હિઝબુલ્લાએ ઈઝરાયેલી સેનાની ગુપ્તચર સંસ્થા મોસાદના હેડક્વાર્ટર પર મોટો મિસાઈલ હુમલો કરવાનો દાવો કર્યો છે. જેના કારણે ઈઝરાયેલમાં ખળભળાટ મચી ગયો છે. હિઝબુલ્લાએ દાવો કર્યો છે કે ઈઝરાયેલના ગ્રાઉન્ડ અભિયાનના જવાબમાં દક્ષિણ લેબનોનમાં મોસાદ ગુપ્તચર એજન્સીના મુખ્યાલયને નિશાન બનાવ્યું છે. અહેવાલોમાં કહેવામાં આવ્યું છે કે લેબનીઝ આતંકવાદી જૂથે હર્ઝલિયા નજીકના ગ્લિલોટ બેઝ પર “ફાદી-4” મિસાઇલો છોડી હતી. એવું કહેવાય છે કે આઈડીએફનું મિલિટરી ઈન્ટેલિજન્સ યુનિટ અને મોસાદ હેડક્વાર્ટર હિઝબોલ્લાહના આ હુમલાને રોકવામાં નિષ્ફળ રહ્યા હતા.
ઝવીકના અહેવાલો અનુસાર હિઝબુલ્લાહએ મોસાદ હેડક્વાર્ટર પર હુમલો હોવાનો દાવો કર્યા બાદ ઇઝરાયેલમાં મેગેન ડેવિડ એડોમ એમ્બ્યુલન્સ સેવાઓ અનુસાર રોકેટ પડ્યા બાદ એક માર્ગને અવરોધિત કરી દીધો છે. એમ્બ્યુલન્સ સેવાએ જણાવ્યું હતું કે તેણે ઘટનાસ્થળે બે લોકોની સારવાર કરી હતી જેમાં એક બસ ડ્રાઈવર અને અન્ય એક મોટરચાલકને ઈજા થઈ હતી. ફાદી-4 હિઝબુલ્લાહની સૌથી ઘાતક મિસાઈલ છે.
સીધી લડાઈ માટે તૈયાર: હિઝબુલ્લાએ ગર્જના કરી
લેબનોનમાં ઇઝરાયેલ સાથે યુદ્ધ લડી રહેલ હિઝબુલ્લાહ ગર્જના કરી છે. તમને જણાવી દઈએ કે હિઝબુલ્લાએ દાવો કર્યો છે કે ઇઝરાયલી સૈનિકો લેબનોનમાં પ્રવેશ્યા નથી અને તેના લડવૈયાઓ ઇઝરાયલી સૈનિકો સાથે સીધી લડાઇ માટે સંપૂર્ણ રીતે તૈયાર છે. ઇઝરાયેલે ગ્રાઉન્ડ ઓપરેશન શરૂ કરવાની જાહેરાત કર્યા પછીના તેમના પ્રથમ નિવેદનમાં, હિઝબુલ્લાના પ્રવક્તા મોહમ્મદ અફીફીએ કહ્યું કે ઇઝરાયેલી દળો લેબનોનમાં પ્રવેશ્યા હોવાનો દાવો ખોટો છે. તેમણે કહ્યું કે હિઝબુલ્લાહ લડવૈયાઓ દુશ્મન દળો સાથે સીધી લડાઈ માટે તૈયાર છે. તેમણે એમ પણ કહ્યું કે હિઝબોલ્લાહ દ્વારા મંગળવારે મધ્ય ઇઝરાયેલ તરફ મધ્યવર્તી-રેન્જ મિસાઇલોનું ફાયરિંગ માત્ર શરૂઆત હતી.
