ભારત ના કર્ણાટકની આ અનોખી કહાની
ઇરાનના પૂર્વ સુપ્રીમ લીડર Ali Khamenei વિશે એક રસપ્રદ અને માનવીય ઘટના આજે ફરી ચર્ચામાં આવી છે. દાયકાઓ પહેલાં ભારતની મુલાકાત દરમિયાન બનેલી એક દુઃખદ ઘટનાએ તેમને એટલા વ્યથિત કર્યા કે તેમણે કર્ણાટકના એક ગામમાં હોસ્પિટલ બનાવવા માટે સહાય કરવાનો નિર્ણય લીધો હતો.
1980ના દાયકાની શરૂઆતમાં, ઇરાનની ઇસ્લામિક ક્રાંતિ બાદ ખમેનાઈ યુવાન ધર્મગુરૂ તરીકે વિવિધ દેશોની મુલાકાત લઈ રહ્યા હતા. તે સમય દરમિયાન તેમણે ભારતનો પણ પ્રવાસ કર્યો હતો. આ પ્રવાસ દરમિયાન તેઓ કર્ણાટકના Chikkaballapur districtના Alipura ગામે પહોંચ્યા હતા. ત્યાં એક દુઃખદ ઘટના બની હતી. ગામમાં એક ગર્ભવતી મહિલાનું મૃત્યુ થયું હતું. કારણ એવું હતું કે આસપાસ ક્યાંય હોસ્પિટલ નહોતી. ગામ લોકોએ મહિલાને સારવાર માટે Bengaluru લઈ જવાનો પ્રયાસ કર્યો હતો, પરંતુ લાંબા અંતરના કારણે રસ્તામાં જ તેણીનું મૃત્યુ થઈ ગયું હતું.
જ્યારે ખમેનાઈને આ ઘટનાની જાણ થઈ, ત્યારે તેઓ ખૂબ દુઃખી અને ગુસ્સે થયા હતા. તેમણે ત્યાં હાજર લોકો પાસે પૂછ્યું કે ગામમાં હોસ્પિટલ કેમ નથી. ગામલોકોએ તેમને જણાવ્યું કે નજીકમાં કોઈ આરોગ્ય સુવિધા ઉપલબ્ધ નથી અને ગંભીર દર્દીઓને શહેર સુધી લઈ જવું પડે છે.
આ ઘટના સાંભળ્યા પછી ખમેનાઈએ તરત જ નિર્ણય લીધો કે આ વિસ્તારમાં હોસ્પિટલ બનાવવામાં મદદ કરશે. તેમનું માનવું હતું કે આરોગ્ય સુવિધાના અભાવને કારણે કોઈનું જીવન ગુમાવવું ન જોઈએ. બાદમાં તેમની મદદથી ત્યાં હોસ્પિટલનું નિર્માણ થયું, જે આજેય સ્થાનિક લોકો માટે મહત્વની આરોગ્યસેવા પૂરી પાડે છે.
આ ઘટનાનો ઉલ્લેખ ઇરાનના સુપ્રીમ લીડરના પ્રતિનિધિ અબ્દુલ મજીદ હાકીમ ઇલાહી દ્વારા India Today Conclave 2026 દરમિયાન કરવામાં આવ્યો હતો. તેમણે જણાવ્યું કે ખમેનાઈને ભારત પ્રત્યે વિશેષ લાગણી હતી અને તેઓ ભારતની સંસ્કૃતિ, વિવિધતા અને સહઅસ્તિત્વની વારંવાર પ્રશંસા કરતા હતા.
ઇલાહી મુજબ, ખમેનાઈ ઘણીવાર ભારતને એવા દેશ તરીકે ઉદાહરણ આપતા જ્યાં અનેક ધર્મ અને સમાજના લોકો સાથે મળી રહે છે. તેઓ માનતા હતા કે આ પ્રકારનું સહઅસ્તિત્વ સમગ્ર વિશ્વ માટે પ્રેરણાદાયક છે.
ઉલ્લેખનીય છે કે 28 ફેબુઅરી ના રોજ અમેરિકા અને ઇઝરાઇલના હુમલામાં Ali Khameneiનું મૃત્યુ થયું હતું. ત્યારબાદ ઇરાનની Assembly of Expertsએ તેમના પુત્ર Mojtaba Khameneiને દેશના નવા સુપ્રીમ લીડર તરીકે પસંદ કર્યો હતો.
કર્ણાટકના નાના ગામમાં બનેલી આ ઘટના આજે પણ યાદ અપાવે છે કે એક દુઃખદ ક્ષણ ક્યારેક સમાજ માટે મોટી સકારાત્મક બદલાવનું કારણ બની શકે છે.
