આજે એટલે કે 9 સપ્ટેમ્બરના રોજ સોના અને ચાંદીના ભાવ સર્વકાલીન ઉચ્ચતમ સ્તરે પહોંચ્યા. ઇન્ડિયા બુલિયન એન્ડ જ્વેલર્સ એસોસિએશન (IBJA) અનુસાર આજે સોનાનો ભાવ ₹૧,૪૩૮ વધીને ₹૧,૦૯,૪૭૫ પ્રતિ ૧૦ ગ્રામ થયો છે. અગાઉ સોનું ₹૧,૦૮,૦૩૭ હતું. બીજી તરફ ચાંદી ₹૩૫૭ વધીને ₹૧,૨૪,૭૭૦ પ્રતિ કિલો થઈ ગઈ છે. અગાઉ તેની કિંમત ₹૧,૨૪,૪૧૩ હતી.
આ મહિનામાં એટલે કે સપ્ટેમ્બરમાં જ સોનું ₹૭,૦૮૭ મોંઘુ થયું છે. ૩૧ ઓગસ્ટના રોજ તે ₹૧,૦૨,૩૮૮ હતું. આ સમયગાળા દરમિયાન ચાંદીના ભાવમાં ₹૭,૧૯૮નો વધારો થયો છે. ૩૧ ઓગસ્ટના રોજ તે ૧,૧૭,૫૭૨ રૂપિયા હતું.
આ વર્ષે અત્યાર સુધીમાં સોનાના ભાવમાં ૩૩,૩૧૩ રૂપિયા (૪૦%)નો વધારો થયો છે. ૩૧ ડિસેમ્બર, ૨૦૨૪ના રોજ ૧૦ ગ્રામ ૨૪ કેરેટ સોનાનો ભાવ ૭૬,૧૬૨ રૂપિયા હતો, જે હવે ૧,૦૯,૪૭૫ રૂપિયા થઈ ગયો છે. આ સમયગાળા દરમિયાન ચાંદીના ભાવમાં પણ ૩૮,૭૫૩ રૂપિયા (૪૩%)નો વધારો થયો છે. ૩૧ ડિસેમ્બર, ૨૦૨૪ના રોજ એક કિલો ચાંદીનો ભાવ ૮૬,૦૧૭ રૂપિયા હતો, જે હવે ૧,૨૪,૬૮૯ રૂપિયા પ્રતિ કિલો થઈ ગયો છે.
