નવી દિલ્હી: કેરળ ફિલ્મ ફેસ્ટિવલ 2022ની (Kerala Film Festival 2022) ધમાકેદાર શરૂઆત થઈ ગઈ છે. આ મોટા ફિલ્મ ફેસ્ટિવલમાં દેશ અને દુનિયાના ફિલ્મ નિર્માતાઓ (Director) અને એન્ટેનમેન્ટ ઈન્ડસ્ટ્રી (Entertainment Industry) સાથે સંકળાયેલા સ્ટાર્સનું સન્માન કરવામાં આવનાર છે. આ સાથે અહીં ઘણી સારી અને શ્રેષ્ઠ ફિલ્મો પણ દર્શાવવામાં આવશે. જો કે પહેલા જ દિવસે આ સમારોહ એક અનોખા કારણથી ચર્ચામાં સ્થાન બનાવી લીધું છે. અહેવાલ છે કે ઈરાની ફિલ્મ નિર્દેશક (Iran Film Director) મહનાઝ મોહમ્મદીએ (Mahnaz Mohammadi) કેરળ ફિલ્મ ફેસ્ટિવલમાં પોતાના કાપેલા વાળ (Cut off Hair) મોકલ્યા હતા.
મહનાઝે તેના વાળ મોકલ્યા
27મો કેરળ ઈન્ટરનેશનલ ફિલ્મ ફેસ્ટિવલ શુક્રવારથી શરૂ થયો છે. આ સમારોહમાં મહનાઝ મોહમ્મદીને ‘સ્પિરિટ ઓફ સિનેમા’ એવોર્ડથી સન્માનિત કરવામાં આવી હતી. પરંતુ મહિનાઓ સુધી મહિલાઓના અધિકારો માટેની લડતને કારણે મહનાઝને ઈરાનથી બહાર જવાની પરવાનગી મળી શકી ન હતી. આવી સ્થિતિમાં તેણે તેના કાપેલા વાળ તેના મિત્ર અને ગ્રીક ફિલ્મ નિર્માતા એથેના રશેલ ત્સાંગારી સાથે મોકલ્યા હતા અને આ સાથે જ એક મોટા સંદેશ પણ ફિલ્મ ફેસ્ટિવલમાં મોકલ્યો હતો.
કાપેલા વાળ સાથે દુનિયાને મોટો સંદેશ આપ્યો
મહનાઝ મોહમ્મદી દિગ્દર્શકની સાથે સામાજિક કાર્યકર્તા પણ છે. ઈરાનમાં મહિલાઓને લાંબા સમયથી સંઘર્ષ કરવો પડ્યો છે. હજારો ઈરાની મહિલાઓ તેમના વાળ કાપીને અને તેમના હિજાબ સળગાવીને વિરોધ કરી રહી છે, તેમના મુક્તપણે જીવવાના અધિકારની માંગ કરી રહી છે. સપ્ટેમ્બરમાં 22 વર્ષીય મહસા અમીની ઈરાની પોલીસ દ્વારા માર્યા ગયા બાદ આંદોલન શરૂ થયું હતું. એવું કહેવામાં આવ્યું હતું કે મહસાએ ઈરાનના ડ્રેસ નિયમોનું ઉલ્લંઘન કર્યું છે. આ પછી દેશની મહિલાઓએ પોતાના અધિકારની માંગણી શરૂ કરી હતી.
ફિલ્મ ફેસ્ટિવલમાં મહનાઝ મોહમ્મદી વતી એથેના રશેલ ત્સાંગારીએ એવોર્ડ મેળવ્યો હતો. તેણે દર્શકોની સામે મેહનાઝના કપાયેલા વાળ બતાવ્યા હતા. આ સાથે એથેનાએ તેના દ્વારા મોકલેલો મેસેજ પણ વાંચ્યો હતો. મહનાઝ મોહમ્મદીનો સંદેશ હતો- ‘આ મારા વાળ છે, જે મેં મારું દર્દ બતાવવા માટે કાપ્યા છે. આ મારી પીડાનો અંત દર્શાવે છે. હું તમને આ એટલા માટે મોકલી રહી છું કારણ કે આ દિવસોમાં અમને સમાન અધિકારો મેળવવા માટે એકતાની જરૂર છે.
આ સાથે જ તેમણે શ્રોતાઓને ‘ઝેન, જિંદગી, આઝાદી’ એટલે કે મહિલા, જીવન અને આઝાદીનો નારા લગાવવા અનુરોધ કર્યો હતો. ડિરેક્ટરના આ જોરદાર પગલાને લોકોએ તાળીઓના ગડગડાટથી આવકાર્યો હતો. આ સાથે, એથેના સાથે મળીને બધાએ સ્ત્રી, જીવન અને સ્વતંત્રતાનો નારા લગાવ્યો હતો.
મહનાઝ જેલમાં પણ જઈ ચૂકી છે
દિગ્દર્શક મહનાઝ મોહમ્મદી તેમની ફિલ્મો વુમન વિધાઉટ શેડોઝ, ટ્રાવેલૉગ અને વી આર હાફ ધ ઈરાનની વસ્તી માટે જાણીતા છે. તેની 2019 ની ફીચર ફિલ્મ સન મધરનું પ્રીમિયર 44મા ટોરોન્ટો ફિલ્મ ફેસ્ટિવલમાં થયું હતું. મહિલાઓના અધિકાર માટે લડતી મહનાઝ જેલ પણ જઈ ચુકી છે. 2011 માં, તેણીને જેલમાં મોકલવામાં આવી હતી, જેના કારણે તે સંપૂર્ણપણે તૂટી ગઈ હતી. મેહનાઝે પોતાના એક ઈન્ટરવ્યુમાં આ વિશે વાત કરી હતી. તેમણે કહ્યું હતું કે તેમના દેશમાં કોઈ નૈતિક સિદ્ધાંતો નથી. જેલે મને શીખવ્યું છે કે કેવી રીતે પીડા પેદા કરવી.
