મુંબઇ: રેપર સિંગર (Singer) હની સિંહને (Honey Singh) લઈને મોટા સમાચાર સામે આવ્યા છે. તેણે તેની પત્ની શાલિનીથી છૂટાછેડા (Divorce) લીધા છે. પ્રખ્યાત ગાયક તેના લગ્ન જીવનને લઈને ઘણા સમયથી સમાચારમાં હતો. આખરે દિલ્હીની ફેમિલી કોર્ટે (Family Court) કપલના અલગ થવાને મંજૂરી આપી દીધી છે. ફેમિલી કોર્ટે હની સિંહ અને તેની પત્ની વચ્ચેના અઢી વર્ષ જૂના કેસનું સમાધાન કરતાં બંને પક્ષોના છૂટાછેડાને મંજૂરી આપી દીધી છે.
હની સિંહ અને શાલિની તલવારના છૂટાછેડાનો કેસ અઢી વર્ષથી કોર્ટમાં ચાલી રહ્યો હતો. આખરે આ અંગે નિર્ણય આવ્યો છે. શાલિનીએ હની પર ઘરેલુ હિંસાનો આરોપ લગાવ્યો હતો. છૂટાછેડાને મંજૂરી આપતા પહેલા, કોર્ટે હની સિંહને છેલ્લી વાર પૂછ્યું કે શું તે હજી પણ તેની પત્ની સાથે રહેવાનો પ્રયાસ કરવા માંગે છે. જેના પર હની સિંહે જવાબ આપ્યો કે હવે સાથે રહેવાનો કોઈ અર્થ નથી. હવે સાથે રહેવું અશક્ય છે. શાલિની પણ હનીની આ વાત સાથે સહમત થઈ ગઈ. બંને પક્ષો અલગ રહેવા માટે કોર્ટમાં સમજૂતી પર પહોંચ્યા. હની અને શાલિનીએ પણ એકબીજા પરના આરોપો પાછા ખેંચી લીધા હતા. પરંતુ જે શરતો હેઠળ દંપતી વચ્ચે છૂટાછેડા નક્કી કરવામાં આવ્યા હતા તે સીલબંધ રાખવામાં આવ્યા છે. છૂટાછેડાની સુનાવણીમાં હની સિંહની સાથે મેટલો ઓફિસના ભાગીદાર ઈશાન મુખર્જી, વકીલ અમૃતા ચેટર્જી અને જસપાલ સિંહ હતા.
ગયા વર્ષે સપ્ટેમ્બરમાં યોજાયેલી સુનાવણી પછી, હની સિંહે સમાધાનના નિર્ણયના ભાગરૂપે તેની પત્ની શાલિનીને 1 કરોડ રૂપિયાનો ડિમાન્ડ ડ્રાફ્ટ પણ સોંપ્યો હતો. તે જ સમયે, શાલિનીએ હની પર આરોપ લગાવ્યો હતો અને કહ્યું હતું કે તે ડરના છાયામાં જીવી રહી છે. કારણ કે હની સિંહ અને તેનો પરિવાર તેના પર માનસિક, શારીરિક, ભાવનાત્મક, જાતીય અને આર્થિક હિંસા કરતા હતા.
હની સિંહ અને શાલિની તલવાર પ્રેમ લગ્ન કર્યા હતા. બંને લાંબા સમયથી એકબીજાને ડેટ કરતા હતા. આ પછી, દંપતીએ 2011 માં દિલ્હીના એક ગુરુદ્વારામાં શીખ રિવાજો મુજબ શપથ લીધા હતા. હનીએ ખૂબ જ ગુપ્ત રીતે લગ્ન કર્યા. રેપરે આ વાતનો ખુલાસો એક રિયાલિટી શો દરમિયાન કર્યો હતો. શાલિની સાથેના તેના અફેરના સમાચાર આવવા લાગ્યા. આ પછી તેણે કહ્યું કે તે પરિણીત છે અને તેના લગ્નને ત્રણ વર્ષ થઈ ગયા છે.
