મુંબઈ: આલિયા (Alia) અને રણબીરની (Ranbir) બ્રહ્માસ્ત્ર (Brahmastra) ફિલ્મની (Filmn) સફળતા પછી તેઓને ઉજવણીનો વઘુ એક અવસર પ્રાપ્ત થયો છે. બોલિવુડમાં પોતાનો ડંકો વગાડ્યા પછી આ કયુટ કપલના બેબી શાવરના ઘૂમઘામથી થવાની જાણકારી મળી આવી છે. આલિયા ટૂંક સમયમાં માતા બનવા જઈ રહી છે. જ્યારથી ચાહકોએ તેની પ્રેગ્નન્સીના સમાચાર સાંભળ્યા છે, ત્યારથી તેઓ પણ ખૂબ જ ઉત્સાહિત છે અને બાળકની રાહ જોઈ રહ્યા છે. સૂત્રો પાસેથી જાણકારી મળી આવી છે કે આલિયાનું બેબી શાવર ટૂંક સમયમાં થવાનું છે. એવું કહેવામાં આવી રહ્યું છે કે આ બેબી શાવર આલિયાની માતાઓ એટલે કે સોની રાઝદાન અને નીતુ કપૂર દ્વારા પ્લાન કરવામાં આવી રહી છે. નાની-દાદીએ ગેસ્ટ લિસ્ટ પણ તૈયાર કર્યું છે. બ્રહ્માસ્ત્રની સફળતા બાદ આલિયા વધુ એક સેલિબ્રેશન માટે તૈયાર છે. એવા અહેવાલો છે કે સોની રાઝદાન અને નીતુ કપૂર સાથે મળીને આલિયા માટે બેબી શાવર ફંક્શનની તૈયારી કરી રહ્યા છે. આ ઉજવણીનું આયોજન મુંબઈમાં કરવામાં આવશે. આ સ્ટાર-સ્ટડેડ બેબી શાવરમાં આલિયાના ખાસ મિત્રોને આમંત્રિત કરવાની યોજના બનાવવામાં આવી રહી છે.
મળતી માહિતી મુજબ અનુષ્કા રંજન, આકાંક્ષા રંજન સોની અને નીતુના ગેસ્ટ લિસ્ટમાં છે. આલિયાની ગર્લ ગેંગ પણ આ ફંકશનમાં જોવા મળશે. આ બેબી શાવરમાં કપૂર અને ભટ્ટ પરિવારના કેટલાક ખાસ સભ્યો જેમ કે કરીના કપૂર ખાન, કરિશ્મા કપૂર, શ્વેતા બચ્ચન, નવ્યા નંદા, શાહીન ભટ્ટને પણ આમંત્રિત કરવામાં આવશે. જો કે, આ ઉજવણીની તારીખ હજુ સુધી નક્કી કરવામાં આવી નથી. પરંતુ માનવામાં આવે છે કે આ મહિનાના અંતમાં બેબી શાવરનું ફંકશન જોરદાર રીતે ઉજવવામાં આવશે. જાણકારી મળી આવી છે કે અભિનેત્રીના બેબી શાવરમાં વેગન-થીમ મેનૂ રાખવામાં આવશે. આ બેબી શાવરના ફંકશનમાં આલિયા દ્વારા અનોખી રીતે સજાવટ કરવામાં આવશે. મળતી માહિતી મુજબ તે રણબીર અને તેના બાળપણની તસવીરોથી સજાવટ કરવામાં આવશે.
મળતી માહિતી મુજબ આલિયા અને રણબીરના લગ્ન થયા હતા તેવી જ રીતે તેઓ આ બેબી શાવરના ફંકશનને પણ પ્રાઈવેટ રાખવા માંગે છે. આલિયાને કેટલાક ખાસ નજીકના અને મિત્રોની વચ્ચે બેબી શાવર કરાવવામાં આવશે. જણાવી દઈએ કે આલિયા અને રણબીરે 14 એપ્રિલ 2022ના રોજ લગ્ન કર્યા હતા. લગ્નના 3 મહિનામાં જ બંનેએ બાળકના ગુડ ન્યૂઝ આપીને બધાને ફેન્સને ચોંકાવી દીધા હતા. હાલમાં જ બંનેની ફિલ્મ બ્રહ્માસ્ત્ર રિલીઝ થઈ છે. આ ફિલ્મથી જ બંનેનો પ્રેમ વધવા લાગ્યો હતો. આ ફિલ્મ બોક્સ ઓફિસ પર દરરોજ નવા રેકોર્ડ બનાવી રહી છે. બ્રહ્માસ્ત્રે ઓપનિંગ વીકએન્ડમાં જ ઘણી કમાણી કરીને બધાને ચોંકાવી દીધા હતા. આ ફિલ્મને મિશ્ર પ્રતિસાદ મળ્યો છે. આલિયાના વર્કફ્રન્ટની વાત કરીએ તો તે બ્રહ્માસ્ત્ર પછી કરણ જોહરની રોકી અને રણવીર સિંહ સાથેની રાનીની લવસ્ટોરીમાં જોવા મળશે. ફિલ્મનું શૂટિંગ પૂર્ણ થઈ ગયું છે. આ ઉપરાંત આલિયા ભટ્ટ પણ ફિલ્મ હાર્ટ ઓફ સ્ટોનથી હોલિવૂડમાં ડેબ્યૂ કરશે.
