મુંબઇ: જ્યાં એક તરફ બોલિવૂડના (Bollywood) શહેનશાહ માટે લોકોનો ક્રેઝ અલગ સ્તર પર છે, તો બીજી તરફ સાઉથના સુપરસ્ટાર (South Superstar) રજનીકાંતના (Rajnikant) ચાહકો પણ ઓછા દિવાના નથી. બંને સ્ટાર્સ પોતપોતાના ઈન્ડસ્ટ્રીના ભગવાન છે, ચાહકો માત્ર તેમને પસંદ જ નથી કરતા પરંતુ તેમની પૂજા પણ કરે છે. જો આ બંને સુપરસ્ટાર એક જ ફિલ્મમાં સાથે જોવા મળશે તો તે ચાહકો માટે એક સ્વપ્ન સાકાર થવા જેવું હશે. કારણ કે ટૂંક સમયમાં જ અમિતાભ બચ્ચન (Amitabh Bachchan) અને સાઉથના સુપરસ્ટાર રજનીકાંત એક જ ફિલ્મમાં સાથે જોવા મળવાના છે.
32 વર્ષ બાદ ફરી એકવાર અમિતાભ બચ્ચન અને સાઉથના સુપરસ્ટાર રજનીકાંત સાથે કામ કરવા માટે તૈયાર છે. રજનીકાંતની 170મી ફિલ્મમાં અમિતાભ બચ્ચને જોરદાર એન્ટ્રી કરી છે. આ ફિલ્મનો આ બંનેનો ફર્સ્ટ લૂક પણ તાજેતરમાં જ સામે આવ્યો હતો. તાજેતરમાં જ સુપરસ્ટાર રજનીકાંતે પણ અમિતાભ બચ્ચન સાથે કામ કરવાની ખુશી વ્યક્ત કરી છે. તેમણે બિગ બી સાથે એક ફોટો શેર કરીને આ ખુશી વ્યક્ત કરી હતી. થલાઈવાએ પોતાના એક્સ (ટ્વિટર) પર લખ્યું, ’33 વર્ષ પછી ફરી એકવાર હું મારા માર્ગદર્શક અમિતાભ બચ્ચન સાથે ટીજે જ્ઞાનવેલ દ્વારા નિર્દેશિત ફિલ્મ ‘થલાઈવર 170’માં કામ કરી રહ્યો છું. મારું હૃદય આનંદથી ઝૂમી રહ્યું છે. રજનીકાંતની આ પોસ્ટ હાલમાં સોશિયલ મીડિયા પર વાયરલ થઈ રહી છે. ફેન્સ આ જોડીને એકસાથે જોવા માટે ખૂબ જ ઉત્સાહિત થઇ રહ્યા છે.
ટીજે જ્ઞાનવેલની આ ફિલ્મ એક સત્ય ઘટના પર આધારિત હશે, જેમાં બિગ બી વિલનની ભૂમિકા ભજવી શકે છે. સાથે જ રજનીકાંત એક મુસ્લિમ પોલીસ ઓફિસરના રોલમાં જોવા મળશે, જો આમ થશે તો બંને સુપરસ્ટાર 33 વર્ષ પછી સાથે કામ કરતા જોવા મળશે. રજનીકાંત અને બિગ બીએ છેલ્લે મુકુલ એસ આનંદની હિન્દી ફિલ્મ ‘હમ’માં સાથે કામ કર્યું હતું. આ ફિલ્મમાં બંનેએ ભાઈઓની ભૂમિકા ભજવી હતી. બંનેની જોડી ચાહકોને ઘણી પસંદ આવી હતી. આ ફિલ્મનું નિર્દેશન મુકુલ આનંદે કર્યું હતું. ફિલ્મ અને જોડી બંનેને પસંદ હોવા છતાં બંનેએ 32 વર્ષ સુધી કોઈ ફિલ્મમાં કામ કર્યું નથી. હવે વર્ષો પછી બંનેની કેમેસ્ટ્રી જોવા જેવી છે. રજનીકાંત અને અમિતાભ બચ્ચન ઉપરાંત ‘પુષ્પા’ ફેમ ફહાદ ફૈસીલ અને રાણા દગ્ગુબાતી રજનીકાંતની ફિલ્મ ‘થલાઈવર 170’માં મહત્વની ભૂમિકામાં જોવા મળશે. રિતિકા સિંહ, મંજુ વૉરિયર અને દુશારા વિજયન જેવા કલાકારો પણ ફિલ્મનો એક ભાગ છે.
