Latest News

વડોદરાથી કવાંટ તરફ જતી વખતે યુવકને કાળ ભરખી ગયો :

( પ્રતિનિધિ )વડોદરા,તા.16

ડભોઇ વડોદરા રોડ ઉપર પૂરપાટ દોડતા એલ.પી ટ્રકના ચાલકે વડોદરા તરફથી આવી આગળ પસાર થઈ રહેલા બાઈક ચાલકને અડફેટે લેતા બાઈક ચાલક ટ્રકના ટાયર નીચે કચડાઇ જતા મોત નિપજ્યું હતું. યુવક વડોદરાથી છોટાઉદેપુર જઈ રહ્યો હતો તે સમયે ઘટના બની હતી. બનાવને પગલે પોલીસે મૃતદેહને પી.એમ અર્થે મોકલી અકસ્માત સર્જી સ્થળ ઉપર ટ્રક મૂકી ભાગી છૂટેલા ટ્રક ચાલકને શોધવા ચક્રો ગતિમાન કર્યા હતા.

વડોદરાથી કવાંટ તરફ બાઈક લઇ જઇ રહેલા યુવક રાહુલ કૌશિકભાઈ રાઠવાને ડભોઇના રિલાયન્સ પેટ્રોલ પંપ નજીક ગમખ્વાર અકસ્માત નડ્યો હતો. પાછળથી પુર ઝડપે આવતી એલ.પી ટ્રકના ચાલકે રાહુલની બાઇકને ટક્કર મારતા રાહુલ રાઠવા ટ્રકના ટાયર નીચે કચડાઇ ગયો હતો. ટ્રક અને બાઈક બંને રોડની બાજુમાં આવેલ ખાડામાં ઘમરોડાઈ હતી. યુવકના ભાઈની ફરિયાદ આધારે પોલીસે ટ્રક પૂરપાટ ચલાવી અકસ્માત સર્જી સ્થળ ઉપર ટ્રક મૂકી ભાગી ગયેલ ટ્રક ચાલક વિરૂધ્ધ ગુન્હો દાખલ કરી તેને શોધી કાઢવા ચક્રો ગતિમાન કર્યા છે. પોલીસે મૃતદેહને પીએમ અર્થે મોકલી કાયદેસર કાર્યવાહી હાથ ધરી હતી.