મુંબઇ: દર વર્ષે ભારત (India) અને ઓસ્ટ્રેલિયા (Australia) વચ્ચે ચાર ટેસ્ટ મેચોની બોર્ડર-ગાવસ્કર ટ્રોફી મેચ (Border-Gavaskar Trophy Match) રમાય છે. પરંતુ ગઈકાલે જ નક્કી કરવામાં આવ્યું હતું કે આ શ્રેણી હવે પાંચ ટેસ્ટ મેચોની હશે. તેમજ આજે ભારત અને ઓસ્ટ્રેલિયા વચ્ચે રમાનારી ટેસ્ટ સિરીઝનો શેડ્યૂલ જાહેર કરવામાં આવ્યો છે. ભારતીય ટીમ બોર્ડર-ગાવસ્કર ટ્રોફીની વર્તમાન વિજેતા છે. ગતવર્ષે ભારતે ધાર ખાતે ઓસ્ટ્રેલિયાની ટીમ સામે 2-1થી શ્રેણી જીતી હતી.
ભારત અને ઓસ્ટ્રેલિયા વચ્ચે પાંચ ટેસ્ટ મેચની શ્રેણીમાં ડે-નાઈટ ટેસ્ટ મેચ પણ રમાશે. પ્રથમ ટેસ્ટ મેચ 22 થી 26 નવેમ્બર વચ્ચે પર્થમાં રમાશે. બીજી મેચ એડિલેડમાં 6 થી 10 ડિસેમ્બર દરમિયાન રમાશે. જે ડે-નાઈટ ટેસ્ટ મેચ હશે. ત્રીજી ટેસ્ટ મેચ ગાબા ખાતે, ચોથી ટેસ્ટ મેચ મેલબોર્નમાં અને પાંચમી ટેસ્ટ મેચ સિડનીના મેદાન પર 3 થી 7 જાન્યુઆરી વચ્ચે રમાશે.
બંને ટીમોનો રેકોર્ડ
ભારત અને ઓસ્ટ્રેલિયા વચ્ચે અત્યાર સુધીમાં 107 ટેસ્ટ મેચ રમાઈ છે. જેમાંથી ભારતીય ટીમે 32માં જીત મેળવી છે. ઓસ્ટ્રેલિયાની ટીમે 45 ટેસ્ટ મેચ જીતી છે. તેમજ 29 મેચ ડ્રો રહી છે અને એક ટેસ્ટ મેચ ટાઈ રહી છે. ભારતીય ટીમ ઓસ્ટ્રેલિયાની ધરતી પર ટેસ્ટ ક્રિકેટના ઈતિહાસમાં માત્ર 9 મેચ જીતવામાં સફળ રહી છે. પરંતુ છેલ્લા કેટલાક વર્ષોમાં ઓસ્ટ્રેલિયામાં ટીમ ઈન્ડિયાના પ્રદર્શનમાં સુધારો થયો છે. ભારતે છેલ્લી ચાર બોર્ડર-ગાવસ્કર ટેસ્ટ શ્રેણી જીતી છે. જેમાં બે ઘરે એટલેકે ભઅરતમાં અને બે ઓસ્ટ્રેલિયાની ધરતી પર રમી હતી.
ભારત અને ઓસ્ટ્રેલિયા વચ્ચે ટેસ્ટ સિરીઝનું શેડ્યૂલ:
પ્રથમ ટેસ્ટ- 22 થી 26 નવેમ્બર, પર્થ
બીજી ટેસ્ટ- 6 થી 10 ડિસેમ્બર, એડિલેડ
ત્રીજી ટેસ્ટ – 14 થી 18 ડિસેમ્બર, બ્રિસ્બેન, ગાબા
ચોથી ટેસ્ટ- 26 થી 30 ડિસેમ્બર, મેલબોર્ન
પાંચમી ટેસ્ટ – 3 થી 7 જાન્યુઆરી, સિડની
