી માહિતી મળી છે કે જે વિમાન દુર્ઘટનાનો ભોગ બન્યું હતું તે જ વિમાનની ડેમો ફ્લાઇટ ઉદ્ઘાટનના દિવસે કરવામાં આવી હતી.
પ્લેનમાં ત્રણ બાળકો સહિત 68 મુસાફરો સવાર હતા. આ પ્લેનમાં બે ભારતીય નાગરિકો સહિત 11 વિદેશી હતા. નેપાળ આર્મી, આર્મ્ડ પોલીસ, નેપાળ પોલીસ તેમજ સ્થાનિક નાગરિકો બચાવ કામગીરી કરી રહ્યા છે. રેસ્ક્યુ ઓપરેશન દરમિયાન અત્યાર સુધીમાં 68 મૃતદેહો મળી આવ્યા છે. નેપાળના વડાપ્રધાન પુષ્પ કમલ દહલ પ્રચંડે આ દુર્ઘટના પર શોક વ્યક્ત કર્યો છે.
પ્લેનને એટીસી તરફથી લેન્ડિંગની પરવાનગી મળી હતી
પોખરા એરપોર્ટ ઓથોરિટી દ્વારા કહેવામાં આવ્યું છે કે યેતી એરલાઈન્સનું પ્લેન રનવેથી માત્ર 10 સેકન્ડ દૂર હતું, ત્યારે પ્લેન ક્રેશ થયું હતું. એટીસી કર્મચારીના જણાવ્યા અનુસાર પોખરાનો રનવે પૂર્વ-પશ્ચિમ દિશામાં બનેલો છે. એરક્રાફ્ટના પાયલોટે અગાઉ પૂર્વ બાજુથી ઉતરાણ કરવાની પરવાનગી માંગી હતી અને પરવાનગી આપવામાં આવી હતી, પરંતુ થોડી જ વારમાં પાઇલટે પશ્ચિમ બાજુથી ઉતરાણ કરવાની પરવાનગી માંગી હતી અને ફરીથી પરવાનગી આપવામાં આવી હતી. સિવિલ એવિએશન ઓથોરિટીનું કહેવું છે કે લેન્ડિંગ પહેલા પ્લેનમાં આગની જ્વાળાઓ જોવા મળી હતી, તેથી એવું ન કહી શકાય કે ખરાબ હવામાનને કારણે આ દુર્ઘટના બની હતી.
દુર્ઘટના હવામાનની નહીં પણ ટેકનિકલ ખામીને કારણે થઈ હતી
નેપાળની એરપોર્ટ ઓથોરિટી દ્વારા કહેવામાં આવ્યું છે કે પ્લેન ક્રેશ હવામાનને કારણે નહીં પરંતુ ટેકનિકલ ખામીના કારણે થયું હતું. એરપોર્ટ ઓથોરિટી દ્વારા એવું પણ કહેવામાં આવ્યું છે કે એરક્રાફ્ટના પાયલોટે લેન્ડિંગ માટે એટીસી પાસેથી પરવાનગી લીધી હતી. પોખરા એટીસીને પણ ઉતરાણ માટે ઓકે કહેવામાં આવ્યું હતું. સિવિલ એવિએશન ઓથોરિટીનું કહેવું છે કે લેન્ડિંગ પહેલા પ્લેનમાં આગની જ્વાળાઓ જોવા મળી હતી, તેથી એવું ન કહી શકાય કે ખરાબ હવામાનને કારણે આ દુર્ઘટના બની હતી.
વિમાનમાં 5 ભારતીયો પણ સવાર હતા
53 નાગરિકો સાથે પાંચ ભારતીયો, ચાર રશિયાના, એક આયર્લેન્ડના, બે કોરિયાના, આર્જેન્ટિના અને ફ્રાંસના એક-એક નાગરિક હતા. આ જાણકારી નેપાળની એરપોર્ટ ઓથોરિટીએ આપી છે. જણાવવામાં આવી રહ્યું છે કે કુલ 68 મુસાફરોમાં 6 બાળકો પણ સામેલ છે. યેતી એરલાઈન્સે વિમાનમાં સવાર તમામ મુસાફરોની યાદી પણ જારી કરી છે.
મળતી માહિતી અનુસાર, આ અકસ્માત જૂના એરપોર્ટ અને પોખરા ઈન્ટરનેશનલ એરપોર્ટ વચ્ચે થયો હતો. કાઠમંડુ પોસ્ટ અનુસાર, યેતી એરલાઈન્સના પ્રવક્તા સુદર્શન બરતૌલાએ જણાવ્યું કે વિમાનમાં 68 મુસાફરો સવાર હતા. જણાવવામાં આવી રહ્યું છે કે ખરાબ હવામાનના કારણે આ દુર્ઘટના બની હતી. પેસેન્જર પ્લેન એક પહાડી સાથે અથડાયું અને નદીમાં પડ્યું હતું. આ પ્લેન પોખરા પહોંચ્યું હતું ત્યારે અચાનક ક્રેશ થઈ ગયું. મળતી માહિતી અનુસાર, આ અકસ્માત પોખરાના જૂના ડોમેસ્ટિક એરપોર્ટ અને પોખરા ઈન્ટરનેશનલ એરપોર્ટ વચ્ચે થયો હતો.
