સુરત : (Surat) સુરતના વનિતા વિશ્રામ ગ્રાઉન્ડ (Vanita vishram ground) પર કેન્દ્રીય લઘુમતી બાબતોના મંત્રાલય દ્વારા તા. 11થી 20 ડિસેમ્બર દરમિયાન હુનર હાટ (Hunar Haat) નામના પ્રોગ્રામનું આયોજન કરાયુંં છે, જેમાં બોલિવુડ (Bollywood) ફિલ્મ ઈન્ડસ્ટ્રીમાંથી ખ્યાતનામ, દિગ્ગજ અભિનેતા, ગાયક, સંગીતકાર પધારવાના (veteran artists) છે. સુરતીઓને હુનર હાટમાં વિનામૂલ્યે ભૂમિ ત્રિવેદી (Bhumi trivedi) જેવા ગાયકોના ગીતો સાંભળવા મળશે તો પુનિત ઈસ્સાર (Punit issar) અને ગુફી પેન્ટલ (Gufi peintal) મહાભારતનું (Mahabharat) લાઈવ પર્ફોમન્સ (Live performance) પણ જોવા મળશે.
‘હુનર હાટ’માં બોલીવુડના ખ્યાતનામ સિતારાઓ અને ગાયક (Singers) કલાકારો પધારશે. જેમાં પ્રખ્યાત પ્લે બેક સિંગર સુરેશ વાડકર, પ્રખ્યાત ગઝલ ગાયક પંકજ ઉધાસ (Pankaj udhas), પીઢ ગાયક કિશોરકુમારના પુત્ર ગાયક અમિત કુમાર (Amit kumar) ‘તુમ તો ઠહરે પરદેસી’ ફેમ સિંગર અલ્તાફ રાજા (Altaf raja), બોલીવુડમાં કાર્યરત ગુજરાતની લોકપ્રિય ગાયિકા ભૂમિ ત્રિવેદીની ધૂન પણ ગુંજી ઉઠશે. આ કલાકારો દરરોજ સાંજે ૫.૦૦ થી ૧૦.૦૦ દરમિયાન કાર્યક્રમ રજૂ કરશે અને તેમાં જાહેર જનતાને વિનામૂલ્યે પ્રવેશ મળશે. કેન્દ્રીય લઘુમતી બાબતોના મંત્રાલય દ્વારા તા.૧૧થી ૨૦ ડિસે. દરમિયાન સુરતના વનિતા વિશ્રામ ગ્રાઉન્ડ ખાતે યોજાનાર ૧૦ દિવસીય ‘હુનર હાટ’ એક્ઝિબિશનની તૈયારીઓને આખરી ઓપ અપાઈ રહ્યો છે. ‘હુનર હાટ’માં વિશ્વભરમાં પ્રખ્યાત રેમ્બો ઇન્ટરનેશનલ સર્કસ સુરતીઓના આકર્ષણનું કેન્દ્ર બનશે. જેના ૨૨ કલાકાર સુરતીઓને એવા હેરતઅંગેજ કરતબો બતાવશે.
તા.૧૧ ડિસે.ના રોજ પ્રેમ ભાટિયા, પોશ જેમ્સ અને અલ્વિના કુરેશી, તા.૧૨મીના રોજ મેગાસ્ટાર અમિતાભ બચ્ચન માટે પોતાનો અવાજ આપનાર ગાયક સુદેશ ભોંસલે, સ્વસ્તિક ભારદ્વાજ અને રાની ઈન્દ્રાણી સ્ટેજ પરફોર્મ કરશે. તા.૧૩મીના રોજ ભૂપિન્દર સિંહ ભૂપ્પી, પ્રિયા મલિક, સ્વસ્તિક ભારદ્વાજ અને અલ્વિના કુરેશી તેમજ તા.૧૪મીએ કિશોરકુમારના પુત્ર ગાયક અમિત કુમાર અને પ્રિય મલિક, તા.૧૫મીએ સુરેશ વાડકર, ડો.રાહુલ જોશી અને રાની ઈન્દ્રાણી, તા.૧૬મીએ પ્રેમ ભાટિયા, પોશ જેમ્સ કલા રજૂ કરશે. તા.૧૭મીએ અલ્તાફ રાજા, રાની ઈન્દ્રાણી અને મોહિત ખન્ના, તા.૧૮મીએ ભૂમિ ત્રિવેદી, રાની ઈન્દ્રાણી અને મોહિત ખન્ના પરફોર્મ કરશે. તા.૧૯મીએ અન્નુ કપૂર અને તેની ટીમ રિયાલિટી શોના ૬ ગાયકો સાથે અંતાક્ષરી કાર્યક્રમ રજૂ કરશે. તા.૨૦મીએ પંકજ ઉધાસ અને મિનાક્ષી સિંઘ સંગીતમય પ્રસ્તુતિ રજૂ કરશે. ખાસ કરીને મહાભારત સિરિયલમાં દુર્યોધનની યાદગાર ભૂમિકા ભજવનાર પુનિત ઈસ્સાર અને મામા શકુનિ બનનાર ગૂફી પેન્ટલ પણ આ કાર્યક્રમમાં ઉપસ્થિત રહી સુરતીઓ માટે મહાભારતનું લાઈવ સ્ટેજ મંચન કરશે.
