ઇન્ડિયન પ્રીમિયર લીગ (IPL) 2025 સીઝન શરૂ થઈ ગઈ છે. 30 માર્ચ સુધીમાં 11 મેચ રમાઈ ચૂકી છે. દરમિયાન એક બાબત સૌથી વધુ ચર્ચામાં રહી છે તે છે મહેન્દ્ર સિંહ ધોનીનો બેટિંગ ક્રમ.
ચેન્નાઈ સુપર કિંગ્સ (CSK) ટીમને પાંચ વખત ટાઇટલ જીત અપાવનાર ભૂતપૂર્વ કેપ્ટન ધોની આ સિઝનમાં નીચલા ક્રમમાં બેટિંગ કરવા આવી રહ્યો છે. ક્યારેક તે 8માં નંબરે બેટિંગ કરે છે, અને ક્યારેક 9માં નંબરે સરકી જાય છે. સીએસકેની ટીમ ધોનીના બેટિંગ ક્રમના પરિણામો ભોગવી રહી છે.
ચેન્નાઈની ટીમે આ સિઝનમાં અત્યાર સુધીમાં 3 મેચ રમી છે, જેમાંથી તેણે ફક્ત એક જ મેચ જીતી છે. તે બે મેચમાં હારી ગઈ છે. ધોનીએ આ ત્રણેય મેચમાં કુલ 46 રન બનાવ્યા છે. જેમા તેનું શ્રેષ્ઠ પ્રદર્શન 30 રન અણનમ રહ્યું છે. આ બધા વચ્ચે ચાહકો જાણવા માટે ઉત્સુક હશે કે ધોની આટલા નીચા ક્રમે બેટિંગ કરવા કેમ આવી રહ્યો છે? હવે આનો જવાબ ચેન્નાઈ ટીમના કોચ સ્ટીફન ફ્લેમિંગે આપ્યો છે.
પીટીઆઈ અનુસાર ફ્લેમિંગે કહ્યું છે કે ધોની હાલમાં ઘૂંટણની ઈજાથી પીડાઈ રહ્યો છે. તેની ઈજા સંપૂર્ણપણે મટી નથી. આ જ કારણ છે કે ધોની માટે 10 ઓવર સુધી બેટિંગ કરવી મુશ્કેલ છે. આવી સ્થિતિમાં ધોની ઓવરો પ્રમાણે બેટિંગ કરવા આવે છે.
IPL 2025 માં ચેન્નાઈ ટીમ: ઋતુરાજ ગાયકવાડ (કેપ્ટન), સી આન્દ્રે સિદ્ધાર્થ, વંશ બેદી, ડેવોન કોનવે, એમએસ ધોની, શેખ રશીદ, રાહુલ ત્રિપાઠી, રવિચંદ્રન અશ્વિન, સેમ કુરન, શિવમ દુબે, રામકૃષ્ણ ઘોષ, શ્રેયસ ગોપાલ, દીપક હુડા, રવિન્દ્ર જાડેજા, અંશુલ કંબોજ, જેમી ઓવરટન, રચિન રવિન્દ્ર, વિજય શંકર, ખલીલ અહેમદ, નાથન એલિસ, ગુર્જપનીત સિંહ, મુકેશ ચૌધરી, કમલેશ નાગરકોટી, નૂર અહેમદ મથિશા પથિરાણા.
