ઇઝરાયલ-ઈરાન યુદ્ધ દરમિયાન મધ્ય પૂર્વમાં પરિસ્થિતિ ઝડપથી બગડી છે, જેની અસર દુબઈથી ભારત સુધી અનુભવાઈ છે. દુબઈના પ્રતિષ્ઠિત બુર્જ ખલીફા નજીક ડ્રોન હુમલો થયો. જેના કારણે એરપોર્ટ બંધ કરી દેવાયો છે. ઍર ઇન્ડિયા અને ઇન્ડિગોએ મધ્ય પૂર્વની ફ્લાઇટ્સ રદ કરી દીધી છે. જેની અસર વિશ્વભરની ફ્લાઇટ્સ પર પડી છે.
ઇઝરાયલ-ઈરાન યુદ્ધ દરમિયાન મધ્ય પૂર્વમાં પરિસ્થિતિ ઝડપથી બગડી છે, જેની અસર દુબઈથી ભારત સુધી અનુભવાઈ છે. દુબઈના પ્રતિષ્ઠિત બુર્જ ખલીફા નજીક ડ્રોન હુમલો થયો.
સાવચેતી રૂપે બુર્જ ખલીફાને ખાલી કરાવવામાં આવ્યો અને તેની લાઇટ્સ બંધ કરી દેવામાં આવી. બુર્જ ખલીફાને ખાલી કરવી દેવામા આવ્યો હોવાની પણ જાણકારી મળી છે. હુમલા બાદ, દુબઈ ઇન્ટરનેશનલ એરપોર્ટ અને અલ મક્તૂમ એરપોર્ટ પર ફ્લાઇટ કામગીરી આગામી સૂચના સુધી સ્થગિત કરવામાં આવી છે.
ઘણા દેશોએ તેમના એરસ્પેસને અસ્થાયી રૂપે બંધ કરી દીધા, જેના કારણે વિશ્વભરની ફ્લાઇટ્સ પર અસર પડી. ભારતમાં, એર ઇન્ડિયા અને ઇન્ડિગોએ મધ્ય પૂર્વ તરફની ઘણી ફ્લાઇટ્સ રદ કરી છે અથવા ડાયવર્ટ કરી છે.
નાગરિક ઉડ્ડયન મહાનિર્દેશાલય (DGCA) એ પણ એરલાઇન્સને 11 દેશોના એરસ્પેસ ટાળવાની સલાહ આપી છે. મુસાફરોને એરપોર્ટ પર મુસાફરી ન કરવાની અને નવીનતમ માહિતી માટે તેમની એરલાઇન્સ સાથે તપાસ કરવાની સલાહ આપવામાં આવી છે.
