દિલ્હી: રાજધાની દિલ્હીમાં (Delhi) 5 મહિના પહેલા 26 વર્ષની યુવતીની હત્યા (Murder) કેસમાં આરોપી યુવકે ઘણા ચોંકાવનારા ખુલાસા કર્યા છે. આરોપી આફતાબે પોલીસને જણાવ્યું કે કેવી રીતે તેણે તેના લિવ-ઈન પાર્ટનરની (Live in Partner) હત્યા કરી તેના 20 ટુકડા કર્યા હતા. આરોપીએ જણાવ્યું કે કેવી રીતે તેણે લાશનો નિકાલ કેવી રીતે કર્યો. પોલીસને અત્યાર સુધી આ કેસમાં લાશના કેટલાક ટૂકડા મળી આવ્યા છે.
લગભગ 5 મહિના પહેલા દિલ્હીમાં તેની 26 વર્ષની લિવ-ઈન પાર્ટનર શ્રદ્ધા વોકરની હત્યા કરીને લાશને ગાયબ કરવાના આરોપી આફતાબ અમીન પૂનાવાલાની પોલીસે ધરપકડ કરી છે. પોલીસે આરોપી આફતાબ વિરુદ્ધ હત્યાનો કેસ નોંધ્યો છે. આ સાથે જ બીજી તરફ શ્રદ્ધાના મૃતદેહની શોધ ચાલી રહી છે. મળતી માહિતી મુજબ, આફતાબે શ્રદ્ધાની હત્યા કરી અને તેના શરીરના 35 ટુકડા કરી દીધા અને દિલ્હીના અલગ-અલગ વિસ્તારોમાં ફેંકી દીધા હતા. 8 નવેમ્બરના રોજ, 59 વર્ષીય વિકાસ મદન વોકરે દિલ્હીના મહેરૌલી પોલીસ સ્ટેશનમાં તેની પુત્રીના અપહરણ માટે FIR નોંધાવી હતી.
યુવતી મુંબઈમાં એક મલ્ટીનેશનલ કંપનીમાં કામ કરતી હતી
26 વર્ષની શ્રદ્ધા વોકર મુંબઈમાં એક મલ્ટીનેશનલ કંપનીમાં કોલ સેન્ટરમાં કામ કરતી હતી. ત્યાં શ્રદ્ધા આફતાબ અમીનને મળી હતી. ત્યારબાદ બંને એકબીજાને પસંદ કરવા લાગ્યા અને તેઓ લિવ-ઈન રિલેશનશિપમાં રહેવા લાગ્યા હતા. જ્યારે પરિવારને આ સંબંધની જાણ થઈ તો તેઓએ વિરોધ કર્યો હતો. આ વિરોધ બાદ શ્રદ્ધા અને આફતાબે અચાનક મુંબઈ છોડી દીધું હતું. અને ત્યાર બાદ તેઓ મહેરૌલીના છતરપુર વિસ્તારમાં રહેવા લાગ્યા હતા. પરંતુ આ દરમિયાન અચાનક જ શ્રદ્ધાનો ફોન બંધ આવવાવા લાગ્યો હતો. ત્યાર બાદ તેના પિતા તેને મળવા માટે તેના ઘરે પહોંચ્યા હતા.
શ્રદ્ધા વોકરના પિતાએ જણાવ્યું કે તે પોતાના પરિવાર સાથે મહારાષ્ટ્રના પાલઘરમાં રહે છે. 8 નવેમ્બરના રોજ જ્યારે તે છતરપુરમાં શ્રદ્ધાના ફ્લેટ પર પહોંચ્યો, જ્યાં તેમની દીકરી અને આફતાબ ભાડેથી રહે છે. પરંતુ તે ફ્લેટનો દરવાજો બંધ હોવાથી તેમણે મહેરૌલી પોલીસ સ્ટેશન પહોંચી એફઆઈઆર નોંધાવી હતી. પોલીસે ગયા શનિવારે આફતાબને પકડી લીધો હતો.
આરોપીઓએ આ રીતે ઘટનાને અંજામ આપ્યો હતો
આફતાબે પોલીસને કે શ્રદ્ધા ઘણીવાર તેના પર લગ્ન કરવા માટે દબાણ કરતી હતી. આ બાબતે બંને વચ્ચે ઝઘડો થતો હતો. 18 મેના રોજ ઝઘડા દરમિયાન તેણે શ્રદ્ધાનું ગળું દબાવી હત્યા કરી હતી. ત્યાર બાદ મૃતદેહને મોટા ચપ્પુથી ઘણા ટુકડા કરી દિલ્હીના અલગ-અલગ વિસ્તારોમાં ફેંકી દેવામાં આવ્યા હતા. તેણે એવી પણ કબૂલાત કરી છે કે તે 18 દિવસ સુધી મૃતદેહના ટુકડાને અલગ-અલગ જગ્યાએ ફેંકતો રહ્યો હતો. મૃતદેહ રાખવા માટે તેણે એક મોટું ફ્રીજ રાખ્યું હતું.
