મુંબઈ: ક્રિકેટ (Cricket) જગતનું મોટું નામ ઈરફાન પઠાણ હવે એક્ટિંગની (Acciting) દુનિયામાં હાથ અજમાવવા જઈ રહ્યો છે. ક્રિકેટરની અપકમિંગ તમિલ ફિલ્મ (Film) ‘કોબ્રા’નું ટ્રેલર રિલીઝ થઈ ગયું છે. ઈરફાને આ ટ્રેલર પોતાના સોશિયલ મીડિયા એકાઉન્ટ (Social Media Account) પર શેર (Share) કર્યું છે. ક્રિકેટમાં ધૂમ મચાવ્યા પછી તે ફિલ્મ ઈન્ડસ્ટ્રીમાં ધૂમ મચાવવા આવી રહ્યો છે. ઈરફાન પહેલીવાર પોતાની એક્ટિંગ કૌશલ્ય બતાવવા જઈ રહ્યો છે.
- ફિલ્મમાં ઈરફાન પઠાણ જબરદસ્ત એક્શન અને થ્રિલર અંદાજમાં જોવા મળશે
- આ ફિલ્મમાં ઈરફાન સાથે તમિલ એક્ટર ચિયાન વિક્રમ પણ મહત્વના રોલમાં જોવા મળશે
- ઈરફાનના ખાસ મિત્ર સુરેશ રૈનાએ ઈન્સ્ટાગ્રામ પર ‘કોબરા’નું ટ્રેલર શેર કર્યું
ફિલ્મમાં ઈરફાન પઠાણ યુનિફોર્મ પહેરેલા પોલીસ ઓફિસરના રોલમાં જોવા મળશે. ફિલ્મમાં તે જબરદસ્ત એક્શન અને થ્રિલર અંદાજમાં જોવા મળશે. ટ્રેલર જોઈને અનુમાન લગાવી શકાય છે કે ફિલ્મની વાર્તા ચોર-પોલીસ પર આધારિત છે. જેમાં લવ સ્ટોરી સાથે સેડ એન્ગલ પણ છે. અજય જ્ઞાનમુથુ દ્વારા નિર્દેશિત આ ફિલ્મ 31 ઓગસ્ટે સિનેમાઘરોમાં રિલીઝ થશે.
જણાવી દઈએ કે આ ફિલ્મમાં ઈરફાન સાથે તમિલ એક્ટર ચિયાન વિક્રમ પણ મહત્વના રોલમાં જોવા મળશે. ફિલ્મના ટ્રેલરે ચાહકોને ખૂબ જ ઉત્સાહિત કરી દીધા છે. ઈરફાન ‘કોબ્રા’ દ્વારા ફિલ્મોમાં ડેબ્યુ કરી રહ્યો છે. ઈરફાનના ખાસ મિત્ર સુરેશ રૈનાએ ઈન્સ્ટાગ્રામ પર ‘કોબરા’નું ટ્રેલર શેર કર્યું અને અભિનંદન આપતા લખ્યું હતું કે, ‘તને કોબ્રા ભાઈ ઈરફાન પઠાણમાં પરફોર્મ કરતા જોઈને ખૂબ જ આનંદ થયો, આ ફિલ્મ એક્શનથી ભરપૂર લાગે છે. હું તમને અને ફિલ્મની સમગ્ર ટીમને તેની સફળતા માટે અભિનંદન આપું છું. હવે તે જોવા માટે રાહ જોઈ શકતા નથી.
ઈરફાન પઠાણની ક્રિકેટમાં મચાવેલી ઘૂમ પછી તેઓ ફિલ્મમાં ઘૂમ મચાવી શકશે કે કેમ તે જોવું રહ્યું. ઈરફાનના ચાહકો તેમની આ ફિલ્મનો બેસબરીથી રાહ જોઈ રહ્યાં છે.
