જેકલીન ફર્નાન્ડિસનો બોયકોટ થવો જોઈતો હતો પણ નથી થયો. ફિલ્મ સર્કલમાં અનેક સ્ટાર્સ મારવા અપરાધી લોરેન્સ બિશ્નોઇના માણસો ફરે છે અને સલમાને સખ્ત પહેરા વચ્ચે શૂટિંગ શરૂ કરવું પડે છે. તે હવે વધુ બહાર પણ નીકળી શકતો નથી. દિલીપકુમારને પણ હાજી મસ્તાન સાથે સારા સંબંધ હતા અને દાઉદ ઇબ્રાહીમે તો અનેક સ્ટાર્સને પોતાની ઇચ્છા મુજબ નચાવ્યા છે. ફિલ્મના ધંધાને ઉદ્યોગપતિ અને અપરાધી તત્ત્વો વિના ન ચાલી શકે. કેટલીક હીરોઇનો અપરાધ જગતનાં લોકોની રખાત રહી ચૂકી છે. એમાં એક જેકલીન ફર્નાન્ડીસ હોય તો ફિલ્મજગતને બહુ વાંધો ન આવે.’ સુકેશુુ ચન્દ્રશેખર જેવા સાથે તે મની લોન્ડ્રીંગ કેસમાં ફસાયેલી હોય તો ફિલ્મવાળા તેને પોતાની ફિલ્મમાં ન લે એવું કાંઇ નથી. 2022ના 26 સપ્ટેમ્બરનાં અદાલતે તેની 50,000 હજારના બોન્ડ પર જામીન આપી છે. તે હવે ફરી ફિલ્મોમાં કામ કરે છે. છેલ્લા વર્ષમાં તેની કોઇ ફિલ્મ બોકસ ઓફિસ પર ધાડ નથી મારી અને સલમાન ખાન સાથેના સંબંધ પણ પૂરા થઇ ગયા છે. સલમાનનું તો છે જ એવું, ગમે તેટલો વખત જે તે અભિનેત્રી સાથે મોજ કરે અને પછી છોડી દે.ઐશ્વર્યા પછી કેટરીના અને કેટરીના પછી જેકલીન. સલમાન સાથે સંબંધ રાખનારી બધી અભિનેત્રી જાણે છે કે સલમાન કેટલા સાથે સંબંધમાં રહ્યો છે પણ તેમને વાંધો નથી હોતો. ‘કામ’ના સંબંધો એવા જ હોય. જેકલીન કોઇ ગ્રેટ એકટ્રેસ છે પણ નહીં અને મુંબઇના ફિલ્મજગતમાં ટકી રહેવા અમુક સ્ટાર્સનો કયા નિર્માતા કયા દિગ્દર્શકનો આધાર લેવાનો જ હતો. સલમાન આ બધું જાણે છે અને તેને એવો વાંધો નથી. બાકી જેને હિન્દી બોલવાનાં ય ફાંફા અને ભારતીય સૌંદર્ય પણ નહીં તે ટકે કઇ રીતે? શ્રીલંકાની આ અભિનેત્રી પાસે અત્યારે આઠ ફિલ્મો છે એનો અર્થ એ કે તેનું બધું મસ્ત રીતે ચાલી રહ્યું છે. સોનુ સુદે દિગ્દર્શક તરીકેની કારકિર્દી આરંભતી પહેલી જ ફિલ્મ ‘ફતેહ’માં સોનુ સાથે જેકલીન છે. આ ફિલ્મ બે મહિના રહીને 10મી જાન્યુઆરીએ રજૂ થવાની છે. સોનુ સુદે હીરો તરીકે કારકિર્દી જમાવવી છે અને જેકલીન તેની હીરોઇન છે. કરો ફત્તેહ! જેકલીનની વેલકમ ટુ જંગલ તો આ 20મી ડિસેમ્બરે જ રજૂ થવાની છે અને તેમાં તે અક્ષય કુમાર દિશા પટની સાથે છે. સિદ્ધાર્થ આનંદ જેવા દિગ્દર્શકની ફિલ્મમાં તે સિદ્ધાર્થ મલ્હોત્રાની હીરોઇન છે. તો ‘વન વે’માં તે ઝાયેદ ખાન સાથે આવે છે. અરે, તેની પાસે તો હજુ ય સલમાનથી છુટી સુકેશુ યા કોઈ બીજા સાથે પરણી જશે. અત્યારે કારકિર્દી જેટલી આગળ વધે તેટલી વધવા દો. ફિલ્મજગતમાં ટકી રહેવાનું આવડે તો અભિનેત્રીઓ ટકી જાય છે. જેકલીન પાસે ટકી રહેવાની આવડત છે એટલે તે ફિલ્મોમાં છે. •
