ગાંધીનગર: આગામી 13મી માર્ચ સુધી રાજ્યમાં સૌરાષ્ટ્ર – કચ્છ, ઉત્તર ગુજરાત અને દક્ષિણ ગુજરાતમાં હિટ વેવની સાથે ગરમીનો પારો 42 ડિગ્રી સુધી પહોંચી જવાની ચેતવણી હવામાન વિભાગ દ્વારા ઈશ્યુ કરી દેવામાં આવી છે. આગામી ત્રણેક દિવસમાં ગરમી ત્રણ ડિગ્રી વધવાની સંભાવના છે. આજે દિવસ દરમ્યાન રાજ્યમાં સુરતમાં ગરમીનો પારો 41.8 ડિગ્રી, રાજકોટ અને સુરેન્દ્રનગરમાં 41 ડિગ્રીએ પહોંચ્યો હતો, જ્યારે અન્ય કેટલાયે શહેરોમાં ગરમી 39 ડિગ્રી આસપાસ નોંધાઈ હતી.
આગામી 13મી માર્ચ સુધી રાજ્યમાં હિટવેવની ચેતવણી ઈશ્યુ કરી દેવામાં આવી છે. જેમાં બનાસકાંઠા, ગાંધીનગર, અમદાવાદ, સુરત, સુરેન્દ્રનગર, રાજકોટ, જુનાગઢ, ગીર સોમાનાથ, મોરબી, અમરેલી, ભાવનગર, બોટાદ, પોરબંદર અને કચ્છ સહિતના જિલ્લાઓનો સમાવેશ કરાયો છે. હવામાન વિભાગે સ્થાનિક લોકોને સીધા ગરમીમાં જવાનું ટાળવાની સલાહ આપી છે. આ ઉપરાંત લસ્સી, ચોખાનું પાણી (તોરાની), લીંબુ પાણી, છાશ વગેરે જેવા ઘરે બનાવેલા પીણાંનો ઉપયોગ કરવા જણાવ્યું છે. આજે સોમવારે દિવસ દરમ્યાન સુરતમાં ગરમીનો પારો 41.8 ડિગ્રીને પાર કરી ગયો હતો, જ્યારે રાજકોટ અને સુરેન્દ્રનગરમાં ગરમીનો પારો 41 ડિગ્રીએ પહોંચ્યો હતો. અન્ય 9 શહેરમાં ગરમી 39 ડિગ્રીની આસપાસ રહી હતી.
હવામાન વિભાગના જણાવ્યા અનુસાર આજે અમદાવાદમાં 39 ડિ.સે., ડીસામાં 39 ડિ.સે., ગાંધીનગરમાં 39 ડિ.સે. વલ્લભ વિદ્યાનગરમાં 39 ડિ.સે., વડોદરામાં 38 ડિ.સે., સુરતમાં 41.8 ડિ.સે., ભૂજમાં 40 ડિ.સે., નલિયામાં 39 ડિ.સે., કંડલા પોર્ટ પર 35 ડિ.સે., કંડલા એરપોર્ટ પર 39 ડિ.સે., અમરેલીમાં 39 ડિ.સે., ભાવનગરમાં 37 ડિ.સે., રાજકોટમાં 41 ડિ.સે., સુરેન્દ્રનગમાં 41 ડિ.સે., મહુવા 37 ડિ.સે. અને કેશોદમાં 39 ડિ.સે. મહત્તમ તાપમાન નોંધાયું હતું. નલિયા, પોરબંદર, મહુવા અને કેશોદમાં 18 ડિગ્રી લઘુતમ તાપમાન નોંધાયું હતું.
