નવી દિલ્હીઃ ઇઝરાયેલના લેબનોન પર અનેક હવાઈ હુમલા બાદ હિઝબુલ્લાહના આતંકવાદીઓએ વળતો પ્રહાર કર્યો છે. આજે બુધવારે તા. 25 સપ્ટેમ્બરના રોજ ઇઝરાયેલની જાસૂસી સંસ્થા મોસાદના હેડક્વાર્ટરને હિઝબુલ્લાહના આતંકીઓએ નિશાન બનાવ્યું છે. હિઝબુલ્લાએ ઉત્તરી ઈઝરાયેલમાં રોકેટનો મારો ચલાવ્યો હતો. આ બંને દુશ્મનો વચ્ચેનું અત્યાર સુધીનું સૌથી મોટું યુદ્ધ બની ગયું છે.
પેજર બ્લાસ્ટ બાદ હિઝબુલ્લાહ ગુસ્સે છે. તેણે ઈઝરાયેલની જાસૂસી સંસ્થા મોસાદના હેડક્વાર્ટર પર મિસાઈલ છોડવાનો દાવો કર્યો હતો. તેલ અવીવમાં આખી રાત ચેતવણીના સાયરન સંભળાયા. હવાઈ સંરક્ષણ પ્રણાલી દ્વારા ઘણા રોકેટનો નાશ કરવામાં આવ્યો હતો.
આ હુમલા પહેલા ગયા અઠવાડિયે લેબનોનમાં પેજર બ્લાસ્ટ થયો હતો. જેમાં એક ડઝન લોકોના મોત થયા હતા અને 1500થી વધુ લોકો ઘાયલ થયા હતા. બીજા દિવસે વોકી ટોકીમાં વિસ્ફોટ થયો. ટાઈમ્સ ઓફ ઈઝરાયેલના અહેવાલ મુજબ, હિઝબુલ્લાએ દેશની રાજધાની નજીક આવેલા મોસાદના મુખ્યાલય પર કાદર-1 બેલેસ્ટિક મિસાઈલ છોડી હતી.
ઇઝરાયલી સૈન્યએ જણાવ્યું હતું કે લેબનોનથી આવી રહેલી મિસાઇલને એર ડિફેન્સ સિસ્ટમ દ્વારા અટકાવવામાં આવી હતી. ઇઝરાયેલના સૈન્ય પ્રવક્તા નાદવ શોશાનીએ જણાવ્યું હતું કે તેઓ પુષ્ટિ કરી શકતા નથી કે જ્યારે હિઝબુલ્લાહનું ટાર્ગેટ હતું ત્યારે તેણે લેબનીઝ ગામમાંથી મિસાઇલ છોડ્યું હતું. મિસાઈલ તેલ અવીવ તરફ જઈ રહી હતી. મોસાદનું હેડક્વાર્ટર તે વિસ્તારમાં નથી.
આનાથી મોસાદના હેડક્વાર્ટરને કોઈ નુકસાન થયું ન હતું કારણ કે ઈઝરાયેલે ડેવિડ સ્લિંગ નામની તેની એર ડિફેન્સ સિસ્ટમ વડે મિસાઈલને હવામાં જ નષ્ટ કરી હતી. તે મધ્યમ અંતરની બેલેસ્ટિક મિસાઈલ છે, જે ટૂંકા અંતરની મિસાઈલોને અટકાવવા માટે રચાયેલ છે. IDFનું કહેવું છે કે તેણે તે વિસ્તાર પર હવાઈ હુમલો કર્યો જ્યાંથી રોકેટ છોડવામાં આવ્યા હતા અને લોન્ચરનો નાશ કર્યો હતો.
આ પહેલીવાર છે જ્યારે હિઝબુલ્લાહે તેલ અવીવમાં હુમલો કર્યો છે. IDFના પ્રવક્તાએ જણાવ્યું હતું કે ઇઝરાયેલે મંગળવારે ઉત્તરી ઇઝરાયેલમાં 300 રોકેટ છોડ્યા હતા. આ પહેલા ઈઝરાયેલે 1600 ટાર્ગેટ પર હુમલો કર્યો હતો. મોસાદનું નામ વિશ્વની સૌથી ખતરનાક ગુપ્તચર એજન્સીઓમાં લેવાય છે.
લેબનોનમાં પેજર અને વોકી ટોકી બ્લાસ્ટ પાછળ ઈઝરાયેલની જાસૂસી સંસ્થા મોસાદનું નામ આવી રહ્યું છે. રિપોર્ટ અનુસાર, મોસાદે આ ઈલેક્ટ્રોનિક ઉપકરણોમાં બોમ્બ લગાવ્યા હતા અને તેને હિઝબુલ્લાહ સુધી પહોંચાડ્યા હતા. પાછળથી, જ્યારે તે વિસ્ફોટ થયો, ત્યારે લેબનોનમાં મૃત્યુ કરતાં વધુ લોકો ઘાયલ થયા હતા.
