નવી દિલ્હી (New Delhi): કેન્દ્રીય ગૃહમંત્રી અમિત શાહે શનિવારે નીચલા ગૃહમાં (Loksabha) વચન આપ્યું હતું કે જમ્મુ અને કાશ્મીરને (Jammu Kashmir) ફરીથી રાજ્યનો અધિકાર આપવામાં આવશે પરંતુ “યોગ્ય સમય” પર. ગૃહમંત્રીના (Home Minister Amit Shah) આ નિવેદન પછી થોડા જ સમયમાં સમાચાર આવ્ય છે કે રાજ્યસભામાં શનિવારે ગૃહમંત્રીએ જમ્મુ-કાશ્મીર પુનર્ગઠન બિલ, 2021 પસાર કર્યું હતું. બિલની તરફેણમાં બોલતા અમિત શાહે કહ્યું કે વિપક્ષે જમ્મુ અને કાશ્મીર અને લદ્દાખના નામે રાજકરણ કરવાનું બંધ કરવુ જોઈએ. જો તમને રાજકીય લડત જોઈતી હોય, તો મેદાનમાં આવો અને સ્પર્ધા કરીએ. કોઈ ડરશે નહીં. જમ્મુ અને કાશ્મીર અને લદાખ એ આપણા દેશનો સંવેદનશીલ ભાગ છે. અને નોંધનીય છે કે નવા કાયદાને જમ્મુ કાશ્મીરને રાજ્યનો દરજ્જો મળવા સાથે કોઇ લેવા દેવા નથી. જેમ મેં અગાઉ કહ્યુ તેમ યોગ્ય સમય આવીએ જમ્મુ કાશ્મીરને રાજ્યોનો દરજ્જો મળશે જ, એમાં કોઇ શંકાને સ્થાન નથી.’.
જમ્મુ કાશ્મીરમાં તાજેતરમાં યોજાયેલી DDC ની ચૂંટણીના (Election) પરિણામોનું ઉદાહરણ આપીને શાહે રાજ્યસભામાં કહ્યુ કે, ‘જે પાર્ટી જમ્મુ કાશ્મીરમાં આર્ટિકલ 370 (article 370) પાછો સ્થાપિત કરવાના વચનો આપી ચૂંટણીઓ લડી હતી, તે પાર્ટીને લોકોએ વોટ આપ્યો નથી અને તેમનો સફાયો કરી નાંખ્યો છે. જેનો અર્થ સ્પષ્ટ છે કે અહીંના લોકો વિકાસની તરફેણમાં છે. અને તેઓ નથી ઇચ્છતા કે અહીં આર્ટિકલ 370 પાછો પ્રસ્થાપિત કરવા માંગતા નથી.’.
અમિત શાહે શનિવારે જણાવ્યું હતું કે, “મેં આ ગૃહમાં કહ્યું છે અને હું ફરીથી કહું છું કે આ બિલને જમ્મુ-કાશ્મીરના રાજ્ય સાથે કંઈ લેવાદેવા નથી મળ્યા. યોગ્ય સમય પર જમ્મુ કાશ્મીરને રાજ્યનો અધિકાર આપવામાં આવશે,” એમ અમિત શાહે શનિવારે કહ્યું હતું. બિલમાં ક્યાંય કહેવામાં આવ્યું નથી કે જમ્મુ અને કેને રાજ્યનો દરજ્જો નહીં મળે. જણાવી દઇએ કે આ બિલ સામે વિપક્ષના અરૂણ રંજન ચૌધરીે ગૃહમાં ભારે વિરોધ દર્શાવ્યો હતો.
આ વિશે બિલ શું છે?
જમ્મુ-કાશ્મીર પુનર્ગઠન (સુધારો) બિલ, 2021 (The Jammu and Kashmir Reorganisation Amendment Bill, 2021) જમ્મુ-કાશ્મીર (જમ્મુ અને કાશ્મીર) નાગરિક સેવા વિભાગના અધિકારીઓના કેડરને અરુણાચલ પ્રદેશ, ગોવાના, મિઝોરમ સંઘ પ્રદેશો (Arunachal Pradesh, Goa, Mizoram Union Territory – AGMUT) કેડરમાં જોડવા માટેના પહેલાના વટહુકમના બદલે લાવવામાં આવ્ય છે.
