મુંબઈઃ બોલિવૂડની લેડી સુપરસ્ટાર ઐશ્વર્યા રાય બચ્ચન બચ્ચન પરિવાર અને તેના પતિ અભિષેક બચ્ચન સાથેના સંબંધો અને છૂટાછેડાની અફવાઓને કારણે ઘણા સમયથી હેડલાઇન્સમાં છે. હાલમાં જ તેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જે દુબઈમાં આયોજિત ગ્લોબલ વુમન્સ ફોરમ ઈવેન્ટનો છે, જેમાં ઐશ્વર્યાએ ભાગ લીધો હતો. જ્યાં તેમણે મહિલા સશક્તિકરણ પર અદ્ભુત વક્તવ્ય આપ્યું હતું. આ ઈવેન્ટના ઓફિશિયલ ઈન્સ્ટાગ્રામ પેજ પર એક વીડિયો શેર કરવામાં આવ્યો છે, જેમાં ઐશ્વર્યાએ પેનલના સભ્યોની પ્રશંસા કરી છે.
તેમજ ભવિષ્યને વધુ સમાવિષ્ટ બનાવવાના તેમના પ્રયાસોને બિરદાવ્યા હતા. જ્યારે ઐશ્વર્યા સ્ટેજ પર આવી ત્યારે બેકગ્રાઉન્ડમાં મોટી સ્ક્રીન પર તેનું નામ અને વ્યવસાય દર્શાવવામાં આવ્યો હતો, જેમાં ‘ઐશ્વર્યા રાય | ‘ઇન્ટરનેશનલ સ્ટાર’ લખવામાં આવ્યું હતું. પરંતુ જે વાતે લોકોનું ધ્યાન ખેંચ્યું તે હકીકત એ હતી કે તેમના નામમાંથી ‘બચ્ચન’ અટક ગાયબ હતી. તેનો આ વીડિયો ઝડપથી વાયરલ થઈ રહ્યો છે, જેના કારણે તેના છૂટાછેડાની અટકળો વધુ તેજ બની ગઈ છે. જો કે અભિનેત્રી તરફથી આ અંગે કોઈ પ્રતિક્રિયા આપવામાં આવી નથી.
નામની પાછળ હજુ પણ ‘બચ્ચન’ અટક છે
જો ફેક્ટ ચેકની વાત કરીએ તો આ અફવાઓમાં કોઈ સત્ય નથી. ઐશ્વર્યા રાયની વેરિફાઇડ ઇન્સ્ટાગ્રામ પ્રોફાઇલમાં હજુ પણ તેના નામની પાછળ ‘બચ્ચન’ અટક છે. તેનું નામ આજે પણ ઈન્સ્ટાગ્રામ પર ‘ઐશ્વર્યા રાય બચ્ચન’ લખવામાં આવે છે. દુબઈ ઈવેન્ટના વીડિયોમાં ઐશ્વર્યાના લગ્નનું નામ દર્શાવવામાં આવ્યું ન હતું, કારણ કે તેનું નામ માત્ર ટૂંકમાં અને વ્યવસાયિક રીતે રજૂ કરવામાં આવ્યું હતું. આનો અર્થ એ નથી કે તેણીએ તેનું પરિણીત નામ બદલી નાખ્યું છે.
ઐશ્વર્યા રાય અને અભિષેક બચ્ચનના છૂટાછેડાની અફવા કેમ ફેલાઈ?
ઐશ્વર્યા અને અભિષેક વચ્ચેના સંબંધોને લઈને છેલ્લા કેટલાક સમયથી અટકળો ચાલી રહી છે. વાસ્તવમાં, આ વર્ષની શરૂઆતમાં, બંને અનંત અંબાણી અને રાધિકા મર્ચન્ટના લગ્નમાં અલગ-અલગ પહોંચ્યા હતા, જે બાદ ચર્ચાએ જોર પકડ્યું હતું કે, તાજેતરમાં જ ઐશ્વર્યાએ તેની પુત્રી આરાધ્યાના જન્મદિવસની તસવીરો શેર કરી હતી અભિષેક સહિત બચ્ચન પરિવારનો કોઈ સભ્ય જોવા મળ્યો ન હતો, જેણે દંપતીના છૂટાછેડાની અફવાઓને વધુ વેગ આપ્યો હતો.
