તુર્કીમાં દુનિયાનો સૌથી લાંબો સસ્પેન્શન બ્રિજ તૈયાર થઈ ગયો છે, જેના કારણે હવે 5 કલાકનું અંતર માત્ર 6 મિનિટમાં કાપી શકાશે! મતલબ કે, એશિયાથી યુરોપ હવે માત્ર પાંચ મિનિટમાં પહોંચી શકાશે! તુર્કીમાં યુરોપિયન અને એશિયન કિનારાને જોડતો આ ચોથો પુલ હોવાનું કહેવાય છે. તુર્કીમાં વિશ્વનો સૌથી લાંબો સસ્પેન્શન બ્રિજ તૈયાર છે. રાષ્ટ્રપતિ તૈયપ એર્દોગને તુર્કીના ડાર્ડાનેલ્સ સ્ટેટમાં એશિયા અને યુરોપ વચ્ચેના નવા વિશાળ સસ્પેન્શન બ્રિજનું ઉદઘાટન કર્યું હતું. સત્તાના બે દાયકા દરમિયાન આ પ્રોજેક્ટ રાષ્ટ્રપતિનો સૌથી મહત્ત્વપૂર્ણ પ્રોજેક્ટ રહ્યો હતો, જે ઓછા સમય અને વધુ ખર્ચમાં બનાવવામાં આવ્યો હતો. તુર્કીના યુરોપિયન અને એશિયન કિનારાને જોડતો આ 1915 કેનાકલ બ્રિજ તુર્કી અને દક્ષિણ કોરિયન કંપનીઓ દ્વારા 2.5 બિલિયન યુરો (2.8 બિલિયન ડોલર)ના રોકાણ સાથે બનાવવામાં આવ્યો છે.
રાષ્ટ્રપતિ તૈયપ એર્દોગનની એકે પાર્ટી 2002માં પ્રથમ વખત સત્તામાં આવી હતી, ત્યારથી ઇસ્તંબુલના બોસ્ફોરસ સ્ટેટ હેઠળ એક નવું ઇસ્તંબુલ એરપોર્ટ બનાવવામાં આવી રહ્યું હતું. તેના પર રેલ અને રોડ ટનલ અને એક પુલ બનાવવામાં આવ્યો હતો, જે તેમના મેગા પ્રોજેક્ટ હતા. 1915 ઓટોમન નૌકા વિજયની વર્ષગાંઠ પર એક ઉદઘાટન સમારોહ યોજવામાં આવ્યો હતો. પ્રથમ વિશ્વ યુદ્ધ દરમિયાન ડાર્ડનેલ્સમાં ફ્રેન્ચ અને બ્રિટિશ દળો સામે 1915ની ઓટોનમ નૌસૈનિક વિજયની વર્ષગાંઠ નિમિત્તે યોજવામાં આવેલાં સમારોહમાં રાષ્ટ્રપતિ એર્દોગને કહ્યું, આ પ્રોજેક્ટ ઘણાં વર્ષો સુધી દેશને લાભ પ્રદાન કરતો રહેશે. આપણા દેશને રોકાણ અને નિકાસમાં આગળ લઈ જવામાં આ પ્રોજેક્ટનો મોટો હિસ્સો રહેશે. રાષ્ટ્રપતિ તૈયપ એર્દોગને કહ્યું, ‘બ્રિજનું નામ અને તેના ઉદઘાટનની તારીખ 18 માર્ચ, 1915ના વિશ્વ યુદ્ધમાં ઓટોમન સૈનિકોની જીતની યાદમાં ગેલીપોલી અભિયાનના ભાગરૂપે અમે હંમેશા ઇતિહાસ અને ભવિષ્યને જોડવાની વાત કરીએ છીએ અને આજે અમે તે કરી રહ્યાં છીએ.
ખરેખર ઈસ્તંબુલમાં 15 બિલિયન ડોલર કેનાલનો પ્રોજેક્ટ શરૂ કરવામાં આવ્યો હતો. રાષ્ટ્રપતિ એર્દોગને ગયા વર્ષે તેને લોન્ચ કરતી વખતે ‘ક્રેઝી પ્રોજેક્ટ’ ગણાવ્યો હતો. આ પ્રોજેક્ટનો હેતુ વ્યસ્ત બોસ્ફોરસ સ્ટેટ પર દબાણ દૂર કરવાનો હતો. જો કે, ટીકાકારોએ તુર્કીની આર્થિક મુશ્કેલીઓ, પર્યાવરણીય જોખમો અને જાહેર વિરોધને ધ્યાનમાં રાખીને પ્રોજેક્ટ પર પ્રશ્ન ઉઠાવ્યા છે. 2023માં યોજાનારી રાષ્ટ્રીય ચૂંટણીઓ પહેલાં ઓપિનિયન પોલમાં રાષ્ટ્રપતિ એર્દોગન અને તેમની એકે પાર્ટીની લોકપ્રિયતામાં ઘટાડો દર્શાવ્યો છે, જેનાથી તેની સત્તા ખતરામાં હોવાની શક્યતાઓ વધી છે. મીડિયા અહેવાલો જણાવે છે કે, આ પુલના બિલ્ડ ઓપરેટ ટ્રાન્સફર કરારમાં ઓપરેટરોને કરારના સમયગાળા દરમિયાન 380 મિલિયન યુરોની વાર્ષિક ચૂકવણી ગેરંટી અથવા કુલ 6 બિલિયન યુરોનો સમાવેશ સરકારે કર્યો છે. મતલબ કે સરકારને એક બેઠી આવક શરૂ થઇ જશે.
આ પુલનો ઉપયોગ કરવા માટે યાત્રી વાહનોને 200 લીરા એટલે કે, 13.50 ડોલર એક તરફના ચૂકવવા પડશે. ડાર્ડેનેલ્સ બ્રિજ પ્રોજેક્ટ માર્ચ 2017માં શરૂ કરવામાં આવ્યો હતો, જેમાં 5000થી વધુ કામદારો બાંધકામમાં સામેલ હતા. તેની 2,023 મીટર (1.25 માઇલ)ની લંબાઇ 2023માં તુર્કી પ્રજાસત્તાકની 100મી વર્ષગાંઠનો સંકેત છે. આ તુર્કીમાં યુરોપિયન અને એશિયન કિનારાને જોડતો ચોથો પુલ છે. તેના ટાવર 318 મીટર ઊંચા છે અને બ્રિજની કુલ લંબાઈ 4.6 કિમી (2.9 માઇલ) છે, જેમાં એપ્રોચ વાયડક્ટનો સમાવેશ થાય છે. અત્યાર સુધી એનાટોલિયા અને ગેલીપોલી દ્વીપકલ્પ વચ્ચે મુસાફરી કરતાં વાહનોને ડાર્ડાનેલ્સમાં એક કલાકની ફેરી મુસાફરી કરવી પડતી હતી. હવે માત્ર 6 મિનિટમાં 5 કલાકનું અંતર કાપી શકશે.
