ચંદ્રની (Moon) સપાટી પર ઐતિહાસિક ઉતરાણ કર્યા પછી ચંદ્રયાન-3 (Chandrayan-3) તેના મિશનમાં ખૂબજ વ્યસ્ત છે. દરમ્યાન રોવર દ્વારા એક મેસેજ મળ્યા બાદ ઇસરોએ (ISRO) સમગ્ર વિશ્વ સમક્ષ સારા સમાચાર પ્રસ્તુત કર્યા છે. રોવરે જણાવ્યું છે કે ચંદ્ર પર ઓક્સિજનની (Oxygen) હાજરી છે. રોવર પર લગાડવામાં આવેલ લેસર ઇન્ડ્યુસ્ડ બ્રેકડાઉન સ્પેક્ટ્રોસ્કોપ (LIBS) સાધનએ ચંદ્રની સપાટી પર ઓક્સિજનની પુષ્ટિ કરી છે.
ચંદ્રયાનના રોવર પ્રજ્ઞાને ચંદ્રના દક્ષિણ ધ્રુવ પર સલ્ફર, એલ્યુમિનિયમ, કેલ્શિયમ, આયર્ન, ક્રોમિયમ, ટાઇટેનિયમ, મેંગેનીઝ, સિલિકોન અને ઓક્સિજન શોધી કાઢ્યા છે. ઈસરોએ કહ્યું કે ચંદ્રની સપાટી પર હાઈડ્રોજનની શોધ ચાલુ છે. LIBS એ એક વૈજ્ઞાનિક ટેકનિક છે જે સામગ્રીના માળખાને તીવ્ર લેસર સ્પંદનોના સંપર્કમાં લઈને તેનું વિશ્લેષણ કરે છે. LIBS પેલોડ ઇલેક્ટ્રો-ઓપ્ટિક્સ સિસ્ટમ્સ (LEOS), ISRO, બેંગલુરુ માટે લેબોરેટરીમાં વિકસાવવામાં આવ્યો છે. ભારતીય અવકાશ સંશોધન સંસ્થા (ઇસરો) એ મંગળવારે ચંદ્રયાન 3 ના પ્રજ્ઞાન રોવર પર એક નવું અપડેટ આપ્યું છે. ISRO એ તેના સત્તાવાર X (અગાઉ ટ્વિટર) એકાઉન્ટ પર પોસ્ટ કર્યું છે કે રોવર હવે ચંદ્રના રહસ્યો જાહેર કરવા માટે તેના માર્ગ પર છે.
ઈસરોએ જણાવ્યું છે કે ચંદ્રયાનનાં રોવર પ્રજ્ઞાની શોધ દરમ્યાન ચંદ્રના દક્ષિણ ધ્રુવ પર ચંદ્રની સપાટી પર એલ્યુમિનિયમ (Al), સલ્ફર (S), કેલ્શિયમ (Ca), આયર્ન (Fe), ક્રોમિયમ (Cr) અને ટાઇટેનિયમ (Ti)ની હાજરી પણ બહાર આવી છે. ચંદ્રની સપાટી પર મેંગેનીઝ (Mn) અને સિલિકોન (C) ની હાજરી પણ મળી આવી છે. ઈસરોના જણાવ્યા અનુસાર હાઈડ્રોજનની હાજરી અંગે સંપૂર્ણ તપાસ ચાલી રહી છે.
