દિલ્હી એરપોર્ટ પર એક મોટી દુર્ઘટના ઘટી છે. ટર્મિનલ 3 પર પાર્ક કરેલી બસમાં આગ લાગી ગઈ છે. સદનસીબે, અકસ્માત સમયે કોઈ મુસાફરો સવાર નહોતા. આજે તા. 28 ઓક્ટોબરને મંગળવારે બપોરે બસ એક વિમાન પાસે પાર્ક કરેલી હતી ત્યારે આ અકસ્માત થયો હતો.
આ બસ એર ઇન્ડિયા SATS એરપોર્ટ સર્વિસીસ પ્રાઇવેટ લિમિટેડ દ્વારા સંચાલિત હતી, જે ઘણી એરલાઇન્સ માટે ગ્રાઉન્ડ સર્વિસીસનું સંચાલન કરતી તૃતીય-પક્ષ સેવા પ્રદાતા છે. આગ કેવી રીતે લાગી અથવા કોઈ ઘાયલ થયું કે કેમ તે અંગે હજુ સુધી કોઈ માહિતી નથી.
બપોરે લગભગ 1 વાગ્યે, IGI એરપોર્ટ પોલીસ સ્ટેશનને એર ઇન્ડિયાની બસમાં આગ લાગવાની જાણ મળી. માહિતી મળતાં, ફાયર વિભાગ, સ્થાનિક પોલીસ અને CISF સહિત અન્ય સંબંધિત એજન્સીઓએ તાત્કાલિક ઘટનાનો સામનો કર્યો.
અત્યાર સુધી મળેલી માહિતી મુજબ, તે સમયે બસમાં કોઈ મુસાફરો કે સામાન નહોતો. ઘટના સમયે ફક્ત ડ્રાઈવર જ હાજર હતો. આગ પર કાબુ મેળવી લેવામાં આવ્યો છે. કોઈ ઈજા થઈ નથી. આગ લાગવાનું કારણ નક્કી કરવા માટે બસનું નિરીક્ષણ કરવામાં આવશે.
