મહારાષ્ટ્રના અહિલ્યાનગરથી મોટા સમાચાર સામે આવ્યા છે. અહીં ‘આઈ લવ મુહમ્મદ’ ના નારાને લઈને રમખાણો ફાટી નીકળ્યા. પોલીસે લાઠીચાર્જ કર્યો હતો અને 30 લોકોની અટકાયત કરી હતી. પોલીસના જણાવ્યા અનુસાર કેટલાક અજાણ્યા વ્યક્તિઓએ ‘આઈ લવ મુહમ્મદ’ દર્શાવતી રંગોળી બનાવી હતી. મુસ્લિમ સમુદાયના લોકોએ તેને પયગંબર મુહમ્મદનું અપમાન માન્યું અને પોલીસ સ્ટેશનની બહાર વિરોધ કરવા માટે મોટી સંખ્યામાં ભેગા થયા હતા.
એક આરોપીની ધરપકડ, બે લોકો સામે કેસ દાખલ
પોલીસે જણાવ્યું હતું કે ઘટનાની નોંધ લેતા રંગોળી બનાવનારા લોકોની ઓળખ કરવામાં આવી હતી અને પરિસ્થિતિને કાબૂમાં લેવા માટે બે લોકો સામે કેસ દાખલ કરવામાં આવ્યો હતો. એક આરોપી પોલીસ કસ્ટડીમાં છે. ભીડને કાબૂમાં લેવા માટે પોલીસને કેટલાક સ્થળોએ હળવો બળપ્રયોગ કરવો પડ્યો હતો.
વરિષ્ઠ પોલીસ અધિકારીઓએ અનેક સ્થળોએ ભીડને સમજાવ્યું કે પોલીસે સમગ્ર ઘટનામાં કાર્યવાહી કરી છે. તેમ છતાં ભીડમાં રહેલા કેટલાક બેકાબૂ તત્વોએ ખલેલ પહોંચાડવાનું ચાલુ રાખ્યું હતું. પોલીસના જણાવ્યા અનુસાર શહેરમાં સુરક્ષા વધારી દેવામાં આવી છે અને લોકોને કોઈપણ અફવાઓ પર વિશ્વાસ ન કરવા કહેવામાં આવ્યું છે.
પોલીસે અત્યાર સુધીમાં ૩૦ લોકોની અટકાયત કરી છે. ભીડને કાબૂમાં લેવા માટે હળવો બળપ્રયોગ કર્યો હતો અને સમગ્ર શહેરમાં પોલીસ દળો તૈનાત કર્યા હતા. પોલીસના જણાવ્યા અનુસાર પરિસ્થિતિ હવે નિયંત્રણમાં છે અને વિવિધ સ્થળોએ પોલીસ ટીમો તૈનાત કરવામાં આવી છે.
પ્રાથમિક માહિતી અનુસાર મહારાષ્ટ્રના અહિલ્યાનગરમાં કેટલાક અજાણ્યા વ્યક્તિઓએ રસ્તા પર “આઈ લવ મુહમ્મદ” શબ્દો લખ્યા હતા. આ કૃત્યથી ધાર્મિક લાગણીઓ દુભાવાઈ હોવાનો આરોપ છે, જેના કારણે સેંકડો ગુસ્સે ભરાયેલા મુસ્લિમ સમુદાયના સભ્યો શહેરના કોતવાલી પોલીસ સ્ટેશન સામે વિરોધ પ્રદર્શન કરવા માટે ઉશ્કેરાયા છે. પોલીસ વહીવટીતંત્ર સતર્ક છે. તેમણે લોકોને કોઈપણ અફવાઓ પર વિશ્વાસ ન કરવા અપીલ કરી છે. એક આરોપી પોલીસ કસ્ટડીમાં છે. વધુ તપાસ ચાલી રહી છે.
તમને જણાવી દઈએ કે હાલમાં દેશમાં ‘આઈ લવ મુહમ્મદ’ અને ‘આઈ લવ મહાદેવ’ ના પોસ્ટરોને લઈને એક નવી ચર્ચા શરૂ થઈ છે અને ઘણા લોકો આ મુદ્દાને લઈને રસ્તાઓ પર વિરોધ પણ કરી રહ્યા છે.
