આંતરરાષ્ટ્રીય ક્રિકેટ કાઉન્સિલ (International Cricket Council -ICC) એ શનિવારે ટેસ્ટ રેન્કિંગ (test ranking) જાહેર કર્યુ છે. ભારતીય કેપ્ટન વિરાટ કોહલી (Virat Kohli) બેટ્સમેન રેન્કિંગમાં ત્રીજા નંબરે છે. ચેતેશ્વર પૂજારાએ પાકિસ્તાનના બાબર આઝમને પાછળ છોડી છઠ્ઠા નંબરનું સ્થાન મેળવ્યુ છે. ભારતીય ઉપ-કેપ્ટન અજિંક્ય રહાણે 8મા નંબર પર પહોંચ્યા છે. ICCના નવા રેન્કિંગ મુજબ ટોચના 10 બેટ્સમેનમાં ભારતના 3 બેટ્સમેન સામેલ છે. જ્યારે ટોપ -10 બોલરોની યાદીમાં ટીમ ઈન્ડિયાના 2 બોલરો છે.
પાકિસ્તાનના કેપ્ટન બાબર આઝમ ન્યૂઝીલેન્ડ સામેની ટેસ્ટ સિરીઝમાં રમ્યા ન હતા. તે દક્ષિણ આફ્રિકા સામેની પ્રથમ ટેસ્ટમાં કંઈ ખાસ કરી શક્યો નહીં. તેથી તેને રેન્કિંગમાં ખોટ પડી. જ્યારે, પૂજારાએ ઓસ્ટ્રેલિયા સામેની ટેસ્ટ શ્રેણીમાં 33.88 ની સરેરાશથી 4 ટેસ્ટમાં 271 રન બનાવ્યા હતા. ન્યૂઝીલેન્ડના કેપ્ટન કેન વિલિયમ્સને 919 પોઇન્ટ સાથે પ્રથમ સ્થાન જાળવી રાખ્યું છે.
વિલિયમ્સે પાકિસ્તાન સામે 2 ટેસ્ટમાં 129.33 ની સરેરાશથી 388 રન બનાવ્યા હતા. ત્યારબાદ તેણે ટોચનો ક્રમ હાંસલ કર્યો. આ ઉપરાંત, સ્ટીવ સ્મિથ બીજા અને માર્નસ લબુસ્ચેન ત્રીજા સ્થાને છે. કોહલી ચોથા સ્થાને છે. ઇંગ્લેન્ડના કેપ્ટન જો રૂટે પણ શ્રીલંકા સામેની શ્રેણીમાં બેવડી સદી ફટકારવાનો ફાયદો મેળવ્યો હતો. બોલરોની રેન્કિંગમાં રવિચંદ્રન અશ્વિન અને જસપ્રિત બુમરાહે ટોપ -10 માં સ્થાન મેળવ્યુ છે. અશ્વિન 8 મા અને બુમરાહ 9 મા ક્રમે છે. આ સિવાય ટોપ -10 માં કોઈ ભારતીય બોલર નથી. ઓસ્ટ્રેલિયાના પેટ કમિન્સ પ્રથમ, ઇંગ્લેન્ડના સ્ટુઅર્ટ બ્રોડ બીજા અને ન્યુઝીલેન્ડના નીલ વેગનર ત્રીજા સ્થાને છે.
ઓલરાઉન્ડરોની યાદીમાં ઇંગ્લેન્ડનો બેન સ્ટોક્સ પ્રથમ ક્રમે છે. વેસ્ટ ઇન્ડીઝનો જેસન હોલ્ડર બીજા અને ભારતીય ઓલરાઉન્ડર રવિન્દ્ર જાડેજા ત્રીજા સ્થાને છે. જાડેજાએ ઓસ્ટ્રેલિયા સામે 2 ટેસ્ટમાં 15 ની સરેરાશથી 7 વિકેટ લીધી હતી. બેટિંગ કરતી વખતે તેણે બે ટેસ્ટમાં 85 ની સરેરાશથી 85 રન બનાવ્યા હતા. ટીમોની રેન્કિંગમાં ન્યૂઝીલેન્ડ ટોચ પર છે. તાજેતરમાં જ તેણે ટેસ્ટ સિરીઝમાં વેસ્ટ ઇન્ડીઝ અને પાકિસ્તાનને હરાવ્યા હતા. ભારતની ટીમ બીજા અને ઓસ્ટ્રેલિયા ત્રીજા સ્થાને છે. ભારત અને ન્યુઝીલેન્ડ બંનેના 118 પોઇન્ટ છે. જો કે દશાંશમાં આગળ હોવાને કારણે ન્યુઝીલેન્ડ પ્રથમ નંબરે છે.
