એથ્લેટિક્સ ફેડરેશન ઓફ ઈન્ડિયાએ જાપાનની રાજધાની ટોક્યોમાં 13 થી 21 સપ્ટેમ્બર દરમિયાન યોજાનારી વર્લ્ડ એથ્લેટિક્સ ચેમ્પિયનશિપ 2025 માટે 19 સભ્યોની ટીમની જાહેરાત કરી છે. ભારતની આ ટીમમાં 14 પુરુષ ખેલાડીઓનો સમાવેશ થાય છે જ્યારે 5 મહિલા ખેલાડીઓને પણ સ્થાન મળ્યું છે. આ ખેલાડીઓ કુલ 15 ઇવેન્ટમાં ભાગ લેશે. આમાંથી ગુલવીર સિંહ અને પૂજા એકમાત્ર 2 એથ્લેટ છે જે 2 અલગ અલગ ઇવેન્ટમાં ભાગ લેશે. નીરજ ચોપરાનું નામ પણ ભારતીય ટીમમાં શામેલ છે જેમને વાઇલ્ડ કાર્ડ દ્વારા એન્ટ્રી મળી છે.
વર્તમાન વર્લ્ડ ચેમ્પિયન નીરજ ચોપરા આવતા મહિને ટોક્યોમાં યોજાનારી વર્લ્ડ એથ્લેટિક્સ ચેમ્પિયનશિપ 2025માં ભારતની 19 સભ્યોની ટીમનું નેતૃત્વ કરશે. જ્યારે ઉભરતા દોડવીર અનિમેષ કુજુર આ ઇવેન્ટમાં સ્થાન મેળવનાર પ્રથમ ભારતીય દોડવીર છે. બે વખતના ઓલિમ્પિક મેડલ વિજેતા નીરજ ચોપરા ઉપરાંત સચિન યાદવ, યશવીર સિંહ અને રોહિત યાદવનો પુરુષોની ભાલા ફેંક સ્પર્ધામાં સમાવેશ થાય છે. ગઈ વખતે પણ ચાર ભારતીયોએ ચેમ્પિયનશિપ માટે ક્વોલિફાય કર્યું હતું પરંતુ રોહિત ઈજાને કારણે બહાર થઈ ગયો હતો. આ બધા ઉપરાંત વિનાશ સાબલે 3000 મીટર સ્ટીપલચેઝમાં, પારુલ ચૌધરી 3000 મીટર સ્ટીપલચેઝમાં, ગુલવીર સિંહ 5000 મીટરમાં, પ્રવીણ ચિત્રાવેલ ટ્રિપલ જમ્પ સ્પર્ધામાં ભાગ લેશે.
આ 19 ભારતીય ખેલાડીઓ વર્લ્ડ એથ્લેટિક્સ ચેમ્પિયનશિપમાં ભાગ લેશે
પુરુષો – નીરજ ચોપરા, સચિન યાદવ, યશવીર સિંહ અને રોહિત યાદવ (પુરુષોનો ભાલા ફેંક), મુરલી શ્રીશંકર (પુરુષોનો લાંબો કૂદકો), ગુલવીર સિંહ (પુરુષોનો ૫૦૦૦ મીટર અને ૧૦૦૦૦ મીટર), પ્રવીણ ચિત્રાવેલ અને અબ્દુલ્લા અબુબકર (પુરુષોનો ટ્રિપલ જમ્પ), સર્વેશ અનિલ કુશારે (પુરુષોનો ઊંચો કૂદકો), અનિમેષ કુજુર (પુરુષોનો ૨૦૦ મીટર), તેજસ શિરસે (પુરુષોનો ૧૧૦ મીટર સ્ટીપલચેઝ રન), સર્વિન સેબેસ્ટિયન (પુરુષોની ૨૦ કિમી ચાલ), રામ બાબુ અને સંદીપ કુમાર (પુરુષોની ૩૫ કિમી ચાલ).
મહિલાઓ – પારુલ ચૌધરી અને અંકિતા ધ્યાની (મહિલા 3000 મીટર સ્ટીપલચેઝ), અન્નુ રાની (મહિલા ભાલા ફેંક), પ્રિયંકા ગોસ્વામી (મહિલા 35 કિમી વોક), પૂજા (મહિલા 800 મીટર અને 1500 મીટર).
