ભારતે ત્રીજી વનડેમાં દક્ષિણ આફ્રિકાને 9 વિકેટથી હરાવીને ત્રણ મેચની વનડે શ્રેણી 2-1થી જીતી લીધી. દક્ષિણ આફ્રિકાએ પ્રથમ બેટિંગ કરતા ભારતને 271 રનનો લક્ષ્યાંક આપ્યો. જવાબમાં ભારતે 39.5 ઓવરમાં લક્ષ્યાંક હાંસલ કરીને સરળ વિજય મેળવ્યો. આ સાથે ટીમ ઇન્ડિયાએ ત્રણ મેચની શ્રેણી 2-1થી જીતી લીધી. વિરાટ કોહલીએ સમગ્ર શ્રેણી દરમિયાન ટીમ ઇન્ડિયા માટે શાનદાર બેટિંગ કરી ત્રણમાંથી બે મેચમાં સદી ફટકારી.
ભારતે વિશાખાપટ્ટનમમાં ત્રીજી વનડેમાં દક્ષિણ આફ્રિકાને 9 વિકેટથી હરાવ્યું. ટીમ ઇન્ડિયાએ ટોસ જીતીને બોલિંગ કરવાનો નિર્ણય લીધો. દક્ષિણ આફ્રિકા ફક્ત 270 રન જ બનાવી શક્યું. ભારતે 40મી ઓવરમાં માત્ર એક વિકેટ ગુમાવીને લક્ષ્યાંક હાંસલ કર્યો. વિરાટ કોહલીએ લુંગી એન્ગીડીની બોલ પર સતત બે ચોગ્ગા ફટકારીને ટીમ ઇન્ડિયાને વિજય અપાવ્યો.
ડૉ. વાય.એસ. રાજશેખર રેડ્ડી સ્ટેડિયમ ખાતે મુલાકાતી ટીમ માટે ક્વિન્ટન ડી કોકે સદી ફટકારી. કેપ્ટન ટેમ્બા બાવુમાએ 48, ડેવાલ્ડ બ્રેવિસ 29 અને મેથ્યુ બ્રેઇટ્ઝકીએ 24 રન બનાવીને ટીમને 270 રન સુધી પહોંચાડી દીધી. ભારત તરફથી કુલદીપ યાદવ અને પ્રસિદ્ધ કૃષ્ણાએ ચાર-ચાર વિકેટ લીધી.
271 રનના લક્ષ્યાંકનો સામનો કરી રહેલા યશસ્વી જયસ્વાલ અને રોહિત શર્માએ ભારતને મજબૂત શરૂઆત અપાવી. તેમણે 155 રનની ભાગીદારી કરી. રોહિત 75 રન બનાવીને આઉટ થયો. શ્રેણીનો તેમનો પહેલો ફિફ્ટી તેણે બનાવ્યો. ત્યારબાદ યશસ્વીએ 111 બોલમાં પોતાની પહેલી વનડે સદી ફટકારી. વિરાટ કોહલીએ પણ 40 બોલમાં ફિફ્ટી ફટકારી. બંનેએ 40મી ઓવરમાં વિજય મેળવ્યો.
દક્ષિણ આફ્રિકા માટે કેશવ મહારાજે એકમાત્ર વિકેટ લીધી. ત્રીજી વનડેમાં પરિણામ સાથે ઘરઆંગણે ટીમે ત્રણ મેચની શ્રેણી 2-1થી જીતી લીધી. દક્ષિણ આફ્રિકાએ બીજી મેચમાં 359 રનનો પીછો કર્યો હતો. બંને ટીમો વચ્ચે પાંચ મેચની T20 શ્રેણી 9 ડિસેમ્બરથી શરૂ થશે. દક્ષિણ આફ્રિકાએ ટેસ્ટ શ્રેણી 2-0થી જીતી.
ભારત માટે યશસ્વી જયસ્વાલે મેચવિનિંગ ઇનિંગ રમી
લક્ષ્યનો પીછો કરતા ટીમ ઇન્ડિયાએ રોહિત શર્મા અને યશસ્વી જયસ્વાલે પ્રથમ વિકેટ માટે ૧૫૫ રનની ભાગીદારી સાથે ઉજ્જવળ શરૂઆત કરી. ટીમ ઇન્ડિયાને રોહિત શર્માના રૂપમાં પહેલો ઝટકો લાગ્યો, જે ૭૩ બોલમાં ૭૫ રન બનાવીને આઉટ થયો, જેમાં ૭ ચોગ્ગા અને ૩ છગ્ગાનો સમાવેશ થાય છે. ત્યારબાદ ફોર્મમાં રહેલા બેટ્સમેન વિરાટ કોહલી ક્રીઝ પર આવ્યા. વિરાટે આ મેચમાં પોતાનું પ્રભાવશાળી ફોર્મ ચાલુ રાખ્યું, ૪૬ બોલમાં પોતાની ફિફ્ટી પૂરી કરી. વિરાટ અને જયસ્વાલે બીજી વિકેટ માટે ૧૧૬ રનની ભાગીદારી કરી અને બંને બેટ્સમેન અણનમ પાછા ફર્યા અને મેચનો અંત લાવ્યા. જયસ્વાલ ૧૨૧ બોલમાં ૧૨ ચોગ્ગા અને ૨ છગ્ગા ફટકારીને ૧૧૬ રન બનાવીને અણનમ રહ્યા. વિરાટ કોહલીએ ૪૫ બોલમાં ૬ ચોગ્ગા અને ૩ છગ્ગાની મદદથી ૬૫ રનની શાનદાર ઇનિંગ રમી.
