એકવીસમી સદીને ખૂબ જ આધુનિક માનવામાં આવે છે, પરંતુ આજે પણ દુનિયામાં (World) કેટલીક એવી આદિવાસીઓ (Tribal) છે જે પોતાની વિચિત્ર પરંપરાઓનું (Tradition) પાલન કરી રહી છે. આ પરંપરાઓ પર વિશ્વાસ કરવો ખૂબ મુશ્કેલ હશે પરંતુ તેઓ તેને પોતાની સંસ્કૃતિનો (Culture) એક ભાગ માને છે. ઘણી વખત સરકાર કે વહીવટીતંત્રના પ્રતિબંધ પછી પણ આવી બાબતો અટકતી નથી. ઈન્ડોનેશિયામાં (Indonesia) એક એવી જ આદિજાતિ છે, જેનું નામ છે દાની જાતિ. (Dani caste) જ્યારે અહીં કોઈનું મૃત્યુ થાય છે ત્યારે મહિલાઓ (Women) અજીબોગરીબ કામ કરે છે.
- ઈન્ડોનેશિયાની દાની જનજાતિ તેની અલગ સંસ્કૃતિ અને માન્યતા માટે વિશ્વભરમાં પ્રખ્યાત છે
- આ જાતિની મહિલાઓમાં પોતાની આંગળી કાપવાની વિચિત્ર માન્યતા પ્રચિલત
- ભયંકર દુ:ખ સહન કરી પણ મહિલાઓ પોતાની આંગળી કાપી નાંખે છે
વાસ્તવમાં, ઇન્ડોનેશિયાની દાની જનજાતિ તેની અલગ સંસ્કૃતિ અને માન્યતા માટે વિશ્વભરમાં પ્રખ્યાત છે. અહેવાલો અનુસાર, આ જાતિની મહિલાઓમાં પોતાની આંગળી કાપવાની માન્યતા પ્રચલિત છે. આ એક એવી વિચિત્ર પરંપરા છે જેમાં ઘરની સ્ત્રીને ભયંકર દુઃખ સહન કરવું પડે છે. અને આ બધું ત્યારે થાય છે જ્યારે ઘરનો કોઈ સભ્ય મૃત્યુ પામે છે. એવું કહેવાય છે કે ઇન્ડોનેશિયાની સરકારે આ પ્રથા પર પ્રતિબંધ મૂક્યો હતો, પરંતુ ત્યાંની મહિલાઓ તેનું પાલન કરે છે.
દાની આદિજાતિમાં, જ્યારે ઘરના કોઈ સભ્યનું મૃત્યુ થાય છે, ત્યારે સ્ત્રીને દુઃખ વ્યક્ત કરવા માટે તે સભ્યની યાદમાં તેની એક આંગળી કાપી (Cut the finger) નાખવી પડે છે. જો કોઈના ઘરમાં ચાર સભ્યોનું મૃત્યુ થાય તો તેની ચાર આંગળીઓ કાપવી પડે છે. અહીં એવું માનવામાં આવે છે કે આ મૃતકની આત્માને શાંતિ આપવા માટે કરવામાં આવે છે. આ સાથે આંગળી કાપવાથી એ પણ ખબર પડે છે કે મૃતકના મૃત્યુની પીડા આંગળીના દર્દની સરખામણીમાં કંઈ નથી.
આંગળીને બ્લેડથી અથવા ચાવ્યા બાદ દોરડાંથી કાપવામાં આવે છે
એટલું જ નહીં, આશ્ચર્યની વાત એ છે કે આંગળીના ઉપરના ભાગને કાપવા માટે પથ્થરમાંથી બનેલી બ્લેડનો (Blade) ઉપયોગ કરવામાં આવે છે. કેટલાક કિસ્સાઓમાં, આંગળીને બ્લેડ વિના કાપવામાં આવે છે. લોકો આંગળીને ચાવે છે અને પછી તેને વચ્ચેથી દોરડાથી સજ્જડ બાંધે છે, જેનાથી લોહીનો પ્રવાહ બંધ થઈ જાય છે, પછી તેને કાપી નાખવામાં આવે છે. ઈન્ડોનેશિયાના જયવિજયા પ્રાંતમાં આ જાતિના લોકો મોટી સંખ્યામાં રહે છે.
