નવી દિલ્હી: બોલિવુડ (Bollywood) અને ક્રિકેટમાં (Cricket) એક અલગ જ માહોલ બની રહ્યો છે. એક પછી એક કપલ લગ્ન (Marriage) ગ્રંથિથી જોડાઈ રહ્યું છે. ક્રિકેટની દુનિયાનાના વિરાટ કોહલી બોલિવુડની એકટ્રેસ અનુષ્કા શર્મા પછી ધણાં કપલ લગ્નના પવિત્ર બંધનથી બંધાયા છે. હાલ આથિયા શેટ્ટી તેમજ કે.એલ રાહુલ તેમજ અક્ષપ પટેલ અને મેહા પટેલ લગ્ન ગ્રંથિથી જોડાયા છે. હાર્દિક પંડ્યા અને નતાશાની વાત કરીએ તો તેઓએ વર્ષ 2020માં લગ્ન કરી લીધા હતા હાલ તેઓને અગસ્થય નામનો પુત્ર પણ છે. જો કે મળતી માહિતી મુજબ આ કપલ ફરીવાર વેલેન્ટાઈન્સ ડેના દિવસે પોતાની ડ્રીમી વેડિંગ પૂર્ણ કરવા જઈ રહ્યાં છે. બોલિવૂડ એકટ્રેસ નતાશા તેમજ ક્રિકેટ કિંગ હાર્દિક ઈંડસ્ટ્રીના સુપર કુલ કપલમાંના એક માનવામાં આવે છે. આ કપલે વર્ષ 2020માં ઉદયપુરમાં કોર્ટ મેરેજ કર્યા હતા તેમજ લગ્ન પહેલા જ આ કપલે બેબી બોયનું વેલકમ કર્યું હતું.
વર્ષ 2020માં તેઓએ ઉતાવળે આ લગ્ન કરી લીધા હતા જે કો તેઓ ગ્રાંડ મેરેજ કરવા માગતા હતા. ક્રિકેટમાં તેમજ કોરોનાના કારણે આ કપલને સમય ન મળ્યો પરંતુ જાણકારી મુજબ આ સપર કુલ કપલ 14 ફેબ્રુઆરી એટલે કે વેલેન્ટાઈન્સ ડેના દિવસે ઉદયુરમાં ગ્રાંડ મેરેજ કરવા જઈ રહ્યું છે. લગ્નની તમામ તૈયારીઓ પૂર્ણ થઈ ચૂકી છે. લગ્નના ત્રણ વર્ષ પછી ફરીવાર આ કપલ વિઘીવત રીતે લગ્નના બંઘનમાં બંધાવા જઈ રહ્યાં છે.
જાણકારી મુજબ આ લગ્નમાં નતાશા તેમજ પંડયાના પરિવારજનો તેમજ નજીકના સંબંધીઓ અને તેઓના ખાસ મિત્રો હાજરી આપશે, તેઓના લગ્નના ફંકશન આવતીકાલથી એટલે કે 13 ફેબ્રુઆરીથી 16 ફેબ્રુઆરી સુઘી ચાલશે. હલ્દી, મહેંદી, સંગીત સાથે લગ્ન પછી પણ એક ફંકશનનું આયોજન કરવામાં આવ્યું છે. જાણકારી મુજબ આ કપલના ગ્રાંડ મેરેજ થશે કારણકે તેઓના લગ્નની તૈયારીઓ નવેમ્બર-2022થી કરવામાં આવતી હતી.
જણાવી દઈએ કે હાર્દિક અને નતાશાની મુલાકાત સૌ પ્રથમ એક નાઈટ કલબમાં થઈ હતી. નતાશાને તે સમયે ખબર ન હતી કે હાર્દિક ક્રિકેટર છે. ત્યારબાદ બંનેએ થોડી વાતો કરી અને બંને એકબીજાની નજીક આવ્યાં. આ બંને કપલ ધણી પાર્ટીઓ એકબીજા સાથે પણ જોવા મળ્યાં હતા. જો કે વર્ષ 2020 પહેલા આ કપલે પોતાના સંબંધ અંગે ખુલીને ખુલાસો આપ્યો ન હતો.
