નવી દિલ્હી: જેસલમેરમાં (Jaisalmer) BSFની ટ્રક (Truck) પલટી જવાથી મોટી દુર્ઘટના (Accident) થઈ છે. સીમા સુરક્ષા દળના જવાનોની ટ્રક અચાનક પલટી ગઈ, જેમાં બીએસએફનો (BSF) એક જવાન શહીદ થયો. તેમજ 12 થી વધુ સૈનિકો ઘાયલ થયા છે. ઘાયલ બીએસએફ જવાનોની હોસ્પિટલમાં સારવાર ચાલી રહી છે.
ભારત-પાકિસ્તાન બોર્ડર પર સતર્કતા વધારી દેવામાં આવી છે. 15 ઓગસ્ટને ધ્યાનમાં રાખીને ભારત-પાકિસ્તાન આંતરરાષ્ટ્રીય સરહદ પર 11 થી 17 ઓગસ્ટ સુધી સતર્કતા વધારવામાં આવી છે. ‘ઓપરેશન એલર્ટ’ ચાલુ છે. શનિવારે જેસલમેરથી બોર્ડર તરફ રેશન લઈને જઈ રહેલા BSF જવાનોનો ટ્રક અકસ્માતનો ભોગ બન્યો હતો અને પલટી ગયો હતો. આ અકસ્માતમાં ટ્રકમાં હાજર એક જવાનનું મોત થયું હતું. તેમજ 13 જવાન ઘાયલ થયા હતા. તમામ ઘાયલ જવાનોની હોસ્પિટલમાં સારવાર ચાલી રહી છે.
બીએસએફની ટ્રક પલટી જવાથી સર્જાયેલા આ અકસ્માતમાં એક જવાનનું ઘટનાસ્થળે જ મોત થયું હતું. આ સાથે સીમા સુરક્ષા દળના 13 જવાનો ઘાયલ થયા છે. આ તમામ જવાન બીએસએફની 149મી બટાલિયનના જણાવવામાં આવી રહ્યા છે. આ અકસ્માતમાં સીમા સુરક્ષા દળના એક જવાનનું મોત થયું છે. તેનું નામ એસકે દુબે જણાવવામાં આવી રહ્યું છે. આ અકસ્માત લંગતાલા પાસે થયો હતો. સીમા સુરક્ષા દળના જવાનો રાશનનો સામાન લઈને ભારત-પાકિસ્તાન બોર્ડર તરફ જઈ રહ્યા હતા, ત્યારે અચાનક અકસ્માત થયો.
આ અકસ્માતમાં સીમા સુરક્ષા દળના 13 જવાન ઘાયલ થયા છે. જવાનોની જવાહર હોસ્પિટલમાં સારવાર ચાલી રહી છે. આ અકસ્માતની માહિતી મળતા જ બીએસએફના ઉચ્ચ અધિકારીઓ પણ હોસ્પિટલ પહોંચી ગયા હતા. આ સાથે જ પોલીસે હોસ્પિટલ પહોંચી અકસ્માતની તપાસ શરૂ કરી છે. જવાહર હોસ્પિટલના ડોક્ટરોની ટીમ ઘાયલ જવાનોની સારવારમાં લાગેલી છે. આ દુર્ઘટના અંગે હજુ સ્પષ્ટતા થઈ નથી. હોસ્પિટલમાં હાજર બીએસએફના અધિકારીઓ આ દુર્ઘટના કેવી રીતે થઈ તે અંગે કંઈ પણ કહેવાનો ઈન્કાર કરી રહ્યા છે.
15 ઓગસ્ટે સ્વતંત્રતા દિવસને ધ્યાનમાં રાખીને ભારત-પાકિસ્તાનની આંતરરાષ્ટ્રીય સરહદ પર બોર્ડર સિક્યોરિટી ફોર્સ તરફથી ઓપરેશન એલર્ટ ચાલુ છે. આ ઓપરેશન એલર્ટ 11 થી 17 ઓગસ્ટ સુધી 7 દિવસ સુધી ચાલુ રહેશે. સીમા સુરક્ષા દળની દેખરેખ બહારના વિસ્તારોમાં વધારી દેવામાં આવી છે. સ્વતંત્રતા દિવસને ધ્યાનમાં રાખીને દર વર્ષે ઘૂસણખોરી અને દાણચોરીની શક્યતાઓને રોકવા માટે એલર્ટ ચલાવવામાં આવે છે. આ ઓપરેશન એલર્ટ (BSF) દરમિયાન બોર્ડર સિક્યોરિટી ફોર્સ ભારત-પાકિસ્તાન સરહદ નજીક ફેન્સીંગ પર ચાંપતી નજર રાખશે.
