મુંબઇ: બોલિવૂડ અભિનેત્રી (Bollywood Actress) દીપિકા પાદુકોણનું (Deepika Padukone) નામ બ્યુટી વિથ બ્રેન ધરાવતી સુંદરીઓની યાદીમાં સામેલ છે. દીપિકા માત્ર સુંદર અને મહાન અભિનેત્રી જ નથી, પરંતુ તે ખૂબ જ પ્રતિભાશાળી પણ છે. પોતાની એક્ટિંગ સ્કિલ અને કિલર લુકના કારણે દીપિકાએ બોલિવૂડથી લઈને હોલીવુડ (Hollywood) સુધીની ફિલ્મોમાં પોતાનું નામ ફેલાવ્યું છે. હવે દીપિકાએ ફરી એકવાર પોતાની પ્રતિભાથી ભારતને ગૌરવ અપાવવાનો મોકો આપ્યો છે અને આમ કરીને અભિનેત્રીના નામમાં વધુ એક મોટી ઉપલબ્ધિ જોડાઈ ગઈ છે.
વાસ્તવમાં તાજેતરમાં એકેડેમી મ્યુઝિયમ ગાલાનું (Academy Museum Gala) આયોજન કરવામાં આવ્યું હતું, જે ઓસ્કાર (Oscar) પછી વિશ્વનું બીજું સૌથી મોટું સ્ટેજ માનવામાં આવે છે. આ ઈવેન્ટમાં ઘણા હોલીવુડ સ્ટાર્સે રેડ કાર્પેટ પર હાજરી આપી હતી. આ ઈવેન્ટમાં બોલિવૂડ અભિનેત્રી દીપિકા પાદુકોણે પણ ભાગ લીધો હતો, જે બાદ દીપિકા પાદુકોણ ‘એકેડેમી મ્યુઝિયમ ગાલા’માં ભાગ લેનારી પ્રથમ ભારતીય અભિનેત્રી બની ગઈ છે. દીપિકા પાદુકોણે ફરી એકવાર આમ કરીને દેશનું ગૌરવ વધાર્યું છે. જો કે અગાઉ આ વર્ષની શરૂઆતમાં અભિનેત્રીએ ઓસ્કારમાં ભારતીય ગીત રજૂ કરવા માટે સ્ટેજ પર પગ મૂકીને ઇતિહાસ રચ્યો હતો.
દીપિકાની એકેડેમી મ્યુઝિયમ ગાલાની આ ઉપલબ્ધિ સિવાય તેના લૂકની પણ ખૂબ ચર્ચા થઈ રહી છે. આ દરમિયાન દીપિકા પાદુકોણે બ્લૂ કલરનું વેલ્વેટ ગાઉન પહેર્યું હતું. ડ્રેસની સાથે અભિનેત્રીએ હીરાના આભૂષણોથી પોતાનો લુક કમ્પ્લીટ કર્યો હતો. આ લુકમાં દીપિકા સેલેના ગોમેઝ-દુઆ લિપા જેવા હોલીવુડ સ્ટાર્સને ટક્કર આપતી જોવા મળી હતી.
અગાઉ દીપિકા આ વર્ષે રિલીઝ થયેલી ફિલ્મ પઠાણને કારણે ચર્ચામાં હતી. આ ફિલ્મે વિશ્વભરમાં 1 હજાર કરોડ રૂપિયાથી વધુની કમાણી કરીને ઘણા રેકોર્ડ તોડ્યા છે. જે બાદ અભિનેત્રીએ ટાઇમ મેગેઝીનના કવર પર પણ પોતાની જગ્યા બનાવી હતી. અભિનેત્રીની આ સિદ્ધિથી તેના ચાહકો ખૂબ જ ખુશ છે. વર્ક ફ્રન્ટની વાત કરીએ તો દીપિકા પાદુકોણ ટૂંક સમયમાં રિતિક રોશન સાથે ફિલ્મ ‘ફાઈટર’માં જોવા મળશે.
