કેન્દ્રીય માર્ગ પરિવહન અને હાઇવે પ્રધાન નીતિન ગડકરી આજે ભારતમાં દેશના પ્રથમ CNG ટ્રેક્ટરનું લોંચ કર્યું છે. આ ટ્રેક્ટર રોમેટ ટેક્નો સોલ્યુશન (Romate Techno Solution) અને ટોમેસેટો એસિલી ઇન્ડિયા (Tomaseto Acili India) દ્વારા સંયુક્ત રીતે વિકસિત કરાયું છે. આનાથી ખેડુતોની ખર્ચ કિંમત ઘટાડીને તેમની આવક વધારવામાં મદદ મળશે. મંત્રાલયે એક નિવેદનમાં કહ્યું છે કે, આ ટ્રેક્ટરની સહાયથી ગ્રામીણ ભારતમાં રોજગારની તકો ઉભી કરવામાં પણ મદદ મળશે. આ ટ્રેક્ટર (Tractor) ની મદદથી, ખેડૂતો દર વર્ષે તેમના બળતણ ખર્ચમાં 1 લાખ રૂપિયા સુધીની બચત કરશે, જે તેમના જીવનધોરણને સુધારવામાં મદદ કરશે.
CNG ટ્રેક્ટરના આ ફાયદા
- પ્રદૂષણ ઓછું થશે: CNG પ્રદૂષણને નિયંત્રણમાં રાખવામાં ફાયદાકારક છે. CNG ટ્રેકટરો કાર્બન ઉત્સર્જન ઘટાડશે. CNG એન્જિન ડીઝલ એન્જિન કરતા 70 ટકા ઓછું ઉત્સર્જન કરે છે.
- ખેડુતોની આવક વધશે: CNG અન્ય બળતણ કરતાં સસ્તી છે. આવી સ્થિતિમાં CNG ટ્રેકટરો ખેડૂતોની આવક વધારવામાં મદદ કરશે.
- સલામત: CNG ટેન્ક સજ્જડ છે, તેથી રિફ્યુઅલિંગ દરમ્યાન વિસ્ફોટ કે આગ લાગવાની સંભાવના નહિવત છે.
- વધુ એન્જિન લાઇફ મળશે: તેને નવી તકનીકથી રૂપાંતરિત કરવામાં આવ્યું છે. તેથી, CNG એન્જિનોનું જીવન પરંપરાગત ટ્રેક્ટર કરતા લાંબું રહેશે. CNG ફીટ ટ્રેક્ટર્સમાં લીડ કન્ટેન્ટ હોતું નથી. આને કારણે, એન્જિન લાંબા સમય સુધી કામ કરશે.
- વધારે માઇલેજ : CNG ટ્રેકટરોમાં પણ ડીઝલ કરતા વધારે માઇલેજ હશે. તેથી, આના ઉપયોગથી ઇંધણ પરના ખેડૂતોના ખર્ચમાં ઘટાડો થશે.
- જાળવણી ખર્ચ પણ ઓછો: જાળવણી ખર્ચ પણ બળતણ ટ્રેક્ટર કરતા ઓછા રહેશે . તેનાથી પૈસાની બચત થશે.
હાલમાં આખા વિશ્વમાં 1.2 કરોડ CNG વાહનો છે
મંત્રાલયે કહ્યું કે CNG એ ભવિષ્ય છે. હાલમાં, વિશ્વભરમાં 1.2 મિલિયન વાહનો કુદરતી ગેસ દ્વારા ચલાવવામાં આવે છે અને ઘણી કંપનીઓ અને મ્યુનિસિપલ કોર્પોરેશનો દરરોજ તેમના કાફલામાં CNG વાહનો ઉમેરી રહ્યા છે. CNG.થી સજ્જ ભારતનું આ પ્રથમ ટ્રેક્ટર છે. CNG ટ્રેક્ટર પણ ડીઝલ એન્જિન કરતા વધારે અથવા સમાન શક્તિ ઉત્પન્ન કરે છે. CNG એન્જિન ડીઝલ એન્જિન કરતા 70 ટકા ઓછું ઉત્સર્જન ઉત્સર્જન કરે છે. ડીઝલના હાલના ભાવે લિટર દીઠ રૂ .77.43 સામે ખેડુતો આ ટ્રેક્ટરની મદદથી 50 ટકા સુધી બચત કરશે, કારણ કે CNGનો વર્તમાન ભાવ પ્રતિ કિલો 42 રૂપિયા છે.
