Latest News

પ્રતિનિધિ વડોદરા તા.1
નેશનલ હાઇવ 48 પર જામ્બુઆ ગામ પાસેથી ઘણી અંદર જંગલ ઝાડીઓમાં આવેલા વિસ્તારમાં ઝાડ પર 30થી 35 વર્ષના યુવકનો મૃતદેહ ડિકમ્પોઝ હાલતમાં લટકતો મળી આવ્યો છે. જેથી 20 દિવસ ઉપરાંથી લટકતા યુવકે આત્મહત્યા કરી છે કે પછી તેમની હત્યા કરીને આ બનાવને આપઘાતમાં ખપાવવા માટે લટકાવી દેવામાં આવ્યો છે ? મકરપુરા પોલીસે કયા કારણોસર યુવક મોતને ભેટો છે તેની સચોટ માહિતી મેળવવા મૃતદેહને પોસ્ટ મોર્ટમ કરાવવા એસએસજી હોસ્પિટલમાં ખસેડવામાં આવ્યો છે. બીજી તરફ એફએસએલની ટીમ દ્વારા ચકાસણી માટે મૃતદેહના સેમ્પલ લેવામાં આવ્યાં છે.
વડોદરા શહેરના નેશનલ હાઇવે પાસે આવેલા જામ્બુઆ ગામ પાસે બેથી થી 3 કિલોમીટરના અંતરે સુમસામ જંગલ જેવી જગ્યા પર 1 ડિસેમ્બરના રોજ એક વ્યક્તિની લાશ ઝાડ પર લટકતી જોવા મળી હતી. જેના જાણ 112 પર પોલીસને કરવામાં આવી હતી. ત્યારે મકરપુરા પોલીસની સ્ટેશનના સ્ટાફ તાત્કાલિક ઘટના સ્થળ પર પહોંચી ગયો હતો. મૃતદેહ 20 દિવસ ઉપરાંતથી લટકી રહ્યો હોવાના કારણે ડિકમ્પોઝ થઇ ગયો છે. તેમાંથી અતિશય દુર્ગંદ મારતી હોય પોલીસ સહિતના લાકો મોઢા પર રુમાલ રાખીને મૃતદેહની નજીક ગયા હતા અને બાંધીને મૃતદેહને પીએમ માટે સયાજી હોસ્પિટલમાં ખસેડવામાં આવ્યો છે. મકરપુરા પોલીસ દ્વારા એફએસલની ટીમને પણ ઘટના સ્થળ પર બોલાવી લેવામાં આવી હતી. ત્યારે જેથી એફએસએલના અધિકારીઓ દ્વારા સેમ્પલ લઇને ચકાસણી અર્થે મોકલી આપવામાં આવ્યાં છે. જોકે હાલમાં આ મૃતદેહ પુરુષ છે અને 20 દિવસ ઉપરાંથી લકટી રહ્યો હોય તેવુ લાગી રહ્યું છે. ત્યારે પોલીસ દ્વારા આ 30થી 35 વર્ષીય યુવકે કોઇ કારણોસર આપઘાત કર્યો છે કે પછી તેને સુમસામ જગ્યા પર લાવીને હત્યા કર્યા બાદ હત્યાના બનાવને આત્મ હત્યાના ખપાવવા માટે દોરીગળામાં ભરાવીને લટકાવી દેવામાં આવ્યો તો નથીને તેની તપાસ કરાઇ રહી છે.
– કોઇ પોલીસ સ્ટેશન સ્ટેશનમાં છેલ્લા 20થી 30 દિવસમાં ગુમની ફરિયાદ નોધાઇ છે તેની તપાસ શરૂ
મકરપુરા પોલીસ દ્વારા આ યુવકની લાશ કોની છે મૃતદેહના શરીર પર પહેરેલા કપડામાં કોઇ ઓળખવિધી થાય તેવું આઇડી પ્રુફ છે, ઉપરાંત કોઇઅન્ય ઇજાના નિશાન છે તેની પણ તપાસ કરાઇ છે. બીજી તરફ પોલીસ દ્વારા આસપાસના વિસ્તારોમાં કોઇ ગુમ થયું છે કે નહી તેની ફરિયાદ પોલીસ સ્ટેશનમાં નોંધાવવામાં આવી છે ? તેની હાલ પોલીસ તપાસ ચાલી રહી છે. એ એમ ગોહિલ, પીઆઇ મકરપુરા, પોલીસ સ્ટેશન