અમેરિકામાં ભારતીયો પર હુમલાની ઘટનાઓમાં ચિંતાજનક હદે વધારો થયો છે. વધુ એક દુઃખદ સમાચાર સામે આવ્યા છે. અમેરિકાના વર્જિનિયા સ્ટેટના એકોમેક કાઉન્ટીમાં મહેસાણાના એક પટેલ પરિવારના બે સભ્યોની હત્યા કરવામાં આવી છે. મૃતકો પિતા-પુત્રી છે. તેઓ મૂળ મહેસાણાના કનોડા ગામના વતની હોવાનું જાણવા મળ્યું છે.
પ્રાપ્ત માહિતી અનુસાર વર્જિનિયાના એકોમેક કાઉન્ટીના એક સ્ટોરમાં હત્યાનો બનાવ બન્યો છે. પ્રદીપકુમાર રતિલાલ પટેલ (ઉં.વ.56) અને તેમની પુત્રી ઉર્વી (ઉં.વ. 24) સ્ટોરમાં હાજર હતા ત્યારે એક અશ્વેત વ્યક્તિ બળજબરીપૂર્વક અંદર ઘુસી ગયો હતો અને અંધાધૂંધ ગોળીબાર કર્યો હતો. આ ફાયરિંગમાં પ્રદીપકુમાર પટેલ અને તેમની પુત્રી ઉર્વીનું ઘટના સ્થળે જ મોત થયું હતું. આ ઘટનાના પગલે સમગ્ર વિસ્તારમાં ચકચાર મચી ગઈ છે.
ઘટનાની જાણ થતાં જ સ્થાનિક પોલીસ તાત્કાલિક ઘટના સ્થળે પહોંચી ગઈ હતી. પોલીસે તાત્કાલિક કાર્યવાહી હાથ ધરીને ગોળીબાર કરનાર અશ્વેત શખ્સને ઝડપી પાડ્યો છે. આ ઘટનાને પગલે અમેરિકામાં વસતા ભારતીયો અને ગુજરાતી સમાજમાં શોકની લાગણી ફેલાઈ છે તેની સાથે ભયનો માહોલ પણ ફેલાયો છે. જો કે, હજુ પણ હત્યાનું કારણ જાણી શકાયું નથી.
અમેરિકામાં મૂળ મહેસાણાના પિતા-પુત્રીની આ કરપીણ હત્યાના સમાચારથી ગુજરાતમાં તેમના વતન કનોડા ગામમાં ભારે શોકનો માહોલ છવાઈ ગયો છે. પરિવારજનો અને ગામના લોકો આ ઘટનાથી સ્તબ્ધ છે. બીજી તરફ અમેરિકામાં વસતા ભારતીયો અને ખાસ કરીને ગુજરાતી સમાજમાં આ ઘટનાને પગલે ભયની લાગણી ફેલાઈ ગઈ છે. કારણ કે છેલ્લા કેટલાક સમયથી અમેરિકામાં ભારતીયો પર હુમલાની ઘટનાઓમાં વધારો જોવા મળી રહ્યો છે.
આ ઘટનાએ ફરી એકવાર અમેરિકામાં ભારતીયોની સુરક્ષાને લઈને ચિંતાઓ વધારી દીધી છે. મૃતક પ્રદિપકુમાર પટેલ અને તેમની પુત્રી ઉર્વિના પરિવારજનોને સાંત્વના પાઠવવામાં આવી રહી છે અને આ દુઃખદ ઘટનામાં તેમને સહાનુભૂતિ વ્યક્ત કરવામાં આવી રહી છે. પોલીસ દ્વારા આરોપીની પૂછપરછ કરવામાં આવી રહી છે અને ટૂંક સમયમાં હત્યાના કારણો બહાર આવે તેવી શક્યતા છે.
એકોમેક કાઉન્ટી શેરિફ ઓફિસના જણાવ્યા અનુસાર, ઓનાનકોકના 44 વર્ષીય જ્યોર્જ ફ્રેઝિયર ડેવોન વોર્ટન વિરુદ્ધ ધરપકડ વોરંટ જારી કરવામાં આવ્યું હતું. વ્હાર્ટનને હાલમાં એકોમેક કાઉન્ટી જેલમાં કોઈ બોન્ડ વિના રાખવામાં આવ્યો છે. આરોપી વિરુદ્ધ પ્રથમ ડિગ્રી હત્યા, પ્રથમ ડિગ્રી હત્યાનો પ્રયાસ, ગુનાના કમિશનમાં ફાયરઆર્મનો ઉપયોગ (અપરાધના કમિશનમાં ફાયરઆર્મનો ઉપયોગ) – બે વખત, ગુનેગાર દ્વારા હથિયારનો કબજો (ગુનેગાર દ્વારા હથિયારનો કબજો)આરોપ હેઠળ ગુનો નોંધવામાં આવ્યો છે. એકોમેક કાઉન્ટી શેરિફના અનેક ડેપ્યુટીઓ અને વર્જિનિયા સ્ટેટ પોલીસે શોર સ્ટોપ બંધ કરાવ્યો હતો.
