નવી દિલ્હી: ટેસ્લાના CEO એલોન મસ્કે (Elon Musk) સંયુક્ત રાષ્ટ્ર સુરક્ષા પરિષદ યુએનએસસીમાં (UNSC) વૈશ્વિક દેશોના સભ્યો વિશે વાત કરી હતી. સાથે જ તેમણે યુએનએસસીમાં (UNSC)ના કાયમી સભ્યપદને સમર્થન આપ્યું છે.
પ્રાપ્ત વિગતો મુજબ વિશ્વના સૌથી ધનિક વ્યક્તિ અને ટેસ્લા અને સ્પેસએક્સ જેવી કંપનીઓના CEO એલોન મસ્કે સંયુક્ત રાષ્ટ્ર સુરક્ષા પરિષદમાં ભારતની કાયમી સભ્યપદની હિમાયત કરી છે. તેમણે કહ્યું છે કે વિશ્વના સૌથી મોટા સંગઠન સંયુક્ત રાષ્ટ્રમાં કેટલાક મુદ્દાઓ પર ફેરફાર કરવાની જરૂર છે. તેમણે કહ્યું છે કે સૌથી વધુ વસ્તી ધરાવતો દેશ હોવાના કારણે ભારતને ચોક્કસપણે સંયુક્ત રાષ્ટ્રની સુરક્ષા પરિષદમાં સ્થાન મળવું જોઈએ. આમ ન કરવું એ વાહિયાત છે.
મસ્ક યુએન સંસ્થાઓમાં સુધારાની હિમાયત કરી છે
એલોન મસ્કે ટ્વીટ કર્યું કે અમુક સમયે યુએન સંસ્થાઓમાં સુધારાની જરૂર છે. તેમણે કહ્યું કે વિશ્વમાં સૌથી વધુ વસ્તી ધરાવતો દેશ હોવા છતાં ભારત માટે સુરક્ષા પરિષદમાં કાયમી બેઠક ન હોવી એ વાહિયાત છે. તેમણે લખ્યું છે કે આફ્રિકા માટે પણ સામૂહિક રીતે બેઠક હોવી જોઈએ. હાલમાં સંયુક્ત રાષ્ટ્રની સુરક્ષા પરિષદમાં સ્થાયી સભ્ય તરીકે માત્ર પાંચ દેશોનો સમાવેશ થાય છે.
સંયુક્ત રાષ્ટ્ર સુરક્ષા પરિષદ શું છે?
સંયુક્ત રાષ્ટ્ર સુરક્ષા પરિષદ (UNSC) એ સંયુક્ત રાષ્ટ્ર (UN) ના છ મુખ્ય અંગો પૈકીનું એક છે. તેની સ્થાપના 24 ઓક્ટોબર 1945ના રોજ થઈ હતી. તે આંતરરાષ્ટ્રીય શાંતિ અને સુરક્ષા સુનિશ્ચિત કરવા, સંયુક્ત રાષ્ટ્રના નવા સભ્યોને જનરલ એસેમ્બલીમાં પ્રવેશની ભલામણ કરવા અને સંયુક્ત રાષ્ટ્રમાં કોઈપણ ફેરફારોને મંજૂરી આપવાનું કાર્ય કરે છે.
સુરક્ષા પરિષદના માળખાની વાત કરીએ તો તેમાં પાંચ સ્થાયી સભ્યો છે – અમેરિકા, બ્રિટન, ચીન, ફ્રાન્સ અને રશિયા. આને સામૂહિક રીતે P5 તરીકે ઓળખવામાં આવે છે. કાઉન્સિલના દસ ચૂંટાયેલા સભ્યો પણ છે જેમનો કાર્યકાળ માત્ર બે વર્ષનો છે. ચૂંટાયેલા સભ્યોને વીટો પાવર આપવામાં આવતો નથી.
સુરક્ષા પરિષદમાં બેઠક માટે ભારત શા માટે મોટો દાવેદાર છે?
સંયુક્ત રાષ્ટ્ર સુરક્ષા પરિષદના કાયમી સભ્ય બનવા ઈચ્છતા તમામ ઉમેદવારોમાં ભારત સૌથી મોટો અવાજ ઉઠાવે છે. ભારત આજે એક મુખ્ય વૈશ્વિક શક્તિ કેન્દ્ર બની ગયું છે. ભારતનો સદસ્યતાનો દાવો એ તથ્યો પર આધારિત છે કે તે સંયુક્ત રાષ્ટ્રના સ્થાપક સભ્યોમાંનો એક છે? એ સૌથી મોટો પ્રશ્ન છે. ભારત સૌથી મોટી લોકશાહી, બીજો સૌથી વધુ વસ્તી ધરાવતો દેશ અને પાંચમો સૌથી મોટો અને સૌથી ઝડપથી વિકસતી અર્થવ્યવસ્થા ધરાવતો છે.
ઉપરાંત ભારત ક્લાઈમેટ ચેન્જ, સસ્ટેનેબલ ડેવલપમેન્ટ ગોલ્સ અને અન્ય યુએન સમિટ સંબંધિત તમામ મહત્વપૂર્ણ ફોરમમાં સક્રિયપણે સામેલ થઈ રહ્યું છે. ભારત વિશ્વના મોટાભાગના અવિકસિત અને વિકાસશીલ દેશોના હિતોનું પણ પ્રતિનિધિત્વ કરે છે. ભારત એક એવો દેશ છે જે અન્યની આંતરિક બાબતોમાં દખલ ન કરવાની વિચારધારાને વળગી રહે છે.
