આર્જેન્ટીના: લિયોનેલ મેસ્સી (Lionel Messi) વર્લ્ડ ચેમ્પિયન (World Champion) બન્યા બાદ પોતાના ઘરે પરત ફર્યો હતો. આર્જેન્ટિના (Argentina) માં ચેમ્પિયન ટીમનું ભવ્ય સ્વાગત કરવામાં આવ્યું હતું. વર્લ્ડ કપમાં 36 વર્ષ બાદ મળેલી જીતની ખુશી એટલી હતી કે મેસી આખી રાત ટ્રોફી સાથે જ સુઈ ગયો હતો. જેના ફોટા તેઓએ સોશિયલ મીડિયામાં શેર કર્યા હતા. સાથે જ કેપ્શનમાં ‘Good Day’ લખ્યું હતું.
મેસીનું ચેમ્પિયન બનવાનું સપનું પૂરું થયું
આ સાથે જ લિયોનેલ મેસીએ ઇન્સ્ટાગ્રામ પર એક ભાવુક પોસ્ટ (Post) શેર કરી છે. જેમાં તેઓએ પોતાનાં વર્લ્ડ ચેમ્પિયન બનવાના સપનાનું વાત કરતા જણાવ્યું હતું કે, ગ્રાન્ડોલીથી કતાર વર્લ્ડ કપને 30 વર્ષ થઈ ગયા છે. આ ત્રણ દાયકા સુધી આ બોલે મને ઘણું સુખ આપ્યું અને થોડું દુ:ખ પણ. મેં હંમેશા વિશ્વ ચેમ્પિયન બનવાનું સપનું જોયું હતું અને હું તેને સાકાર કરવાનાં પ્રયાસ બંધ કરવા માંગતો ન હતો, એ જાણીને કે હું કદાચ ક્યારેય હાર માનીશ નહીં. આ કપ તે બધા લોકો માટે પણ છે જેઓ અગાઉના ઘણા વર્લ્ડ કપમાં રમ્યા હતા પરંતુ જીતી શક્યા નહોતા, જેમ કે 2014 બ્રાઝિલ વર્લ્ડ કપમાં થયું હતું જ્યારે બધા સેમિફાઇનલ સુધી લડ્યા હતા અને જેમ હું ઇચ્છતો હતો કે તેઓ પણ વર્લ્ડ કપ જીતવા માંગે છે અને અમે પણ હતા. આ વિજય માટે હકદાર છે.
ડિએગોએ પણ અમને સ્વર્ગમાંથી પ્રોત્સાહન આપ્યું. અને જેમણે અમારી રમતનું પરિણામ શું આવશે તે જોયા વિના રાષ્ટ્રીય ટીમ સાથે આ સફર કરી હતી, તેઓએ અમારા પ્રયત્નોને વાસ્તવિક તરીકે સ્વીકાર્યા. ત્યારે પણ જ્યારે વસ્તુઓ અમારા મુજબ કામ કરતી ન હતી. અને અલબત્ત, સમગ્ર રાષ્ટ્રીય ટીમના જૂથ, તકનીકી ટીમ અને અન્ય તમામ સહાયક સ્ટાફનો પણ આભાર જેમણે અમારી સાથે રાત-દિવસ કામ કર્યું અને વસ્તુઓને સરળ બનાવી. કેટલીકવાર નિષ્ફળતા તમારી મુસાફરીમાં તમારી સાથે હોય છે અને તે પ્રવાસનો એક ભાગ હોય છે, શીખ્યા કે હાર્યા વિના સફળતા પ્રાપ્ત કરવી અશક્ય છે. સૌનો હૃદયપૂર્વક આભાર. ચાલો આર્જેન્ટિના જઈએ.
બસ રોડ શો દરમિયાન મોટી દુર્ઘટના ટળી
વર્લ્ડ કપમાં વિજેતા બન્યા બાદ આર્જેન્ટીનાની ટીમ મંગલવારે પોતાના વતન પહોંચી હતી. જ્યાં દેશમાં લાખ્ખો ચાહકોએ ભવ્ય સ્વાગત કર્યું હતું. આ દરમિયાન તેઓએ ખુલ્લી બસમાં રોડ શો પણ કર્યો હતો. આ રોડ શો દરમિયાન એક મોટી દુર્ઘટના ટળી હતી. આખી ટીમ ઓપન ટોપ બસમાં બેસીને ઉજવણી કરવામાં આવી હતી તે દરમિયાન છત પર બેઠેલા કેપ્ટન મેસ્સી સહિત 5 ખેલાડીઓ પડતા બચી ગયા હતા. ઉજવણી વખતે જ્યારે ચાહકોની ભીડ બસ તરફ ધસી આવી ત્યારે મેસ્સીને હેલિકોપ્ટરથી બહાર કાઢવામાં આવ્યા હતા.
