સુરત : હીરા ઉદ્યોગની મંદી વચ્ચે કિમ્બર્લી પ્રોસેસ સર્ટિફિકેશન સ્કીમ (KPCS)ની 7 દેશોના 14 પ્રતિનિધિઓની ટીમ આગામી 14,15 જુનના રોજ સુરતનાં હીરા ઉદ્યોગની મુલાકાત લઇ બ્લડ ડાયમંડની તપાસ કરશે. આ તપાસ ગુપ્ત હોય છે પરંતુ દિનેશ નાવડિયાએ આ ગુપ્ત બાબત જાહેર કરીને બફાટ કરી નાંખ્યો છે.
- બ્લડ ડાયમંડની તપાસ માટે 7 દેશની ટીમ ગુપ્તરાહે સુરત આવી રહી હતી પરંતુ હીરાઅગ્રણીના બફાટથી આખી વાત ખુલ્લી પડી ગઈ
- કિમ્બર્લી પ્રોસેસ સર્ટિફિકેશનની ટીમ ગુપ્ત રાહે તપાસ કરે તે પહેલા જ દિનેશ નાવડિયાએ બફાટ કરી જાહેરાત કરી દીધી
વિશ્વમાં બ્લડ ડાયમંડ કે કોનફ્લિક્ટ ડાયમંડના વેપાર પર અંકુશ રાખવાનું કામ કે.પી. કરે છે. પ્રથમવાર ટીમ મેન્યુફેક્ચરિંગ ગતિવિધિ નિહાળશે. હીરા ઉદ્યોગના સૂત્રોએ જણાવ્યું હતું કે, કે.પી.ની ટીમ સુરતની ડાયમંડ ફેક્ટરીઓ, ઇન્ડિયન ડાયમંડ ઇન્સ્ટિટ્યૂટ, હીરા બજાર, જ્વેલરી પાર્ક, સુરત ડાયમંડ બુર્સ અને જીજેઇપીસીની રિજનલ ઓફિસની મુલાકાત લઈ શકે છે.
અત્યારે KPCS ની ચેરમેનશિપ ઝીમ્બાબ્વે અને વાઇસ ચેરમેનશિપ યુએઈ પાસે છે. KAPS એ પ્રમાણિત કરવા માટે રજૂ કરવામાં આવી છે કે રફ હીરાની શિપમેન્ટ સંઘર્ષ હીરાથી મુક્ત છે. KPC સ્કીમ માટે જરૂરી છે કે નિકાસ અને આયાત કરવામાં આવતા રફ હીરાના દરેક શિપમેન્ટમાં સંબંધિત દેશોની સરકારો દ્વારા માન્ય કિમ્બર્લી પ્રક્રિયા પ્રમાણપત્ર સાથે હોવું જોઈએ. ભારતમાં, જેમ એન્ડ જ્વેલરી એક્સપોર્ટ પ્રમોશન કાઉન્સિલ કિમ્બર્લી પ્રોસેસ સર્ટિફિકેટ જારી કરે છે અને હીરાને સંઘર્ષ-મુક્ત તરીકે પ્રમાણિત કરે છે.
કિમ્બર્લી પ્રોસેસ સર્ટિફિકેશન સ્કીમ (KPCS) એ સંઘર્ષ હીરાના વેપારને સમાપ્ત કરવાની આંતરરાષ્ટ્રીય યોજના છે. KP પ્રમાણપત્ર રફ ડાયમંડની અધિકૃતતા જણાવે છે. કિમ્બર્લી પ્રક્રિયા માટે નિર્ધારિત સત્તા કિમ્બર્લી પ્રોસેસ સર્ટિફિકેટને જેમ એન્ડ જ્વેલરી એક્સપોર્ટ પ્રમોશન કાઉન્સિલ (GJEPC) દ્વારા ચકાસવામાં આવે છે અને માન્ય કરવામાં આવશે, જેને કિમ્બર્લી પ્રોસેસ સર્ટિફિકેશન સ્કીમ હેઠળ, ભારત સરકાર દ્વારા આયાત-નિકાસ સત્તાધિકાર તરીકે નિયુક્ત કરવામાં આવ્યું છે. કિમ્બર્લી પ્રોસેસ સર્ટિફિકેટ (KPC) અરજદાર જેમ એન્ડ જ્વેલરી એક્સપોર્ટ પ્રમોશન કાઉન્સિલના સભ્ય અથવા બિન-સભ્ય હોઈ શકે છે. એજન્ટો પણ સભ્યો અને બિન-સભ્યો વતી અરજી કરી શકે છે.
કે.પી.ની ટીમ રશિયન ડાયમંડ વિશે ખણખોદ કરવા માંગે છે?
અમેરિકા, બેલ્જિયમ અને યુનાઈટેડ કિંગડમે યુક્રેન-રશિયા યુદ્ધ પછી રશિયન રફ ડાયમંડ પર પ્રતિબંધ મૂક્યો છે. ભારત, ચીન, યુએઈ જેવા દેશો આ પ્રતિબંધની વિરુદ્ધમાં છે. ભારતમાં વર્ષે 2 બિલિયન નાની રશિયન રફનો વેપાર થાય છે. ચર્ચા એવી છે કે ભારતની રજુઆત પછી કેપી.નું પ્રતિનિધિ મંડળ સુરત, મુંબઈની મુલાકાતે આવી રહ્યું છે. કેપી.ની ટીમ રશિયન ડાયમંડ વિશે ખણખોદ કરવા માંગે છે, એવી ચર્ચા ચાલી રહી છે. જોકે કેપી.એ હજી રશિયન રફની માન્યતા ચાલુ રાખી છે.
કિમ્બર્લી પ્રોસેસ સર્ટિફિકેટમાં રફ હીરાની આ વિગતો આપવી પડે છે
- મૂળ દેશ
- KP પ્રમાણપત્ર નંબર
- KP પ્રમાણપત્ર જારી કરવાની તારીખ
- પ્રમાણપત્રની સમાપ્તિની તારીખ
- પ્રમાણપત્ર જારી કરનાર સત્તાધિકારીની વિગતો
- આયાતકાર અને નિકાસકારની વિગતો
- ડાયમંડ કેરેટ વજન
- હીરાની કિંમત
- શિપમેન્ટમાં પાર્સલની સંખ્યા
- સંબંધિત HS કોડ
- નિકાસ અધિકારી દ્વારા પ્રમાણપત્રની માન્યતા
- યોગ્યતાના માપદંડ
- આયાત માટે દસ્તાવેજો
- સંઘર્ષ હીરાની આયાત માટેની અરજી
- સમર્થન માટે KP પ્રમાણપત્રની નકલ
- ઘોષણા સાથે ઇન્વૉઇસ આયાત કરો
- હાઉસ એરવે બિલ
