ભારતીય ક્રિકેટ કંટ્રોલ બોર્ડ (BCCI) એ પુરુષ ટીમ માટે સેન્ટ્રલ કોન્ટ્રાક્ટ યાદી જાહેર કરી છે. આ વખતે BCCI એ 34 ખેલાડીઓને સેન્ટ્રલ કોન્ટ્રાક્ટ આપ્યા છે. ઈશાન કિશન અને શ્રેયસ ઐયર સેન્ટ્રલ કોન્ટ્રાક્ટ યાદીમાં પાછા ફર્યા છે. તમને જણાવી દઈએ કે શ્રેયસ ઐયર અને ઈશાન કિશનને ગયા વર્ષે સેન્ટ્રલ કોન્ટ્રાક્ટ લિસ્ટમાંથી બહાર કરી દેવામાં આવ્યા હતા કારણ કે બંને ખેલાડીઓએ ઘરેલુ ક્રિકેટ પ્રત્યે ઢીલું વલણ અપનાવ્યું હતું.
શ્રેયસ ઐયરને ગ્રેડ-બી અને ઇશાન કિશનને ગ્રેડ-સીમાં સામેલ કરવામાં આવ્યા છે. આ વખતે અભિષેક શર્મા, હર્ષિત રાણા, આકાશ દીપ, વરુણ ચક્રવર્તી અને નીતિશ રેડ્ડીને પણ સેન્ટ્રલ કોન્ટ્રાક્ટ મળ્યા છે. શાર્દુલ ઠાકુર, જીતેશ શર્મા, કેએસ ભરત, અવેશ ખાન અને નિવૃત્ત રવિચંદ્રન અશ્વિનને સેન્ટ્રલ કોન્ટ્રાક્ટની યાદીમાંથી બહાર કરવામાં આવ્યા છે. આ કોન્ટ્રાક્ટ લિસ્ટ 1 ઓક્ટોબર, 2024 થી 30 સપ્ટેમ્બર, 2025 સુધીની છે.
BCCI સેન્ટ્રલ કોન્ટ્રાક્ટ ખેલાડીઓની યાદી (2024-25)
- ગ્રેડ A+ રોહિત શર્મા, વિરાટ કોહલી, જસપ્રિત બુમરાહ અને રવિન્દ્ર જાડેજા.
- ગ્રેડ A મોહમ્મદ શમી, મોહમ્મદ સિરાજ, કેએલ રાહુલ, શુભમન ગિલ, હાર્દિક પંડ્યા, ઋષભ પંત.
- ગ્રેડ B સૂર્ય કુમાર યાદવ, કુલદીપ યાદવ, અક્ષર પટેલ, શ્રેયસ અય્યર, યશસ્વી જયસ્વાલ.
- ગ્રેડ C રિંકુ સિંહ, તિલક વર્મા, ઋતુરાજ ગાયકવાડ, શિવમ દુબે, રવિ બિશ્નોઈ, વોશિંગ્ટન સુંદર, મુકેશ કુમાર, સંજુ સેમસન, અર્શદીપ સિંહ, પ્રસિદ્ધ ક્રિષ્ના, રજત પાટીદાર, સરફરાઝ ખાન, આકાશ દીપ, નીતિશ રેડ્ડી, ધ્રુવ જુરેલ, વરુણ ચક્રવર્તી, અભિષેક શર્મા, હર્ષિત રાણા અને ઈશાન કિશન.
કયા કોન્ટ્રાક્ટર હેઠળ કેટલા રૂપિયા મળે છે?
BCCI કોન્ટ્રાક્ટ લિસ્ટમાં 4 શ્રેણીઓ છે. A+ શ્રેણીમાં વાર્ષિક 7 કરોડ, A શ્રેણીમાં 5 કરોડ, B કેટેગરીમાં 3 કરોડ અને નીચેની C કેટેગરીમાં વાર્ષિક રૂ. 1 કરોડ આપવામાં આવે છે. તમને જણાવી દઈએ કે ગયા વર્ષે 30 ખેલાડીઓને સેન્ટ્રલ કોન્ટ્રાક્ટ મળ્યો હતો. બાદમાં સરફરાઝ ખાન અને ધ્રુવ જુરેલનો પણ આ યાદીમાં સમાવેશ કરવામાં આવ્યો હતો. આ સિવાય BCCIએ ઝડપી બોલર આકાશ દીપ, યશ દયાલ, ઉમરાન મલિક, વિજયકુમાર વૈશાક અને વિદ્યાથ કવેરપ્પાને ઝડપી બોલિંગનો કોન્ટ્રાક્ટ આપ્યો હતો.
