દેશની રાજધાનીમાં આતંકી ગતિવિધિઓને લઈને ચોંકાવનારી માહિતી સામે આવી છે. Delhi Policeએ પાકિસ્તાનની ગુપ્તચર એજન્સી Inter-Services Intelligence (ISI) અને બાંગ્લાદેશ આધારિત આતંકી સંગઠનો સાથે જોડાણ હોવાના શંકા હેઠળ કુલ 8 લોકોને ધરપકડ કરી છે. આ મામલે સમાચાર એજન્સી ANIએ માહિતી આપી છે.
પોલીસના જણાવ્યા અનુસાર ધરપકડ કરાયેલા આઠ શંકાસ્પદોમાંથી 6 તમિલનાડુ અને 2 પશ્ચિમ બંગાળના છે. તમિલનાડુમાંથી પકડાયેલા આરોપીઓને ટ્રેન મારફતે દિલ્હી લાવવામાં આવી રહ્યા છે, જેમાંથી એક વ્યક્તિ બાંગ્લાદેશનો નાગરિક હોવાનું પણ સામે આવ્યું છે.તપાસ દરમિયાન પોલીસને આરોપીઓ પાસેથી ઘણા મોબાઇલ ફોન અને સિમ કાર્ડ મળ્યા છે. કુલ 8 મોબાઇલ ફોન અને 16 સિમ કાર્ડ જપ્ત કરાયા હોવાનું જણાવાયું છે. તપાસ એજન્સીઓનું માનવું છે કે આ લોકો સોશિયલ મીડિયા મારફતે એકબીજા સાથે સંપર્કમાં હતા અને પાકિસ્તાન આધારિત આતંકી સંગઠનોના સમર્થનમાં સામગ્રી પણ શેર કરતા હતા.
પોલીસે ધરપકડ કરાયેલા આરોપીઓની ઓળખ મિઝાનુર રહમાન, મોહમ્મદ શાબત, ઉમર, મોહમ્મદ લિતાન, મોહમ્મદ શાહિદ અને મોહમ્મદ ઉઝ્જલ તરીકે કરી છે. માહિતી મુજબ તેઓ તમિલનાડુના ઉથુકુલી, પલ્લાદમ અને તિરુમુરુગનપુન્ડી વિસ્તારોમાંથી ઝડપાયા હતા. તપાસમાં જાણવા મળ્યું કે આ લોકો ગાર્મેન્ટ ઉદ્યોગમાં કામ કરતા હતા અને પોતાની ઓળખ છુપાવવા માટે નકલી આધાર કાર્ડનો ઉપયોગ કરતા હતા.
પોલીસના નિવેદન મુજબ આરોપીઓ પર આતંકવાદીઓને મદદ કરવાનો અને દેશના વિવિધ શહેરોમાં રેકી (Recce) કરવાનો શંકા છે. સૂત્રોના જણાવ્યા મુજબ ધરપકડ કરાયેલા આઠમાંથી ચાર લોકો અગાઉ દિલ્હીમાં આયોજિત AI સમિટ દરમિયાન આવ્યા હતા અને મેટ્રો સ્ટેશન પર “Free Kashmir” જેવા ઉશ્કેરણીજનક પોસ્ટર લગાવ્યા હતા. ત્યારબાદ તેઓ પાછા તમિલનાડુ અને પશ્ચિમ બંગાળ પરત ગયા હતા.
આ દરમિયાન ગુપ્તચર એજન્સીઓએ ચેતવણી આપી છે કે દિલ્હી પર આતંકી હુમલાનો ખતરો હોઈ શકે છે. ખાસ કરીને Red Fort અને ચાંદની ચોક વિસ્તારના ધાર્મિક સ્થળો નિશાન પર હોવાની આશંકા વ્યક્ત કરવામાં આવી છે. સૂત્રો મુજબ પાકિસ્તાન આધારિત આતંકી સંગઠન Lashkar-e-Taiba (LeT) દ્વારા IED હુમલાની યોજના ઘડાઈ હોવાની માહિતી મળી છે.સુરક્ષા એજન્સીઓ હાલ આ સમગ્ર નેટવર્ક અને બાંગ્લાદેશી સંગઠન સાથેના સંબંધોની વિગતવાર તપાસ કરી રહી છે. રાજધાની સહિત દેશના અનેક મહત્વપૂર્ણ ધાર્મિક અને જાહેર સ્થળોએ સુરક્ષા કડક બનાવવામાં આવી છે.
