દિલ્હી સરકારે વાયુ પ્રદૂષણને પહોંચી વળવા માટે ફટાકડાના ઉત્પાદન, સંગ્રહ, વેચાણ અને ઉપયોગ પર 1 જાન્યુઆરી સુધી પ્રતિબંધ મૂક્યો છે. પર્યાવરણ મંત્રી ગોપાલ રાયે આ માટે નિર્દેશ આપ્યા છે. ગયા વર્ષની જેમ આ વખતે પણ દિલ્હીમાં ફટાકડાના ઉત્પાદન, સંગ્રહ, વેચાણ અને ઉપયોગ પર પ્રતિબંધ રહેશે. 1 જાન્યુઆરી 2025 સુધી ફટાકડાના ઓનલાઈન વેચાણ અને ડિલિવરી પર પણ પ્રતિબંધ રહેશે.
પર્યાવરણ મંત્રી ગોપાલ રાયે કહ્યું કે પ્રતિબંધને કડક રીતે લાગુ કરવા માટે દિલ્હી પોલીસ, ડીપીસીસી અને રેવન્યુ વિભાગ સાથે મળીને એક એક્શન પ્લાન બનાવશે. પ્રદૂષણને નિયંત્રિત કરવા માટે સરકાર 21 ફોકસ પોઈન્ટ પર આધારિત વિન્ટર એક્શન પ્લાન તૈયાર કરી રહી છે.
શિયાળાની ઋતુમાં પ્રદૂષણને ધ્યાનમાં રાખીને આ નિર્ણય લેવામાં આવ્યો છે. દિલ્હી સરકારના પર્યાવરણ મંત્રી ગોપાલ રાયે આ જાણકારી આપી છે. ગોપે રાયનું કહેવું છે કે આ પ્રતિબંધનો કડક અમલ કરવામાં આવશે. આ માટે દિલ્હી પોલીસ, દિલ્હી પ્રદૂષણ નિયંત્રણ સમિતિ અને મહેસૂલ વિભાગ સાથે મળીને કામ કરશે.
ગોપાલ રાયના જણાવ્યા અનુસાર આ નિર્ણયના સફળ અમલીકરણ માટે સરકાર દ્વારા વિગતવાર માર્ગદર્શિકા જારી કરવામાં આવશે. દિલ્હી પ્રદૂષણ નિયંત્રણ સમિતિ દ્વારા પણ નોટિફિકેશન બહાર પાડવામાં આવશે. ઉલ્લેખનીય છે કે દર વર્ષે દિવાળીની આસપાસ દિલ્હીમાં પ્રદૂષણ વધી જાય છે અને લોકોને શ્વાસ લેવો મુશ્કેલ બની જાય છે. આવી સ્થિતિમાં ફટાકડા પર પ્રતિબંધ મુકવાથી પર્યાવરણનું પ્રદૂષણ અટકશે અને લોકોને શ્વાસ લેવામાં તકલીફ પણ ઓછી થશે.
જોકે ફટાકડા પર પ્રતિબંધ મૂકવો એ સરકાર માટે મોટો પડકાર હશે. કારણ કે પ્રતિબંધ હોવા છતાં કેટલાક લોકો ફટાકડા ફોડવાનું છોડી દેતા નથી અને બ્લેકમાં આડેધડ ફટાકડા વેચાય છે. દિવાળી પર પ્રદૂષણ એટલું વધી જાય છે કે શ્વાસ લેવામાં તકલીફ થવા ઉપરાંત આંખોમાં ખૂંચવાની સમસ્યા પણ થાય છે. જેને લઈને દિલ્હી સરકારે આ નિર્ણય લીધો હોવાનું કહેવાઈ રહ્યું છે.
