મુંબઇ: પશ્ચિમ બંગાળના (West Bengal) મુખ્યમંત્રી (CM) અને તૃણમૂલ કોંગ્રેસના સુપ્રિમો મમતા બેનર્જી (Mamta benerjee) 31 ઓગસ્ટ અને 1 સપ્ટેમ્બરે ભારતીય રાષ્ટ્રીય વિકાસ સમાવિષ્ટ જોડાણ (I.N.D.I.A.) ની બે દિવસીય બેઠકના એક દિવસ પહેલા મુંબઈ પહોંચશે. સૂત્રોના જણાવ્યા અનુસાર મુખ્યમંત્રી રક્ષાબંધનના (Rakshabandhan) દિવસે 30 ઓગસ્ટની સાંજે મુંબઈ (Mumbai) પહોંચે તેવું માનવામાં આવી રહ્યું છે. અત્યાર સુધી નક્કી કરાયેલા કાર્યક્રમ મુજબ મુંબઈ આવ્યા બાદ મુખ્યમંત્રી મમતા સીધા બોલિવૂડના મેગાસ્ટાર અમિતાભ બચ્ચનના (Amitabh Bachchan) બંગલે જશે અને તેમને રાખડી બાંધશે.
આ અંગે રાજ્ય કેબિનેટના એક સભ્યે કહ્યું કે અગાઉ પણ ઘણા પ્રસંગોએ સુપરસ્ટાર અમિતાભ બચ્ચન અને તેમની પત્ની જયા બચ્ચન કોલકાતા ઇન્ટરનેશનલ ફિલ્મ ફેસ્ટિવલના પ્રસંગે કોલકાતા આવ્યા હતા. છેલ્લી વખત જ્યારે તેઓ કોલકાતા આવ્યા હતા ત્યારે જયા બચ્ચને સીએમ મમતાને મુંબઈમાં તેમના બંગલે આવવાનું ખાસ આમંત્રણ આપ્યું હતું.
વિપક્ષી ગઠબંધન I.N.D.I.A દ્વારા આ બેઠક મુંબઈમાં યોજાશે. તૈયારીઓને લઈને બેઠકનું આયોજન કરવામાં આવ્યું હતું. આ બેઠકમાં વિપક્ષી ગઠબંધનની આગામી બેઠકની રૂપરેખા અંગે ચર્ચા કરવામાં આવી હતી. આ બેઠક 31મી ઓગસ્ટ અને 1લી સપ્ટેમ્બરે મુંબઈની ગ્રાન્ડ હયાત હોટલમાં યોજાશે તેવું નક્કી કરાયું હતું. બીજી તરફ ઉદ્ધવ ઠાકરે 31 ઓગસ્ટની રાત્રે મહાગઠબંધનમાં સામેલ તમામ પક્ષોના નેતાઓ માટે ડિનરનું આયોજન કરશે. શિવસેના (UBT)ના નેતા સંજય રાઉતે બેઠક બાદ આ માહિતી આપી હતી.
મમતા 31 ઓગસ્ટની સાંજે રાષ્ટ્રવાદી કોંગ્રેસ પાર્ટી (NCP)ના વડા શરદ પવાર અને શિવસેના (UBT)ના વડા ઉદ્ધવ ઠાકરે દ્વારા સંયુક્ત રીતે આયોજિત રાત્રિભોજનમાં પણ હાજરી આપવાના છે. પટના અને બેંગલુરુ બાદ મુંબઈમાં વિપક્ષી ગઠબંધનની બેઠક એવા સમયે આવી છે જ્યારે કોંગ્રેસ અને સીપીઆઈ(એમ) બંનેના પશ્ચિમ બંગાળ એકમો તૃણમૂલ કોંગ્રેસ સાથે ગઠબંધન પાછળના તર્કને લઈને ગરબડમાં છે. કારણ કે તૃણમૂલ કોંગ્રેસ રાજ્યમાં તેમનો મુખ્ય વિરોધ છે.
સંજય રાઉતે કહ્યું કે ઉદ્ધવ ઠાકરેની શિવસેના મુંબઈમાં ઈન્ડિયા એલાયન્સની બેઠકનું આયોજન કરશે. કોંગ્રેસ અને એનસીપી (પવાર જૂથ) આમાં અમને સહકાર આપશે. તેમણે કહ્યું કે ઘણી સભાઓમાં ઘણા વીઆઈપી આવશે. અમે સરકાર સાથે ચર્ચા કરીશું અને સહયોગ માંગીશું. રાઉતે જણાવ્યું કે 1 સપ્ટેમ્બરના રોજ સવારે 10 વાગ્યાથી બેઠક શરૂ થશે. બેઠક પૂરી થયા બાદ સાંજે પ્રેસ કોન્ફરન્સ થશે. જેમાં તમામને જવાબદારીઓની વહેંચણી કરવામાં આવી છે.
