મુંબઇ: સલમાન ખાન (Salman Khan), કેટરીના કૈફ (Katrina Kaif) અને ઇમરાન હાશમીની (Emran Hashmi) ફિલ્મ ટાઇગર-3ને (Tiger-3) લઇને ચાહકોમાં ખૂબ જ ઉત્સાહ જોવા મળી રહ્યો છે. ફિલ્મના ટ્રેલરને રીલિઝ થતા જ ધમાકેદાર રિસ્પોન્સ મળ્યો હતો. ફિલ્મના ટ્રેલરમાં કેટરીના કૈફના ટુવાલ સાથેના સીને દર્શકોનું ખૂબ ધ્યાન ખેંચ્યું છે. જેમાં કેટરીના હોલીવુડ એક્ટ્રેસ મિશેલ સાથે ટુવાલમાં ફાઇટ કરતી દેખાય છે. આ સીન વિશે મિશેલે જણાવ્યું કે તેમણે ટુવાલમાં આ ફાઇટ સીન કેવી રીતે શૂટ કર્યું હતું.
હોલિવૂડ અભિનેત્રી મિશેલ લી, જે એક્શન સીન્સ શૂટ કરવામાં માહેર છે, તેણે ‘બ્લેક વિડો’માં સ્કારલેટ જોહાન્સન, ‘પાઇરેટ્સ ઑફ ધ કેરેબિયન’માં જોની ડેપ, ‘બુલેટ ટ્રેન’માં બ્રાડ પિટ અને ‘વેનોમ’માં ટોમ હાર્ડી સાથે કામ કર્યું છે. હવે તેને સલમાન ખાન અને કેટરીના કૈફની એક્શન ફિલ્મ ‘ટાઈગર 3’ માટે પસંદ કરવામાં આવ્યો છે.’ટાઈગર 3’માં તેણે કેટરિના કૈફ સાથે ટુવાલમાં ફાઈટ સીન કર્યો છે, જેની સૌથી વધુ ચર્ચા થઈ રહી છે. મિશેલે હાલમાં જ આ અંગે વાત કરી છે.
મિશેલે કહ્યું કે “મને આશ્ચર્ય નથી,” જ્યારે અમે તેનું શૂટિંગ કરી રહ્યા હતા, ત્યારે મને લાગ્યું કે તે એક મોટો સીન છે. અમે બે અઠવાડિયા સુધી લડાઈ શીખી અને પ્રેક્ટિસ કરી અને પછી તેનું શૂટિંગ કર્યું હતું. આ સાથે મિશેલે કેટરિના કૈફની પણ પ્રશંસા કરી, જેના એક્શન સીન્સને સુધારવા માટે તે કંઈપણ કરવા તૈયાર હતી. તે કહે છે, ‘કેટરિના પણ મારા જેટલી પ્રશિક્ષિત હતી. તેણે દરેક વસ્તુને પરફેક્ટ બનાવવા સખત મહેનત કરી. તે સ્પષ્ટ હતું કે તેને કોરિયોગ્રાફીનો અનુભવ હતો તેથી તેની સાથે કામ કરવું ખૂબ જ સરળ હતું. અમે સાથે મળીને ઘણો પરસેવો પાડ્યો છે.
‘ટાઈગર 3’માં સલમાન ખાન, કેટરીના કૈફ અને ઈમરાન હાશ્મી લીડ રોલમાં છે. YRF સ્પાય યુનિવર્સની આ ફિલ્મ આદિત્ય ચોપરા દ્વારા બનાવવામાં આવી છે અને મનીષ શર્મા દ્વારા નિર્દેશિત કરવામાં આવી છે. તે આ દિવાળી પર રવિવાર, 12 નવેમ્બરે હિન્દી, તમિલ અને તેલુગુમાં રિલીઝ થવાની છે.
