નવી દિલ્હી: (New Delhi) જેમ જેમ દિલ્હી MCD ચૂંટણીની (Election) તારીખ નજીક આવી રહી છે તેમ તેમ ભાજપ (BJP) અને આમ આદમી પાર્ટીના (AAP) કાર્યકરો યુદ્ધના ધોરણે પ્રચાર કરી રહ્યા છે. આલમ એ છે કે પ્રચાર (Campaigning) દરમિયાન બંને પક્ષના કાર્યકરોએ એકબીજા સાથે મારપીટ શરૂ કરી દીધી છે. મળતી માહિતી મુજબ આમ આદમી પાર્ટીના કાર્યકરોએ ટીવી ડિબેટ (TV debate) દરમિયાન મયુર વિહાર ફેઝ-2થી બીજેપી ઉમેદવાર બિપિન બિહારી સિંહના પુત્રને માર માર્યો હતો. પૂર્વ MCDના મેયર બિપિન બિહારી જ્યારે પુત્રને બચાવવા આવ્યા ત્યારે તેમને પણ માર મારવામાં આવ્યો હતો. આ મામલો પોલીસ મથકે પહોંચ્યો છે.
બિપિન બિહારી સિંહે કહ્યું કે તેમનો પુત્ર ચર્ચા દરમિયાન ત્યાં હાજર હતો જ્યારે આમ આદમી પાર્ટીના ઉમેદવાર દેવેન્દ્ર કુમારના સમર્થકોએ તેને માર માર્યો. તેને લાત અને મુક્કા માર્યા. જ્યારે તેમણે દરમિયાનગીરી કરવાનો પ્રયાસ કર્યો ત્યારે તેમના પર પણ હુમલો કરવામાં આવ્યો. દેવેન્દ્ર કુમારના માણસોએ તેમના સમર્થકોને માર માર્યો. હુમલાની માહિતી મળતાની સાથે જ મયુર વિહાર જિલ્લા ભાજપ પ્રમુખ ડો.વિનોદ કુમાર બછિતી પણ ઘટના સ્થળે પહોંચી ગયા હતા અને જણાવ્યું હતું કે આમ આદમી પાર્ટીના ગુંડાએ શરમજનક કૃત્ય કર્યું છે. જો તેમનામાં હિંમત હોય તો તેમણે ચર્ચા કરવી જોઈતી હતી. આ પ્રકારની કાર્યવાહી તેમની માનસિકતા દર્શાવે છે.
શું છે સમગ્ર મામલો
મયુર વિહાર ફેઝ II આસપાસના સ્થાનિક મુદ્દાઓ પર ટેલિવિઝન ચર્ચા પછી લડાઈ ફાટી નીકળી હતી. આ બેઠક પરથી ભાજપ અને AAPના ઉમેદવારો બિપિન બિહારી સિંહ અને દેવેન્દ્ર કુમાર ચૌધરી ચર્ચામાં હાજર હતા. કાર્યક્રમ બાદ તેમના સમર્થકો એકબીજા સાથે ઘર્ષણમાં પડ્યા હતા અને આ ઘટનામાં ભાજપના ઉમેદવારના પુત્ર રિતિક સિંહને માર મારવામાં આવ્યો હતો. કેટલાક પ્રત્યક્ષદર્શીઓએ પુષ્ટિ કરી હતી કે હરીફ જૂથ દ્વારા હૃતિક પર હુમલો કરવામાં આવ્યો હતો.
બાદમાં પોલીસ દેવેન્દ્ર કુમાર ચૌધરી, બિપિન બિહારી સિંહ અને રિતિક સહિત અનેક લોકોને MLC ટેસ્ટ માટે લાલ બહાદુર શાસ્ત્રી હોસ્પિટલમાં લઈ ગઈ હતી. હોસ્પિટલમાં તપાસ દરમિયાન કેટલાક પોલીસકર્મીઓ તૈનાત હતા. અગાઉ દિલ્હીના રોહિણીના ઘણા બીજેપી નેતાઓ આમ આદમી પાર્ટીમાં જોડાયા હતા. AAPએ દાવો કર્યો હતો કે ભાજપના ભૂતપૂર્વ નેતાઓ પાર્ટીમાં જોડાયા હતા કારણ કે તેમની મહેનતની ભગવા કેમ્પ દ્વારા કદર કરવામાં આવી ન હતી.
