( પ્રતિનિધિ )વડોદરા,તા.2
સેન્ટ્રલ બોર્ડ ઓફ સેકન્ડરી એજ્યુકેશને ફેબ્રુઆરી 2026 માં યોજાનારી ધોરણ 10 અને 12 ની બોર્ડ પરીક્ષાઓ માટે ભારતીય વિદ્યાર્થીઓ માટે લગભગ 7 ટકા અને વિદેશી વિદ્યાર્થીઓ માટે 10 ટકા ફી વધારાની જાહેરાત કરી છે.
ભારતીય વિદ્યાર્થીઓ માટે, પાંચ વિષયોની ફી 1,500 રૂપિયાથી વધીને 1,600 રૂપિયા થઈ ગઈ છે. આ પાંચ વિષયો ઉપરાંત દરેક વિષય માટે ચૂકવવાનો વધારાનો ચાર્જ રૂ.300 વધારીને રૂ.320 કરવામાં આવ્યો છે. પ્રાયોગિક વિષય ફી પણ રૂ.150 થી વધારીને રૂ.160 કરવામાં આવી છે. વિદેશી વિદ્યાર્થીઓ માટે, પાંચ વિષયોની ફી રૂ.10 હજારથી વધારીને રૂ.11 હજાર કરવામાં આવી છે, જ્યારે દરેક વધારાના વિષયની ફી રૂ.2 હજારથી વધારીને રૂ.2200 કરવામાં આવી છે. વિદેશી વિદ્યાર્થીઓ માટે પ્રાયોગિક વિષયની ફી રૂ.350 થી વધારીને રૂ.375 કરવામાં આવી છે. આ સુધારેલી ફી માળખું આગામી બોર્ડ પરીક્ષાઓ માટે નોંધણી કરાવતા તમામ વિદ્યાર્થીઓને લાગુ પડશે. નોંધનીય છે કે, દિલ્હી સરકારી શાળાઓના SC,ST વિદ્યાર્થીઓ – જેમણે અગાઉ ઓછી ફી ચૂકવી હતી. હવે સંપૂર્ણ રકમ ચૂકવવાની રહેશે. ફક્ત દિવ્યાંગ વિદ્યાર્થીઓને જ મુક્તિ આપવામાં આવશે.પાછલા બોર્ડ સાયકલ માટે આશરે 40 લાખ વિદ્યાર્થીઓ નોંધાયા હતા – ધોરણ 10 માં 23 લાખ અને ધોરણ 12 માં 17 લાખ – પ્રતિ વિદ્યાર્થી સરેરાશ રૂ. 100 નો વધારો બોર્ડને રૂ. 40 કરોડની વધારાની આવક ઊભી કરવાની અપેક્ષા છે.
