સોમવારે ઈરાને રિવોલ્યુશનરી ગાર્ડ્સના નૌકાદળના વડા અલીરેઝા તંગસિરીના મૃત્યુની પુષ્ટિ કરી. આ પુષ્ટિ ગુરુવારે ઇઝરાયલ દ્વારા કરવામાં આવેલા દાવાઓ પછી થઈ કે તેણે ઈરાની નૌકાદળના ઉચ્ચ કક્ષાના અધિકારી રીઅર એડમિરલ તંગસિરીની હત્યા કરી હતી. સોમવારે ગાર્ડ્સ દ્વારા જારી કરાયેલા એક નિવેદનમાં જાહેરાત કરવામાં આવી હતી કે તંગસિરીનું તેમની ઇજાઓની ગંભીરતાને કારણે “નિધન” થયું છે. આ નિવેદન રાજ્ય ટેલિવિઝન પર વાંચવામાં આવ્યું હતું.
મધ્ય પૂર્વમાં ચાલી રહેલા સંઘર્ષ વચ્ચે એક મોટા સમાચાર સામે આવ્યા છે. ઇઝરાયલી હુમલામાં IRGC નૌકાદળના કમાન્ડર અલીરેઝા તંગસિરીનું મૃત્યુ થયું છે. ઇઝરાયલે તાજેતરમાં દાવો કર્યો હતો કે તંગસિરી જેને હોર્મુઝ સ્ટ્રેટ બંધ કરવા માટેની વ્યૂહરચના માટે જવાબદાર માનવામાં આવતા હતા તે માર્યા ગયા. ઇઝરાયલી હુમલા પછી મળેલી ગંભીર ઇજાઓથી તેમનું મૃત્યુ થયું. IRIB (ઇસ્લામિક રિપબ્લિક ઓફ ઈરાન બ્રોડકાસ્ટિંગ) એ સત્તાવાર રીતે તેમના મૃત્યુની પુષ્ટિ કરી છે. આ પહેલા ઇઝરાયલી સંરક્ષણ પ્રધાન કાત્ઝે ગયા અઠવાડિયે જણાવ્યું હતું કે ઇઝરાયલી સૈન્ય દ્વારા હાથ ધરવામાં આવેલા લક્ષિત ઓપરેશન દરમિયાન કમાન્ડરનું મોત થયું હતું.
અલીરેઝા તંગસિરીએ IRGC ના નૌકાદળના વડા તરીકે સેવા આપી હતી. તેઓ 2018 થી આ પદ પર હતા. તેમને હોર્મુઝ સ્ટ્રેટ માટે ઈરાનની સુરક્ષા વ્યૂહરચના પાછળના મુખ્ય સૂત્રધાર તરીકે વ્યાપકપણે માનવામાં આવતા હતા. તેમણે ગલ્ફ યુદ્ધ દરમિયાન યુએસ અને ઇઝરાયલી જહાજોને પડકારવામાં મુખ્ય ભૂમિકા ભજવી હતી.
‘દરેક ફાઇટર એક તંગસિરી છે’
સમાચાર એજન્સી AP ના અહેવાલ મુજબ નિવેદનમાં તંગસિરીના પ્રયાસોની પ્રશંસા કરવામાં આવી છે. ખાસ કરીને હોર્મુઝ સ્ટ્રેટ પર ઈરાનને તેનું વર્ચસ્વ જાળવી રાખવામાં મદદ કરવામાં તેમની ભૂમિકાની. નિવેદનમાં આગળ જાહેર કરવામાં આવ્યું કે દરેક ફાઇટર એક તંગસિરી છે અને આપણે જોઈશું કે આવનારા દિવસો અને મહિનાઓમાં તેઓ કયા આશ્ચર્યજનક કાર્યો કરે છે.
