આજે દરેક શહેરને સ્વચ્છ અને વ્યવસ્થિત બનાવવા માટે સરકારી તંત્ર સતત પ્રયત્નશીલ છે. છતાં ઘણી વખત આપણે નાગરિક તરીકે પોતાની ફરજ પ્રત્યે ઉદાસીન बनी જઈએ છીએ. રસ્તા પર કચરો ફેંકવો, ઘરના બહાર કચરાપેટી મૂકી દેવી અથવા જાહેર સ્થળોની સફાઈ પ્રત્યે બેદરકારી દાખવવી — આ બધું શહેરની છબી પર સીધી અસર કરે છે. સ્વચ્છતા માત્ર નગરપાલિકા અથવા પ્રશાસનની જવાબદારી નથી. દરેક નાગરિક પોતાના ઘર અને આસપાસના વિસ્તારને સ્વચ્છ રાખે તો આખું શહેર આપમેળે સ્વચ્છ બની શકે છે.
નાના નિયમોનું પાલન અને પરસ્પર સહકાર મોટા પરિવર્તનનું કારણ બની શકે છે. શહેરની ઓળખ માત્ર ઇમારતો અને રસ્તાઓથી નથી બનતી, પરંતુ ત્યાં રહેતા લોકોના સંસ્કાર અને શિસ્તથી બને છે. જો દરેક વ્યક્તિ એ નક્કી કરે કે તેના કારણે ગંદકી નહીં ફેલાય, તો સ્વચ્છતા અભિયાનને સાચો અર્થ મળશે. ચાલો, આપણે સૌ મળીને નાગરિક જવાબદારી નિભાવવાનો સંકલ્પ કરીએ અને આપણા શહેરને સ્વચ્છ, સુંદર અને ગૌરવપૂર્ણ બનાવીએ.
સુરત – પવનકુમાર વિશ્વકર્મા– આ લેખમાં પ્રગટ થયેલાં વિચારો લેખકનાં પોતાના છે.
