- એર ઈન્ડિયા એક્સપ્રેસની દિલ્હી – સુરત ફ્લાઇટ 8 દિવસમાં 3 વાર કેન્સલ થઈ…
- મંગળવારે અચાનક ઓપરેશનલ સમસ્યાનું કારણ આપી ફ્લાઇટ કેન્સલ કરાતા 160 પેસેન્જરએ હોબાળો મચાવ્યો
સુરત : એર ઈન્ડિયા એક્સપ્રેસની દિલ્હી – સુરત દિલ્હી ફ્લાઈટ્સ 15 મે પછી છેલ્લા બે દિવસ એટલે કે, 21મી અને 22મી મેના રોજ પણ રદ કરી દેવામાં આવતા પેસેન્જરો એ આજે ફરી હોબાળો મચાવ્યો હતો. એર ઈન્ડિયા એક્સપ્રેસની દિલ્હી – સુરત ફ્લાઇટ 8 દિવસમાં 3 વાર કેન્સલ થઈ છે. મંગળવારે અચાનક ઓપરેશનલ સમસ્યાનું કારણ આપી ફ્લાઇટ કેન્સલ કરાતા 160 પેસેન્જરએ હોબાળો મચાવી વિરોધ નોંધાવ્યો હતો.
એર ઇન્ડિયા એક્સપ્રેસની સુરતની દિલ્હી એરપોર્ટથી 10ઃ00 વાગ્યે ટેકઓફ થાય છે અને સુરત એરપોર્ટ 12ઃ00 વાગ્યે આવે છે. સુરતથી બપોરે 1 વાગ્યે ઉપડી બપોરે 3 વાગ્યે દિલ્હી પહોંચે છે. અચાનક ફ્લાઇટ કેન્સલ થતા જ 160 પેસેન્જરનો પ્રવાસ બગડ્યો હતો. કેટલાકે કોડ શેરિંગમાં ઇન્ટરનેશનલ ફલાઇટ માટે સિંગલ PNR ટિકિટ લીધી હતી એવા પેસેન્જર પણ ભેરવાયા હોવાનું જાણવા મળ્યું છે.
ઓપરેશનલ સમસ્યાનું કારણ આપી ફ્લાઇટ કેન્સલ કરાઇ,મુસાફરોને રી-શીડયુલ અને રિફંડના ઓપ્શન આપ્યા હતા. પેસેન્જરોએ બોર્ડિંગ કલિયર કરી લીધા પછી ફ્લાઇટ ઓપરેશનલ સમસ્યાને લીધે રદ કરવામાં આવી હોવાની જાહેરાત થતાં પેસેન્જર અકળાયા હતા. ઘણાની વ્યવસાયિક મિટિંગ રદ થઈ હતી, તો કોઈ દિલ્હીથી દેશના બીજા શહેર જવા માંગતી હતું તેઓ બીજી ફ્લાઇટ પણ ચૂકી ગયા હતા.
