વડોદરા: રતનપુર ભરવાડવાસની પાછળ વરણામા પોલીસે રેઇડ કરી કાર ભરેલી કાર પકડી પાડી હતી.જેમાં 1.20 લાખનો વિદેશી દારૂનો જથ્થો અને કાર મળી 3.20 લાખનો મુદ્દામાલ કબજે લઇને કુખ્યાત બૂટલેગરોની શોધખોળ આદરી છે.
વરણામા પોલીસ સ્ટેશનના સ્ટાફ કેલનપુર આઉટ પોસ્ટ વિસ્તારમાં પેટ્રોલિંગની કામગીરીમાં હતા. તે દરમિયાન બાતમી મળી હતી કે રતનપુર ગામે રહેતા બૂટલેગર હિતેષ ઉર્પે પપ્પુ રજનીકાંત જયશ્વાલ તથા સચીન રાકેશ જયશ્વાલ તથા સીમબેન રાકેશ જયશ્વાલ તેમની કારમાં વિદેશી દારૂની બોટલો રાખૂની રાજેશ ઉર્ફે ખન્ના નામના શખ્સ દ્વારા વેચાણ કરાવાય છે. હાલમા કાર રતનપુર ભરવાડવાસની પાછળ વિદેશી દારૂ ભરીને પડેલી છે. જેના આધારે સ્ટાફના માણસોએ રતનપુર ભરવાડવાસની પાછળ ગૌચરમાં રેઇડ કરી હતી. દરમિયાન એક કાર સ્થળ પર પડી હતી. જેમાં તપાસ કરતા વિદેશી દારૂની પેટીઓ મળી આવી હતી. જેથી 1.20 લાખનો વિદેશી દારૂ, કાર રૂપિયા બે લાખ મળી કુલ 3.20 લાખનો મુદ્દામાલ કબજે લઇને કાર ચાલક સહિત કુખ્યાત બૂટલેગર માતા-પુત્ર અને દિયરની શોધખોળ હાથ ધરી છે.
વડોદરા રેલવે સ્ટેશન પરથી દારૂ સાથે ત્રણ દબોચી લેવાયાં
પાણીગેટ એસટી બસમાં એક શખ્સ દારૂનો જથ્થો લઇને રેલવે સ્ટેશન સ્કાય વોય પાસે આવનાર છે. જેના આધારે સયાજીગંજ પોલીસની ટીમે વોચ ગોઠવી એક શખ્સ થેલા સાથે આવીને બે જણાને દારૂ આપતો હતો. દરમિયાન ત્રણ વિક્રમ રમણ પટેલિયા (રહે, મહીસાગર જિલ્લો) કમલેશ લક્ષ્મણ ડામોર (રહે,ગોત્રી) અને મુકેશ રેવા ખાંટ (રહે, ઇલોરા પાર્ક)ને દબોચી લીધા હતા. તેમની પાસેથી 11 હજારનો વિદેશી દારૂ, 3 મોબાઇલ, 1 બાઇક અને રોકડ રકમ મળી 46 હજારનો મુદ્દામાલ કબજે કર્યો હતો.
