મુંબઈ: કોમિડી કિંગ કપિલ શર્મા (Comedy King Kapil Sharma) હર ઘરમાં ફેમસ છે. કપિલની સ્ટેન્ડઅપ કોમેડી ધ કપિલ શર્મા શોમાં (The Kapil Sharma Show) લોકોના વીકએન્ડને ખાસ બનાવે છે. ત્યારે આ કોમિડી શો સાથે જોડાયેલો કપિલનો એક વીડિયો સામે આવ્યો છે. જેમાં કપિલ શર્માં કોમિડી તો કરી રહ્યા છે પણ ટેલિપ્રોમ્પ્ટરનો ઉપયોગ કરીને. કપિલ શર્મા ટેલિપ્રોમ્પ્ટર (Teleprompter) વાંચીને જોક્સ કરતા જોવા મળી રહ્યો છે. આ વીડિયો (Video) સોશિયલ મીડિયા (Social Media) પર આગની જેમ ફેલાઈ રહ્યો છે ત્યારે કપિલ શર્માને સોશિયલ મીડિયા યુઝર્સ ટ્રોલ કરી રહ્યા છે તો આ સાથે કપિલ શર્માના સાચા ફેન તેનો બચાવ પણ કરી રહ્યા છે.
કપિલ શર્માનો વીડિયો સોશિયલ મીડિયા પર વાયરલ થયો છે. વીડિયોમાં કપિલ કોમેડી કરી રહ્યો છે, જ્યારે સ્ક્રીન ઝૂમ કરવામાં આવે છે, ત્યારે વિન્ડો સ્ક્રીન પર ટેલિપ્રોમ્પ્ટરની ઝલક દેખાય છે. તેમાં કપિલના ડાયલોગ્સ લખેલા છે. આ ટેલિપ્રોમ્પ્ટર યુઝર આરામથી જોઈ શકે તેવું છે. યુઝરે વિડિયોમાં કપિલના ટેલિપ્રોમ્પ્ટરના ઉપયોગ પર આશ્ચર્ય વ્યક્ત કર્યું હતું. તે વ્યક્તિ વિચારતો હતો કે કપિલ પોતાની વાત કરે છે અને મજાક ઉડાવે છે. પરંતુ યુઝરનો આ ભ્રમ તૂટી ગયો અને તેને ખબર પડી કે કપિલના ડાયલોગ્સ અને જોક્સ પહેલેથી જ લખાયેલા છે. તે ટેલિપ્રોમ્પ્ટરનો ઉપયોગ કરીને જોક્સ કરે છે.
ચાહકોએ કપિલને આપ્યો સાથ
આ વીડિયો સોશિયલ મીડિયા પર ઘણો વાયરલ થઈ રહ્યો છે. આ વીડિયો વાયરલ થયા બાદ જે લોકો કપિલને પસંદ નથી કરતા તેઓએ કપિલને ટ્રોલ કરવાનું શરૂ કરી દીધું હતું, પરંતુ બીજી તરફ કપિલના ચાહકોએ તેને સપોર્ટ કર્યો હતો. જ્યારે સોશિયલ મીડિયા પર કપિલને સપોર્ટ કરનારા લોકોની સંખ્યા વધુ જોવા મળી હતી. ત્યારે લોકોએ કપિલની તારીફ કરી હતી અને ટેલિપ્રોમ્પ્ટરના ઉપયોગને જરૂરી પ્રક્રિયા ગણાવી હતી. કપિલને એક્સપોઝ કરવા માટે જે વ્યક્તિએ વીડિયો બનાવ્યો તેને ટ્રોલ કરવામાં આવી રહ્યો છે.
યુઝર્સે સપોર્ટ કરતા કહી આ વાત
સોશિય મીડિયાના એક યુઝરે લખ્યું- તો શું થયું, ન્યૂઝ એન્કર પણ આવું જ કરે છે, અને અમે મજા કરીએ છીએ. લોકો હસે છે અને બીજું શું જોઈએ. ત્યારે બીજા યુઝરે કટાક્ષ કરતા લખ્યું – હા, ટેલિપ્રોમ્પ્ટરનો ઉપયોગ કરીને બોલવું ખૂબ જ સરળ છે. તમે પણ ફેમસ બની શકો છો. અન્ય યુઝરે કપિલને સપોર્ટ કરતા લખ્યું કે ટેલિપ્રોમ્પ્ટર જોયા પછી બોલવું જરૂરી છે. આ શૂટિંગની સામાન્ય વાસ્તવિકતા છે. યૂઝર લખે છે – તે એટલા માટે કે જો તે કોઈ વસ્તુ ભૂલી જાય તો તે યાદ રાખી શકે છે. આટલા બધા લોકોને હસાવવા એ કોઈ સહેલી અને સરળ વાત નથી.
કપિલના ફેન્સ તેના સાચા ફેન્સ છે કારણ કે કપિલ ટેલિપ્રોમ્પ્ટર જોઈને કે જોયા વગર કોમેડી કરે છે, તેનાથી તેને કોઈ ફરક નથી પડતો. ફેન્સ માત્ર કપિલની કોમેડી પર ધ્યાન આપે છે. કપિલ શર્માનો શો વર્ષોથી ફેન્સનો ફેવરિટ રહ્યો છે. કોમેડી શો દર વર્ષે લોકોનું મનોરંજન કરે છે. આ વખતે પણ કપિલનો શો ટીઆરપી રેટિંગમાં છે. કપિલની ટીમ બદલાઈ ગઈ છે. તેની ટીમમાં કેટલાક નવા સાથીઓ જોડાયા છે. કપિલની કોમેડીના ચાહકોને પણ તેની નવી ટીમ ઘણી મજબૂત લાગી છે. ચાહકો દરેક વીકેન્ડમાં કપિલ શર્માના શોની ઉત્સાહ સાથે રાહ જોતા હોય છે.
